Hebreos 5

1 Ngats’iì jñà no̱’miì ítjòn, ya̱á tjaájiìn i̱t’aà ts’e̱ xi̱ta̱ na̱xa̱ndá. Jè xá tjínèâla̱ nga chja̱tjì xi̱ta̱ nga nguixko̱n Nainá ti̱koa̱ tsját’aàâla̱ kjo̱tjò Nainá ko̱ sík’en cho̱ xi kjoa̱ ts’e̱ jéâla̱ xi̱ta̱. 2 Jñà no̱’miì, ti̱koa̱á mahindaàjiìn ini̱ma̱âla̱; k’oa̱á s’ín maâne nga ma beèhi̱ma̱ jñà xi̱ta̱ xi mìkiì machi̱yaâla̱ ko̱ xi xìn ndi̱yá tjímaya. 3 Koií kjoa̱âla̱ nga ma indaàjiìn ini̱ma̱âla̱ no̱’miì, tjínèâla̱ nga si̱ìk’enâla̱ cho̱ kjo̱tjò xi tsjáâla̱ Nainá xi kjoa̱ ts’e̱ jéâla̱ ko̱ ti̱koa̱ si̱ìk’en cho̱ kjoa̱ ts’e̱ jéâla̱ na̱xa̱ndá. 4 Jñà no̱’miì, mìtsà tà jñà ta̱jngoò bít’aà xá ’nga yijoâla̱; jè Nainá xó chja̱âla̱ koni s’ín kiìchja̱âla̱ jè Aarón. 5 K’oa̱á ti̱s’ín tjín i̱t’aà ts’e̱ Cristo, mìtsà tà jè ta̱jngoò kiskoé xá xi ts’e̱ no̱’miì ítjòn, Nainá kitsjaàâla̱ xá ’nga k’e̱ nga kitsòâla̱: Ji̱âné xi Ki’ndíâna̱ xanâlè; ‘a̱ánâná xi Na̱’ènâlè. 6 Ti̱jèâne Xo̱jo̱nâla̱ Nainá, ìjngoò k’a tíchja̱ ñánda tsò: Ji̱âné xi no̱’miì tijni ni̱ta̱ mé na̱chrjeinâne, xáâlè, k’oa̱á s’ín tjín koni xá xi kisìkitasòn Melquisedec. 7 Jè Cristo k’e̱ nga sa̱ tsibìjna i̱ i̱sò’nde, ‘ñó kiìchja̱t’aàâla̱ Nainá, nguì ko̱ó ndáxko̱n tsibítsi’baâla̱ koa̱ kisìjét’aàâla̱ jè xi tjínâla̱ nga’ñó nga maâla̱ ko̱chrjekátjì i̱t’aà ts’e̱ kjoa̱ biyaà; Nainá kiì’nchréâla̱ nga ndaà kijtseèxkón. 8 Jè Cristo, na̱s’ín ki’ndíâla̱ Nainá ma, ya̱á komàâla̱ kisìkitasòn, k’e̱ nga kisìkjeiín kjo̱’in. 9 K’e̱ nga jye mì ti̱ mé xi kichijàt’aàâla̱, k’oa̱á s’ín tsibìjna nga jè ko̱chrjekátjì kjo̱’in xi̱ta̱ ni̱ta̱ mé na̱chrjeinâne, ngats’iì xi ’nchréñijonâla̱, 10 Nainá kisìkíjna Jesús nga no̱’miì ítjòn tsibìjna, kitsjaàâla̱ xá koni ts’e̱ Melquisedec. 11 I̱t’aà ts’e̱ kjoa̱ koi, ‘ñó tjínâìsa kjoa̱ xi s’e̱no̱jmíyaânò, ta̱nga ‘ñó chjá tjín nga s’e̱no̱jmíânò, koi kjoa̱âla̱ nga jñò, mìkiì machi̱yaânò. 12 Jñò, skanda kjòtseé maestroóâlà titsa̱jnaà tsà ndaà; ta̱nga jñò, tákó mochjeénânò nga chíta’yà xi̱tse̱ ìjngoò k’a ‘énâla̱ Nainá xi mì ‘in chja̱ koni s’ín komàânò nga sa̱ ítjòn. K’oa̱á s’ín tímat’ioòn koni ndí i̱xti xi tákó tsjín ‘biì, mìkiì mochjeénâla̱ nga tsojmì tájaà ski̱ne̱. 13 Ngats’iì xi tákó tsjín ‘biì, i̱xtiâné, mìkiì machi̱yaâla̱ mé kjoa̱ xi kixi̱ tjín. 14 Ta̱nga jñà tsojmì xi ma chine xi tájaà kjoàn, ts’e̱é xi̱ta̱ xi jye kòjchínga, jñà xi jye machi̱yaâla̱ mé kjoa̱ xi ndaà tjín ko̱ mé kjoa̱ xi mìkiì ndaà tjín nga k’oa̱á s’ín nchisíjchá yijoâla̱.