San Mateo 5

1 Jesús, k’e̱ nga kijtseè ngats’iì xi̱ta̱ xi kjìn maâne, kiìmijìnâjno ya̱ i̱sò’nga nindoò koa̱ ya̱á tsibìjna. Jñà xi̱ta̱ xi kota’yàt’aàâla̱ ijchò kinchat’aàâla̱. 2 Jesús k’e̱é tsakóyaâla̱ kitsòâla̱: 3 âMé tà ndaàâla̱ jñà xi̱ta̱ xi machi̱yaâla̱ nga mochjeénâla̱ kjo̱ndaàâla̱ Nainá; xi̱ta̱ koi, jyeé ts’e̱ ngats’iì kjo̱ndaà xi tjín ya̱ ñánda tíhotíxoma jè xi ngajmiì nchrobáâne. 4 ‘Mé tà ndaàâla̱ jñà xi̱ta̱ xi kjindáya; Nainá si̱ìjetakònâné. 5 ‘Mé tà ndaàâla̱ jñà xi̱ta̱ xi indaàjiìn tjín ini̱ma̱âla̱; jñà tjoéâla̱ nangui xi Nainá jye k’oa̱s’ín kitsò nga jñà tsjá kjo̱tjòâla̱. 6 ‘Mé tà ndaàâla̱ jñà xi̱ta̱ xi ‘ñó mejènâla̱ nga ki̱tasòn xi kjoa̱ kixi̱ xi Nainá síjé; Nainá ko̱si̱ko̱ nga ki̱tasòn kjoa̱ koi. 7 ‘Mé tà ndaàâla̱ jñà xi̱ta̱ xi mahi̱ma̱keè xi̱ta̱ xi kj’ei̱í; Nainá ko̱hi̱ma̱keè ngajoâne jñà xi̱ta̱ koi. 8 ‘Mé tà ndaàâla̱ jñà xi̱ta̱ xi tsjeè tjín ini̱ma̱âla̱; jñà xi̱ta̱ koi, jñàâné xi skoe̱xkon Nainá. 9 ‘Mé tà ndaàâla̱ jñà xi̱ta̱ xi síkijna’nchán kjoa̱; Nainá ki’ndíâla̱á ki̱tso̱âla̱. 10 ‘Mé tà ndaàâla̱ jñà xi̱ta̱ xi kjo̱’in tjínâla̱ nga fìtji̱ngui kondra̱âla̱ xi̱ta̱, koi kjoa̱âla̱ nga ndaà síkitasòn xi kjoa̱kixi̱. Xi̱ta̱ koi, jyeé ts’e̱ ngats’iì kjo̱ndaà xi tjín ya̱ ñánda tíhotíxoma jè xi ngajmiì nchrobáâne. 11 ‘Mé tà ndaàânò k’e̱ nga jñà xi̱ta̱ ch’o ki̱tso̱ânò nga ko̱tít’aàânò ko̱ k’e̱ nga ch’o si̱ìko̱ânò, ko̱ k’e̱ nga ‘én ndiso tsját’inânò xi kjoa̱ ts’a̱n. 12 Tsja t’èâlà ini̱ma̱ânò, koa̱ tsja t’èâlà takòn. Jñò, tseé kjo̱ndaà tjoéânò ján ngajmiì. Mìtsà tà jñò xi o̱tínìko̱ânò. K’oa̱á ti̱s’ín kinìko̱ jñà xi̱ta̱ xi kiìchja̱ ngajoâla̱ Nainá xi chinchima ítjònânò. 13 ‘Jñò, k’oa̱á s’ín ngayaânò koni tsà na̱xa̱ xi mochjeénâla̱ xi̱ta̱ i̱sò’nde. Ta̱nga tsà jè na̱xa̱ mì ti̱ kiì si̱ìjnchraâne tsojmì, ¿kó ti̱s’ín ko̱chjeénâne? Mì ti̱ mé chjíâla̱; xíxteènâne ko̱ ya̱á ki̱nchanè xi̱ta̱. 14 ‘Jñò, k’oa̱á s’ín ngayaânò koni tsà ni’ín xi mochjeénâla̱ xi̱ta̱ i̱sò’nde. Tsà jngoò na̱xa̱ndá xi i̱sò’nga nindoò kijna, mìkiì ko̱ma kíjna’ma. 15 K’e̱ nga jngoò ni’ín sit’a’í, mìtsà ya̱ si̱jnangui kaxa̱. Ya̱á si̱jna ñánda ’nga choòn, méâne nga ko̱hiseèn yijeâla̱ xi̱ta̱ xi títsa̱jnaya ni’ya. 16 Koni ni’ín xi síhiseènâla̱ xi̱ta̱, k’oa̱á s’ín ndaà ti̱jchá yijoânò nguixko̱n xi̱ta̱ xi kj’ei̱í, méâne jñà xi̱ta̱ koi, jeya si̱ìkíjna Na̱’ènânò xi Nainá xi tíjna ngajmiì k’e̱ nga skoe̱ânò nga ndaà titsa̱’nè. 17 ‘Jñò, kì k’oa̱á s’ín nìkítsjeèn: mìtsà koi xá j’i̱âna ‘a̱n nga kochrjekànguia jè kjo̱tíxomaâla̱ Nainá xi kiskiì Moisés ko̱ jè xi tsakóya xi̱ta̱ xi kiìchja̱ ngajoâla̱ Nainá. Tà sa̱á j’i̱ sìjngoòâná ‘én xi tjít’aà kjo̱tíxoma. 18 O̱kixi̱í xi xanânò, koni tjín na̱chrjein kíjnaâìsa i̱sò’nde ko̱ ngajmiì, ni̱mé xi tjáxìnâla̱ jè kjo̱tíxoma, ni̱jngoò punto ko̱ ni̱jngoò letra tjáxìnâla̱, skanda kóni nga ko̱jngoò yije kjoa̱ xi tjít’aà kjo̱tíxoma. 19 Jè xi̱ta̱ xi mìkiì síkitasòn koni s’ín tíchja̱ kjo̱tíxoma, na̱s’ín ‘ñó chiba tíchja̱, ko̱ k’oa̱á s’ín okóyaâla̱ xi̱ta̱, k’oa̱á ti̱s’ín ‘ñó chiba jcha̱âla̱ ya̱ i̱jiìn na̱xa̱ndá xi jè otíxomaâla̱ xi ngajmiì nchrobáâne. Ko̱ jè xi̱ta̱ xi síkitasòn kjo̱tíxomaâla̱ Nainá ko̱ k’oa̱s’ín okóyaâla̱ xi̱ta̱ xi kj’ei̱í, jè xi̱ta̱ jè, jè xi ‘ñó ’nga kíjna ya̱ i̱jiìn na̱xa̱ndá xi jè otíxomaâla̱ xi ngajmiì nchrobáâne. 20 O̱kixi̱í xi xanânò, tsà mìkiì ìsa̱ ndaà si̱kitasòn kjoa̱kixi̱ koni jñà xi̱ta̱ fariseo ko̱ xi̱ta̱ xi okóya kjo̱tíxomaâla̱ Nainá xi kiskiì Moisés, mìkiì ki̱tjás’e̱nâjñoò ñánda tíhotíxoma jè xi ngajmiì nchrobáâne. 21 ‘Jñò jye kina’yà koni s’ín ki’mìâla̱ jñà xi̱ta̱ jchíngaânò: “Kì xi̱ta̱ nìk’eèn; ni̱ta̱ yáâne xi xi̱ta̱ si̱ìk’en, kjo̱’in s’e̱âla̱." 22 Ta̱nga ‘a̱n k’oa̱á xanânò, tsà jngoò xi̱ta̱ xi ko̱jtikeè ’ndse̱, s’e̱éâla̱ kjo̱’in. Jè xi ch’o ki̱tso̱âla̱ ’ndse̱, xi̱ta̱xá tsjáâla̱ kjo̱’in. Ko̱ jè xi ’ndse̱ ki̱tso̱âla̱: “Ngaji̱ ni̱mé chjíâlè”, ok’ìnâla̱ nga ján kjoi̱ i̱jiìn ni’ín ts’e̱ i̱’nde kjo̱’in. 23 ‘Tsà k’e̱ nga kíkoi̱i tsojmì kjo̱tjòâlè nga Nainá k’oi̱âla̱ ya̱ i̱’nde tsjeèâla̱, koa̱ ya̱ koi̱ìtsjeènâlè nga jè ’ndsì tjínâla̱ kondra̱ tsi̱ji, 24 ti̱kítsajnei tsojmì kjo̱tjòâlè ya̱ i̱’nde tsjeè, i̱kjoàn tikìtsi’baâla̱ ’ndsì koa̱ k’e̱é ko̱ma si̱kítsajnei tsojmìâlè. 25 ‘Tsà tjín xi̱ta̱ xi ko̱hònguiâlè nga kji̱ko̱âlè ni’ya osen, k’e̱ nga tjaàya ndi̱yá, ni̱to̱ón jchi̱bàndaàânò, méâne nga mì ya̱ kji̱ko̱âlè nguixko̱n xi̱ta̱xá, ko̱ jè xi̱ta̱xá mì ya̱ tsjáâla̱ kinda̱ jñà policía nga mì nda̱yá kji̱ko̱âlè. 26 O̱kixi̱í xi xanâlè, mì ti̱ kiì ko̱ma ki̱tjo̱oâne nda̱yá skanda k’e̱ nga kíchjítjì yijoâlè nga yije xi si̱ìjéâlè xi̱ta̱xá. 27 ‘Jñò, jye kina’yà koni s’ín ki’mìânò kjòtseé: “Kì kjoa̱ chijngui ’nè." 28 Ta̱nga ‘a̱n k’oa̱á xanânò, ni̱ta̱ yáâne xi kotsejènâjno jngoò chjo̱ón nga fahajiìnâla̱, jye kjoa̱ chijngui tís’ín koni títsò ini̱ma̱âla̱. 29 ‘Tsà jñà xkoòn kixi̱ ótsji jéânò, ti̱nachrjeè; kjiìn ti̱katsjoò. Ãsa̱á ndaàâne tsà chija jngoò xkoòn mì k’oa̱áâne tsà ya̱ ki̱xo̱jiìn yije yijoânò ya̱ i̱jiìn ni’ín ya̱ i̱’nde kjo̱’in. 30 Tsà jñà ndsei̱i kixi̱ ótsji jéânò, ti̱chátjòn; kjiìn ti̱katsjoò. Ãsa̱á ndaàâne tsà chija jngoò ndsei̱i mì k’oa̱áâne tsà ján kjoi̱ yijoânò i̱jiìn ni’ín ya̱ i̱’nde kjo̱’in. 31 ‘K’oa̱á ti̱s’ín kis’eno̱jmí kjòtseé, ni̱ta̱ yá xi̱ta̱âne xi mejènâla̱ tsjín chjo̱ónâla̱, ítjòn tjámiì’nga xo̱jo̱n xi tsjeiìnâne xíkjín xi̱ta̱. 32 Ta̱nga ‘a̱n k’oa̱á xanânò: tsà jngoò xi̱ta̱ x’i̱n xi tsjín chjo̱ónâla̱, tsà mìtsà kjoa̱ chijngui tís’ín jè chjo̱ón, jè x’i̱nâla̱ tíbít’inâla̱ nga kjoa̱ chijngui kàtas’ín chjo̱ón. Jè chjo̱ón, k’e̱ nga ki̱xan ìjngoò k’aâne, jè x’i̱n xi ki̱xanâko̱, ti̱koa̱á jye kjoa̱ chijngui tís’ín. 33 ‘Ti̱koa̱á jye kina’yà koni s’ín ki’mìâla̱ jñà xi̱ta̱ jchíngaâná: “K’e̱ nga bixón: tíbeè Nainá, kì chona̱cha̱nâjèn, ti̱kitasòn ‘énânò." 34 Ta̱nga ‘a̱n k’oa̱á xanânò: K’e̱ nga ‘bioò ‘énânò, jngoò k’aá kì yá xi nìkíjna ítjòn. Kì k’oa̱s’ín bixón: “Tíbeè ngajmiì.” Nga jè ngajmiì, jè íxi̱le̱ kjo̱tíxomaâla̱ Nainá. 35 Ti̱koa̱á kì bixónâjèn: “Tíbeè i̱sò’nde”, nga jè nangui, ya̱á nchasòn ndso̱ko̱ Nainá. Ti̱koa̱á kì bixónâjèn: “Tíbeè na̱xa̱ndá Jerusalén”, nga jè na̱xa̱ndá jè, ts’e̱é Xi̱ta̱xá Ãtjòn xi Nainá. 36 Ti̱koa̱á kì skoò nìkíjna ítjòn k’e̱ nga mé ‘én xi ‘bioò. Nga mìkiì ko̱maânò nga si̱jmà o si̱chroba jngoò tsja̱ skoò. 37 Tà k’oa̱á s’ín ti̱nókjoa̱a “jon”, o xi “majìn”. Jñà ‘én xi kjisòn, ya̱á nchrobáâne i̱t’aà ts’e̱ xi̱ta̱ nei̱í. 38 ‘Jye kina’yà koni s’ín ki’mìânò kjòtseé: “Tsà yá xi ko̱chrje jngoò xkoiìn, ti̱nachrjeè ngajoâne ts’e̱. Ko̱ tsà yá xi skoe̱toònâlè nga skónáje̱n jngoò ni’ñoi, chjínáje̱n ngajoâne ts’e̱." 39 Ta̱nga ‘a̱n, k’oa̱á xanânò: Ti̱kjeiínâlà xi̱ta̱ ts’e̱n. Tsà jngoò xi̱ta̱ xi si̱ìjts’iìnât’aà kjioòn kixi̱, ti̱koa̱á tjiìâlà xi ngobà nga kàt’eéâla̱. 40 Tsà jngoò xi̱ta̱ ko̱hònguiânò nga mejènâla̱ skoé na̱chro̱ânò, ti̱koa̱ tjiìâlà na̱chro̱kisònânò nga kàtakjoé. 41 Tsà jngoò xi̱ta̱ xi kjò’ñó s’i̱nânò nga si̱ìkajen jngoò horaânò ch’áâla̱ nga onguíko̱âlà, jò hora ìsa̱ kjiìn tanguíko̱âlà. 42 Tsà yá xi̱ta̱ xi síjéânò tsojmì, tjiìâlà; ko̱ tsà jngoò xi̱ta̱ xi mejènâla̱ ski̱ñat’aàânò tsojmì, kì ‘mìâlà: mìkiì ko̱ma. 43 ‘Ti̱koa̱á jye kina’yà koni ki’mìânò kjòtseé: “Ti̱tsjacha xi̱ta̱ xinguio̱o ko̱ ti̱jticha kondra̱ânò." 44 Ta̱nga ‘a̱n k’oa̱á xanânò: Ti̱tsjacha jñà xi kondra̱ânò, ti̱chikonât’ioòn jñà xi chja̱’onâko̱ânò, ndaà ti̱ko̱o jñà xi jtikeèânò, titsi’batjiò jñà xi ch’o tsòânò ko̱ jñà xi ch’o síko̱ânò. 45 Tsà k’oa̱s’ín s’e̱én, ki’ndíâla̱ Nainá xi tíjna ngajmiì ko̱ma; Nainá síhiseènâla̱ ndobáâla̱ ts’oí xi̱ta̱ xi ndaà ko̱ xi mì kì ndaà; ti̱koa̱á Nainá sík’aâla̱ jtsí jñà xi̱ta̱ kixi̱ ko̱ xi mìtsà xi̱ta̱ kixi̱. 46 Jñò, tsà tà jñà matsjacha xi̱ta̱ xi matsjakeèânò, ni̱ mé kjo̱ndaà xi s’e̱ânò; nga k’oa̱á ti̱s’ín jñà xi̱ta̱ xi síkíchjítjì tsojmì ts’e̱ Roma. 47 Tsà tà jñà xi̱ta̱ xinguio̱o xi ’ndsè chiba si̱xat’aà, ¿a k’oa̱á maânò nga ‘ñó ndaà titsa̱’nè?; nga ti̱koa̱á jñà xi̱ta̱ xi mìkiì beèxkon Nainá, k’oa̱á ti̱s’ín. 48 Jñò, nguì kjoa̱kixi̱í t’e̱en, koni jè Na̱’ènâná xi tíjna ngajmiì nga nguì kjoa̱kixi̱í s’ín.