Gálatas 5

1 Jè Cristo, jngoò k’aá kisìkítsa̱jnandei̱íâná i̱t’aà ts’e̱ kjo̱tíxoma xi kitjoéâla̱ Moisés; k’oa̱á maâne jñò ‘ñó kixi̱ ti̱tsa̱jna koni s’ín kisìkítsa̱jnandei̱íânò Jesucristo. Kì ti̱ ya̱ onguít’aàâlà kjoa̱ ts’e̱ kjo̱tíxoma xi kitsobà’ñóânò skanda kjòtseé. 2 ‘A̱n sobáâná xi ‘mìâna Pablo, ti̱ná’yaâná koni xanânò: tsà si̱t’aà chi̱ba̱ânò kjoa̱ ts’e̱ circuncisión, mì ti̱ mé kjo̱ndaà sa̱kòânò i̱t’aà ts’e̱ Cristo. 3 Ãjngoò k’a ko̱xanânò, ni̱ta̱ yá xi̱ta̱âne xi si̱t’aà chibaâla̱ kjoa̱ ts’e̱ circuncisión, kjo̱’ñó tjínèâla̱ nga si̱ìkitasòn yije koni tsò ‘én xi tjít’aà xo̱jo̱n ts’e̱ kjo̱tíxoma. 4 Jñò xi k’oa̱s’ín mejènânò nga i̱t’aà ts’e̱ kjo̱tíxoma kixi̱ ki̱tsa̱jnaà nga nguixko̱n Nainá, jyeé chinchat’aàxìnâlà Cristo, jyeé chinchat’aàxìnâlà kjo̱ndaà xi tsjá kjo̱tjòâná Nainá. 5 Ta̱nga ngaje̱n, i̱t’aà ts’e̱é Ini̱ma̱ Tsjeèâla̱ Nainá titsa̱chiñáâla̱je̱n nga kixi̱ ki̱tsa̱jnaâje̱n nga nguixko̱n Nainá nga ta koi kjoa̱âla̱ nga mokjeiínânaje̱n i̱t’aà ts’e̱ Cristo. 6 Nga i̱t’aà ts’e̱ Cristo Jesús, mì ti̱ mé chjíâla̱ yáâne xi tjít’aà chi̱ba̱âla̱ ko̱ yáâne xi tsjìnâla̱ chi̱ba̱ kjoa̱ ts’e̱ circuncisión. Jè xi chjíâla̱ nga ‘yaâla̱ koni s’ín mokjeiínâná i̱t’aà ts’e̱ Cristo, nga tjínâná kjo̱tsjacha. 7 Jñò, k’e̱ nga sa̱ ítjòn, ndaà titsa̱honguíko̱o kjo̱hítsjeènânò. ¿Yá xi tsatekjáyaânò nga mì ti̱ kiì nìkitasònânò xi kjoa̱ kixi̱? 8 Jè kjo̱hítsjeèn jè, mìtsà ya̱ nchrobáâne ts’e̱ Nainá xi xó kiìchja̱ânò. 9 Ti̱kinda̱a yijoânò; nga̱ k’oa̱á tsò jngoò ‘én: “Na̱s’ín i̱tséâne na̱’yo̱ san xi si̱jiìn na̱’yo̱ i̱nchra̱jín, sísan yijeâné na̱s’ín tse maâne na̱’yo̱." 10 Jè Nainá ot’aà takoàn i̱t’aà tsa̱jòn nga mìtsà kj’ei̱í s’ín si̱kítsjeèn. Jè Nainá tsjáâla̱ kjo̱’in ni̱ta̱ yá xi̱ta̱âne xi mejènâla̱ si̱kits’ónâjiìnânò. 11 Jñò ndí ’ndsè ko̱ ndí tichjaá, nga mì k’oa̱á s’ín tìhokoòya nga si̱t’aà chi̱ba̱âla̱ xi̱ta̱ kjoa̱ ts’e̱ circuncisión, koií kjoa̱âla̱ nga fìtji̱ngui kondra̱âna jñà xi̱ta̱. Ta̱nga tsà mì k’oa̱s’ín okoòya, mìâla kiì kji̱tji̱ngui kondra̱âna, mìâla ti̱ kiì ko̱jtikeèâne ‘én xi chjàya i̱t’aà ts’e̱ kròâla̱ Cristo. 12 Jñà xi̱ta̱ xi mejènâla̱ si̱kits’ónâjiìnânò, kì tà bít’aà chi̱ba̱âla̱ yijoâla̱, ta̱ saà jngoò k’a kàtatet’aà yijoâla̱. 13 Jñò ’ndseé ko̱ tichjaá, k’oa̱á s’ín kiìchja̱ânò Nainá nga ki̱tsa̱jnandei̱íânó i̱t’aà ts’e̱ kjo̱tíxoma. Ta̱nga i̱’ndei̱ nga titsa̱jnandei̱íânó, kì ch’o ’nè koni s’ín mejènâla̱ yijoânò. Mochjeénâné nga ti̱si̱ko̱ò xinguio̱o, kàtas’eânò kjo̱tjòcha nga ìjngoò ìjngoòânò. 14 Nga ngats’iì kjo̱tíxoma, ya̱á majngoò yije jè xi tsò: “Ti̱tsjachi xi̱ta̱ xingui̱i koni tsà ti̱ yijo tsi̱jiâne." 15 Tsà ti̱jñò titsa̱bixkànâko̱ânò xinguio̱o koni s’ín nañá, t’e̱en kinda̱ yijoânò nga mì ti̱jñò si̱kjehesònânò xi̱ta̱ xinguio̱o. 16 K’oa̱á xanânò: Tjiì’ndeâlà yijoânò nga jè Ini̱ma̱ Tsjeèâla̱ Nainá kàtakóânò ndi̱yá méâne nga mì koi kjoa̱ si̱kitasòn kjoa̱ch’o xi síjé yijoânò. 17 Jñà kjoa̱ch’o xi síjé yijoâná kondra̱á fìâla̱ jè Ini̱ma̱ Tsjeèâla̱ Nainá, ko̱ jè kjoa̱ xi mejènâla̱ Ini̱ma̱ Tsjeèâla̱ Nainá kondra̱á fìâla̱ jè xi mejènâla̱ yijoâná. Jñà kjoa̱ koi kondra̱á títsa̱jnaâla̱ xíkjín. K’oa̱á maâne nga jñò, mìkiì k’oa̱s’ín s’e̱en koni s’ín mejènânò. 18 Ta̱nga tsà jè Ini̱ma̱ Tsjeèâla̱ Nainá tíhokóânò ndi̱yá, mì ti̱jè kjo̱tíxoma otíxomaânò. 19 Jyeé ‘yaá mé kjoa̱ch’o xi síjé yijoâná koni jè kjoa̱chijngui, kjoa̱xòpa, kjoa̱chi̱nga̱, 20 kjoa̱ nga xkósòn yaxkoán, kjoa̱tj’e, kjoa̱ nga majtichaá xinguia̱á, nga bixkánâkoa̱á xinguia̱á, nga machi̱ni̱chaá xinguia̱á, nga jti takoán, nga nachrjenguiaá xinguia̱á, nga xi̱ta̱ nìjòyaá ko̱ nga binchat’aàxìnâlá xinguia̱á, 21 kjoa̱xìtakòn, kjoa̱ch’i̱, ko̱ ngats’iì kjoa̱chrjá’a xi ma ñánda bitjo s’eí. Tjín ìsa̱ kjoa̱ xi kj’ei̱í, xi mangásònâko̱ kjoa̱ koi. Koni s’ín kixanânò nga sa̱ ítjòn, tákó k’oa̱á xanânò skanda i̱’ndei̱, jñà xi̱ta̱ xi k’oa̱ tjín kjoa̱ xi s’ín, ni̱mé kjo̱ndaà sa̱kòâla̱ ya̱ ñánda nga tíhotíxoma Nainá. 22 Ta̱nga jñà kjo̱ndaà xi tsjá Ini̱ma̱ Tsjeèâla̱ Nainá, jñàâné nga tjòcha s’e̱én xinguia̱á, nga tsja s’e̱n kjit’aá, nga ’nchán si̱jchá yijoâná, nga s’e̱âná kjoa̱tsejta, nga tsjakjoa̱ s’e̱én, nga s’e̱nâná kjo̱ndaà xi ndaà tjín, nga kixi̱ tjín kjo̱hítsjeènâná, 23 nga indaàkjoa̱ s’e̱én ko̱ nga kixi̱ ko̱ti̱xomaâlá yijoâná. Jñà kjoa̱ koi, tsjìn kjo̱tíxoma xi kondra̱ tíjnaâla̱. 24 Jñá xi jye xi̱ta̱âla̱ Cristo maá, ngats’iì kjo̱hítsjeènâná xi ch’o tsò ko̱ xi ch’o síjé yijoâná, ya̱á kinìk’enât’aá kròâla̱ Cristo. 25 I̱’ndei̱ nga jè Ini̱ma̱ Tsjeèâla̱ Nainá tísíkíjnakonâná, mochjeénâné nga ko̱s’ín kjiaán koni s’ín okóâná ndi̱yá. 26 Mìkiì ndaà tjín nga ’nga ko̱ma takoán, nga ti̱jñá si̱jtiâlá xinguia̱á, ko̱ nga ko̱xìtakònâchaá xinguia̱á.