Filipenses 4

1 K’oa̱á maâne jñò ndí ’ndsè xi ‘ñó matsjake̱ânò, ko̱ nga ‘ñó makájnoâna nga mejènâna skoexkonânò, ko̱ nga nìtsjaâlà ini̱ma̱âna̱, ko̱ jñò xi kjo̱tjòâna̱ ma i̱t’aà ts’e̱ xáâna, k’oa̱á xanânò nga kixi̱ titsa̱jnako̱o Na̱’ènâná, jñò xi ‘ñó matsjake̱ânò. 2 Tìbitsi’bàâla̱ jè Evodia ko̱ Síntique, nga ngásòn ndaà kàtjìko̱ xíkjín nga ndichja joó xi i̱t’aà ts’e̱ Na̱’ènâná. 3 Ti̱koa̱á ngaji̱ ndí ’ndsè xi ngásòn ta̱ña nìxá, tìsìjét’aàâlè, ti̱chját’aàâla̱ íchjín koi; nga ndaà kisìxáko̱âna i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo. Ko̱ jè Clemente ko̱ xi̱ta̱ xi i’nga ti̱koa̱á ndaà kisìxáko̱âna. Xi̱ta̱ koi, jye tjít’aà ‘ínâla̱ xo̱jo̱n ts’e̱ kjoa̱binachon ján ngajmiì. 4 Tsja t’èâlà ini̱ma̱ânò nga Na̱’ènâná titsa̱jnako̱o. Ãjngoò k’a k’oa̱ xanânò: ¡Tsja t’èâlà takòn! 5 Jñò, kàtabeè yijeânò xi̱ta̱ nga xi̱ta̱ ndaà ‘mìânò. Jyeé tímachrañà nga kjoi̱í ìjngoò k’a Na̱’ènâná. 6 Kì mé kjoa̱ nìkájno. Ta ìsa̱á ti̱jét’aàâlà Nainá k’e̱ nga mé xi mochjeénânò. Ti̱koa̱ tjiìâlà kjo̱ndaà. 7 K’oa̱á s’ín ko̱maâne nga tsjáânò kjoa̱’nchán Nainá. Jè kjoa̱’nchán xi tsjáânò fahatonèâla̱ koni s’ín bítsjeènâla̱ xi̱ta̱. Kjoa̱’nchán jè, jè xi si̱ìkinda̱ ini̱ma̱ânò ko̱ kjo̱hítsjeènânò nga Cristo Jesús titsa̱jnako̱o. 8 Ndí ’ndsè k’oa̱á xanânò xi fehet’aàâne. Ti̱kítsjeèn xi kjoa̱ kixi̱, kjoa̱ xi ndaà yaxkón, kjoa̱ xi ndaà tjín nga nguixko̱n Nainá, kjoa̱ xi tsjeè tjín, kjoa̱ xi ndaà sasénâná, ko̱ ngats’iì kjoa̱ xi ndaà na’yàâla̱. Ko̱ tsà tjínâìsa kjoa̱ xi kj’ei̱í xi ‘ñó ndaà tjín, xi ok’ìnâla̱ nga ’nga kítsa̱jna, koií kjoa̱ ti̱kítsjeèn. 9 K’oa̱s’ín t’e̱en koni s’ín tsakoòyaânò o̱kixi̱ xi ‘a̱n kitsjaàânò, ‘én xi kina’yáâná, koni s’ín ki’yaâná nga kis’iaàn; tákó k’oa̱s’ín t’e̱en. Nainá xi tsjaàâla̱ kjoa̱ ’nchán ini̱ma̱âná, jè kíjnako̱ânò. 10 ‘Ãó matsjaâna̱ koni síko̱âna Na̱’ènâná nga ijchò na̱chrjein, ìjngoò k’a kinìkítsjeènâná. ‘A̱n k’oa̱á s’ín síkítsjeèn nga mìtsà kinìjchàajñoò xi i̱t’aà ts’a̱n, tà jèâné nga mìkiì xátí kitjò’ndeânò nga kinìchját’aàâná. 11 Mìtsà koi kjoa̱âla̱ nga k’oa̱tìxanânò tsà mé tsojmì xi chijat’aàâna̱. Jyeé kjò’ngaâna nga majngoò takoàn mé xi tjínâna. 12 Beâná kó ma nga i̱ma̱ tísíjchá yijoâna̱. Ti̱koa̱á beâná kó ma k’e̱ nga tjínâna tsojmì. Jye tíbe ni̱ta̱ mé kjoa̱ xi tímat’ian. Ti̱jéâna̱ tsà skiì tíjna i̱ndso̱’bà, ko̱ tsà kjinchrá tìbiyaà, tsà ninguiâna̱ tsojmì ko̱ tsà ni̱mé tsojmì tjínâna̱. 13 Ko̱ma yijeéâna ni̱ta̱ mé kjoa̱âne nga jè Cristo tsjáâna nga’ñó. 14 Ta̱nga jñò, tákó ndaà ki’nèânò nga kinìchját’aàâná k’e̱ nga kjoa̱ tìjna̱jñaà. 15 Jñò xi na̱xa̱ndá Filipo tsa̱jòn, tíjiìnânò nga ta jñòânò xi kinìchját’aàâná mé xi kjòchjeénâna, jè na̱chrjein k’e̱ nga kiaà nangui Macedonia k’e̱ nga sa̱ tsibìts’ia̱a nga kichjàko̱ânò ‘én ndaàâla̱ Nainá xi kjoa̱ ts’e̱ Cristo. Ni̱jngoò na̱xa̱ndáâla̱ Cristo xi kj’ei̱í xi maâla̱ kisìchját’aàâna. 16 Ti̱koa̱á k’e̱ nga tsohóti̱jna na̱xa̱ndá Tesalónica, jngoò jò k’a kinìkasénâná kjo̱tjò xi kjòchjeénâna. 17 Mìtsà mé kjo̱tjò tsa̱jòn xi mejènâìsaâna, ta jè xi mejènâna nga ìsa̱ ndaà kàtasíchikonât’inânò Nainá. 18 Jyeé kiskaàt’aà yijeâna ngats’iì xi kinìkasénâná. Jyeé tjín yijeâna xi mochjeénâna skanda ninguiíâna nga jyeé j’iìko̱âna nga’ñó xi kinìkasénâná ko̱ Epafrodito. Kjo̱tjò xi kinìkasénâná k’oa̱á s’ín ngayaâla̱ koni chrjongóâla̱ Nainá xi ‘ñó ndaà jne̱, jñà kjo̱tjò xi ‘ñó ndaà sasénâla̱ Nainá. 19 K’oa̱á maâne, jè Nainá xi ‘a̱n kjit’aàtakoàn, tsjá yijeânò ni̱ta̱ mé xi chijat’aàânò koni s’ín jeya tjín kjoa̱ nchi̱ná xi tjínânò nga Cristo Jesús titsa̱jnako̱o. 20 Jè Nainá xi Na̱’ènâná, jeya kàtìjna ni̱ta̱ mé na̱chrjeinâne, ni̱ta̱ mé nóâne. K’oa̱s’ín kàtama. 21 I̱t’aà ts’a̱n, ti̱ixat’aà yije jñà xi̱ta̱ na̱xa̱ndáâla̱ Cristo xi ya̱ títsa̱jna. Jñà xi̱ta̱ ’ndseé xi i̱ títsa̱jnako̱âna, ti̱koa̱á nchisíhixat’aàânò. 22 Ngats’iì xi̱ta̱âla̱ Cristo síhixat’aàânò. Jñà nchisíhixat’aà ítjònânò xi títsa̱jna ni’yaâla̱ César xi xi̱ta̱xá ítjòn ts’e̱ Roma. 23 Ngats’ioò, jè kàtìjnako̱ânò kjo̱ndaàâla̱ Jesucristo xi otíxomaâná. K’oa̱s’ín kàtama.