Efesios 4

1 Koií kjoa̱âla̱ nga k’oa̱s’ín bìtsi’bàânò nga ndaà ti̱jchá yijoânò koni s’ín ok’ìnâla̱ kjoa̱ xi xó kinokjoàânò. ‘A̱n, nda̱yá tìjna̱a’ya jè nga̱tjìâla̱ nga Nainá tìsìxáâla̱. 2 Jñò, kì ’nga ikon ’nè; indaàkjoa̱ t’e̱en, kàtas’eânò kjoa̱tsejta; ngásòn kàtachíkjoa̱ânò mé kjoa̱ xi tjínânò nga matsjacha xinguio̱o. 3 Tìnèâlà yijoânò nga titsa̱jnajtiónâko̱o xinguio̱o koni s’ín jye tsibítsa̱jnajtínânò jè Ini̱ma̱ Tsjeèâla̱ Nainá, méâne nga ’nchán ki̱tsa̱jnaânò. 4 Nga tà jngoò ma na̱xa̱ndáâla̱ Nainá; ko̱ tà jngoò ma Ini̱ma̱ Tsjeèâla̱ Nainá; ti̱koa̱ tà jngoò kjoa̱ chiñáâlá nga Nainá xó kiìchja̱âná; 5 ko̱ tà jngoò ma Na̱’ènâná Jesucristo xi otíxomaâná; tà jngoò kjoa̱ tjín koni s’ín mokjeiínâná i̱t’aà ts’e̱ Cristo; ti̱koa̱á tà jngoò kjoa̱ tjín nga ma bautizar xi̱ta̱. 6 Ta jngoò ma Nainá nga ngats’iaá Na̱’ènâná ma, jè xi otíxomaâná nga ngats’iaá, jè xi síxájiìn ini̱ma̱âná nga ngats’iaá, ko̱ jè xi tíjnako̱âná nga ngats’iaá. 7 Ta̱nga kitjoéâná kjo̱tjò koni s’ín sasénâla̱ Cristo mé xáâla̱ Nainá xi s’e̱én nga jngoò jngoaá. 8 Koií ko̱s’ín tíchja̱âne Xo̱jo̱nâla̱ Nainá nga tsò: K’e̱ nga jye kisìkijne nga tífìmijìnâne ngajmiì, kiìko̱ preso jñà xi̱ta̱ xi kitsobà’ñó, ko̱ kitsjaàâla̱ kjo̱tjò jñà xi̱ta̱. 9 ¿Kó tsòyaâne jè xi tsò: “Tífìmijìnâne ngajmiì”? Tsòyaáâne nga [jè Cristo] ítjòn itjojen skanda ñánda ‘ñó na̱nga̱ i̱jiìn nangui. 10 Jè xi itjojenât’aà skanda i̱t’aà nangui, ti̱jèâne xi tsijin ìjngoò k’aâne ñánda nga ìsa̱ ‘ñó ’nga tsibìjna koni ngats’iì xi ’nga títsa̱jna méâne nga jè si̱ìjngoò yijeâne ni̱ta̱ mé xi tjín i̱sò’nde. 11 Ti̱koa̱ ti̱jèâne xi kitsjaàâla̱ xá xi̱ta̱âla̱ mé xá xi s’i̱in nga jngoò ìjngoò. Tjín xi tsibíxáyaâla̱ Jesucristo nga si̱ìka’bísòn ‘én ndaàâla̱; tjín xi jñà ki̱chja̱ ngajoâla̱; tjín xi ‘én ndaàâla̱ Nainá xi kjoa̱ ts’e̱ Cristo béno̱jmíya; tjín xi síkinda̱ na̱xa̱ndáâla̱ Nainá; ti̱koa̱ tjín xi okóya ‘énâla̱ Nainá. 12 K’oa̱á s’ín kitsjaàâla̱ xá xi̱ta̱âla̱ nga jngoò ìjngoò méânè nga kàtatsjáâla̱ kjo̱hítsjeèn xi̱ta̱ na̱xa̱ndáâla̱ nga ko̱ma si̱ìxáâla̱ Nainá, nga ìsa̱ tse nga’ñó s’e̱âla̱ na̱xa̱ndáâla̱ Cristo. 13 K’oa̱á s’ín ko̱maâne nga jngoò kjo̱hítsjeèn s’e̱âná ngats’iaá koni s’ín mokjeiínâná i̱t’aà ts’e̱ Nainá ko̱ koni s’ín yaxkoaán Ki’ndíâla̱ méâne nga nguì xi̱ta̱ kixi̱ ko̱maá. Nguì k’oa̱á s’ín ko̱ngásònâkjoaá kóho̱tjián koni jè Cristo nga ni̱mé chijat’aàâla̱. 14 Mì ti̱ k’oa̱s’ín s’e̱nâná koni s’ín ndí i̱xti nga ni̱to̱n mokjeiínâla̱ yá xi̱ta̱ xi kona̱cha̱nâla̱; nga fìjen fìkjáko̱ koni tsà tjo̱ tísískáko̱; nga fìtji̱nguiâla̱ kjo̱hítsjeènâla̱ xi̱ta̱ maña̱ xi ‘én ndiso okóya nga kj’ei̱í ndi̱yá tjímaya. 15 Tà sa̱á ‘én kixi̱âla̱ Nainá ki̱nókjoa̱á nga matsjachaá xinguia̱á méânè nga ko̱s’ín ìsa̱ ndaà ska̱sòn kjo̱hítsjeènâná koni s’ín tjín kjo̱hítsjeènâla̱ Cristo nga jè tíjna xi sko̱âla̱ na̱xa̱ndáâla̱ Nainá. 16 Nga jè na̱xa̱ndáâla̱ Nainá, k’oa̱á kji koni jngoò yijoâla̱ xi̱ta̱. Jè Cristo tíjna xi sko̱âla̱; ko̱ jè tsjáâla̱ nga jngoò ìjngoò xá xi oko̱âla̱; i̱kjoàn síjngoò koni s’ín tjín yijoâná nga títéya naxáâla̱ nindaàâná; nga jngoò ìjngoò ska̱ya, katjín katjín xáâla̱. K’e̱ nga ndaà síxá yije yijoâná majeâné koa̱ ma’ngaâné. K’oa̱á ti̱s’ín tjín jè na̱xa̱ndáâla̱ Cristo nga ko̱jeâné koa̱ ko̱’ngaâné k’e̱ nga jngoò ìjngoò xi̱ta̱âla̱ ndaà si̱ìxá nga matsjakeè xíkjín. 17 I̱t’aà ts’e̱ kjo̱tíxoma xi tsjáâna Cristo, k’oa̱á xanânò ko̱ bìt’inânò nga mì ti̱ k’oa̱s’ín s’e̱nânò koni s’ín xi̱ta̱ xi kj’ei̱í xi mìkiì beèxkon Nainá, nga tákó tjímako̱ kjo̱hítsjeènâla̱ xi nìmée chjíâla̱. 18 Tà tjíjñò kjo̱hítsjeènâla̱. Tsjìnâla̱ kjoa̱binachon xi i̱t’aà ts’e̱ Nainá nchrobáâne; mìkiì beè kó s’ín si̱ìjchá yijoâla̱ nga jè ini̱ma̱âla̱ tájaàjiìn tjín; mìkiì tsjá’nde nga fahas’enâjiìn kjo̱hítsjeèn xi ndaà tsò. 19 Mì ti̱ kiì beèâne xi kjo̱sobà ‘mì, jyeé kòxo̱x’ín. Tà kjoa̱ chijngui ‘ñó sís’inâla̱; kjit’aà na̱chrjein ótsji ngats’iì kjoa̱ ch’o xi tjín i̱sò’nde. 20 Ta̱nga jñò, mì k’oa̱á tjín kjoa̱ xi kis’eno̱jmíânò i̱t’aà ts’e̱ Cristo. 21 Nga jye ndaà kina’yàâlà ‘énâla̱ ko̱ ndaà kichìta’yà kó s’ín tjín xi nguì kjoa̱ kixi̱ i̱t’aà ts’e̱ Jesús. 22 K’oa̱á s’ín kis’eno̱jmíânò nga chja̱àxiòn kjoa̱ jchínga xi tjínânò nga sa̱ kjòtseé koni s’ín kinìjchá yijoânò; i̱’ndei̱ jyeé mì ti̱ mé chjíâla̱ kjoa̱ koi koií kjoa̱âla̱ nga jñà kjoa̱ ch’o xi kisaseènâla̱ yijoânò kiskoòna̱cha̱nânò. 23 Tjí’ndeâlà Nainá nga jè kàtasíxi̱tse̱ya ini̱ma̱ânò ko̱ kjo̱hítsjeènânò. 24 Chjoé ìjngoò k’a xi kjoa̱ xi̱tse̱ xi k’oa̱s’ín kisindaà koni kji i̱sénâla̱ Nainá méâne nga kixi̱ ko̱ tsjeè si̱jchá yijoânò koni s’ín tjín xi nguì kjoa̱kixi̱. 25 K’oa̱á maâne i̱’ndei̱, kì ti̱ ‘én ndiso nokjoàânò. ‘Ãn kixi̱ ti̱nókjoa̱ko̱o xinguio̱o nga jngoò ìjngoò nga tà ngásòn xi̱ta̱ xinguia̱á ma kóho̱tjián. 26 Tsà k’e̱ nga majtiânò, kì jé binchaàtsjioò; kì nìjtiâlà yijoânò kóni nga ‘ba na̱chrjein skanda k’e̱ nga o̱katjì ts’oí. 27 Kì kiì biì’ndeâlà xi̱ta̱ nei̱í nga jè kona̱cha̱nânò. 28 Jè xi chijé s’ín nga sa̱ ítjòn, kì ti̱ chijé s’ínâne i̱’ndei̱; ti̱koa̱áâne k’oa̱s’ín kàtasíkjeén tsja nga kixi̱ kàtasíxá méânè nga sa̱kòâla̱ to̱n xi tsjá i̱tséâla̱ xi̱ta̱ i̱ma̱ xi ni̱mé tjínâla̱. 29 Ni̱jngoò ‘én xi ch’o tsò nokjoà; jñà ‘én ti̱nókjoa̱ko̱o xinguio̱o xi ndaà tsò xi ko̱chjeénâla̱ xinguio̱o nga ìsa̱ kixi̱ kítsa̱jna méânè nga ko̱chikonât’inâne jñà xi̱ta̱ xi kji̱’nchréânò. 30 Kì nìbaâlà jè Ini̱ma̱ Tsjeèâla̱ Nainá, jè xi tsibít’aà chi̱ba̱âná méâne nga kàta’yaâná nga xi̱ta̱âla̱ Nainá ‘mìâná skanda jè na̱chrjein k’e̱ nga si̱ìkítsa̱jnandei̱íâná Nainá xi kjoa̱ ts’e̱ jé. 31 Chja̱àxiòn yije i̱jiìn ini̱ma̱ânò jñà kjoa̱ xi ch’o tjín xi kondra̱ ts’e̱ xi̱ta̱ xi kj’ei̱í koni kjoa̱ bínguitakòn, kjoa̱jti, kjoa̱ xi makjanânò, kjoa̱ nga chítiko̱o xinguio̱o, ko̱ nga nokjoàjnoâlà xinguio̱o, ko̱ ngats’iì kjoa̱ts’e̱n. 32 Ndaà chibàko̱o xinguio̱o; kàtas’eânò kjo̱hi̱ma̱takòn; ti̱jchàat’aàâlà jéâla̱ xinguio̱o koni s’ín kisìko̱ânò Nainá i̱t’aà ts’e̱ Cristo nga kisìjchàat’aàânò jéânò.