Efesios 3

1 K’oa̱á maâne bìtsi’bàâla̱ Nainá, ‘a̱n xi ‘mìâna Pablo nga nda̱yá tìjna̱a, koií nga̱tjìâla̱ nga ‘a̱n beno̱jmíânò ‘én ndaàâla̱ Jesucristo, jñò xi mìtsà xi̱ta̱ judío ‘mìânò. 2 Nga jyeéâla tíjiìnânò nga kjo̱ndaà ts’e̱ Naináâné nga ‘a̱n kitsjaàâna xá xi kjo̱ndaà tsa̱jòn, 3 koni s’ín kisìhiseènâna Nainá nga tsakóâna jè kjoa̱ xi tjí’maâla̱ skanda kjòtseé. Jyeé ìsa̱ kiskiì chibaânò jñà ‘én koi. 4 K’e̱ nga tsà ndaà kíxke̱jñoò xo̱jo̱n jè koni s’ín kiskiì ítjònânò, ya̱á jcha̱a nga ‘a̱n ndaà tíjiìnâna̱ jè kjoa̱ tjí’ma i̱t’aà ts’e̱ Cristo. 5 Nga ìsa̱ kjòtseé, ni̱jngoò xi̱ta̱ tíjiìnâla̱ jè kjoa̱ tjí’ma; ta̱nga i̱’ndei̱ jè Ini̱ma̱ Tsjeèâla̱ Nainá kisìhiseènâla̱ jñà xi̱ta̱ xi xó jaàjiìnâne Nainá, jñà xi̱ta̱ xi tsibíxáyaâla̱ Cristo ko̱ xi kiìchja̱ ngajoâla̱. 6 Jè kjoa̱ tjí’ma, jèâné nga jñà xi mìtsà xi̱ta̱ judío, k’e̱ nga mokjeiínâla̱ ‘én ndaàâla̱ Nainá xi kjoa̱ ts’e̱ Cristo, ngásòn tjoéâla̱ kjo̱tjòâla̱ Nainá nga ngásòn i̱xtiâla̱ ma koni jñà xi̱ta̱ judío; jngoò na̱xa̱ndá ko̱ma yije kóho̱tjín; ko̱ jñà xi mìtsà xi̱ta̱ judío ngásòn tjoéâla̱ kjo̱ndaà koni s’ín kitsjaàâla̱ tso’ba Nainá jñà xi̱ta̱ judío. 7 Ta kjo̱ndaàâla̱ Naináâné nga ‘a̱n kitjoéâna xá jè. Jè kitsjaà kjo̱tjòâna nga chi̱’ndaâla̱ ma k’e̱ nga kitsjaàâna nga’ñóâla̱ méâne nga ‘a̱n kèno̱jmiá ‘én ndaàâla̱ Cristo. 8 ‘A̱n, na̱s’ín ìsa̱ ‘ñó nangui tìjna̱âla̱ ngats’iì xi̱ta̱âla̱ Nainá, ta̱nga Nainá kitsjaàâna kjo̱ndaà jè, nga ‘a̱n chjàyajiìnâla̱ ‘én ndaàâla̱ Nainá xi kjoa̱ ts’e̱ Cristo jñà xi mìtsà xi̱ta̱ judío, méânè nga skoe̱âne kó kji ‘ñó tse kjo̱ndaà tsjá Cristo skanda mìkiì bijchótji̱nguiâla̱ kjo̱hítsjeènâná. 9 Jè xá xi ‘a̱n kjònga̱tsja nga ‘a̱n sìhiseènâla̱ jñà xi̱ta̱ méâne nga skoe̱âne kó s’ín tjín kjoa̱ xi tjí’ma. Nainá xi tsibíndaà i̱sò’nde, jè tíjna’maâla̱ kjoa̱ jè skanda ti̱sa̱ tàts’enâla̱ kjoa̱. 10 Koií k’oa̱s’ín komàâne méâne skoe̱âne i̱’ndei̱ ngats’iì ini̱ma̱ ch’o ko̱ ini̱ma̱ xi ndaà xi tjínâla̱ nga’ñó i̱jiìn i̱sén nga kjìn sko̱ya kjoa̱chji̱ne̱ tjínâla̱ Nainá. Ya̱á skoe̱ kjoa̱ koi i̱t’aà ts’e̱ na̱xa̱ndáâla̱ Cristo. 11 Nga ti̱sa̱ tàts’enâla̱ kjoa̱, Nainá k’oa̱á s’ín tjíndaàâla̱ nga i̱t’aà ts’e̱ Cristo ki̱tasòn yije kjoa̱ koi. 12 I̱’ndei̱, nga Cristo titsa̱jnakoa̱á, jyeé ‘ñó takoán. Ko̱maá chi̱koa̱á Nainá ñánda tíjna nga mì ti̱ kiì xkónâoná nga jyeé mokjeiínâná i̱t’aà ts’e̱ Cristo. 13 K’oa̱á s’ín siìjéânò nga kì nìkjajenâlà takòn jè kjo̱’in xi tìsìkjiaán nga ‘a̱n beno̱jmíânò ‘én ndaàâla̱ Nainá xi kjoa̱ ts’e̱ Cristo. Ãsa̱á ndaà kàtatsjaâla̱ ini̱ma̱ânò nga kjo̱ndaà tsa̱jònânò. 14 Koií kjoa̱âla̱ nga ósi̱jna xkó’nchit’aàâla̱ nga bìtsi’bàâla̱ Nainá xi Na̱’ènâná. 15 Nga i̱t’aà ts’e̱é Nainá nchrobáâne nga tjín na̱’èn ko̱ tjín i̱xti nga jngoò ìjngoò ni’ya xi̱ta̱ xi tjín ngajmiì ko̱ xi tjín i̱sò’nde. 16 Nainá, nga tse nga’ñó tjínâla̱, k’oa̱á s’ín bìtsi’bàâla̱ nga kàtatsjáânò nga’ñóâla̱ xi ts’e̱ ini̱ma̱ânò nga jè Ini̱ma̱ Tsjeèâla̱ Nainá kàtasíxájiìn ini̱ma̱ânò. 17 Jè Cristo, ndaà kàtìjnajiìn ini̱ma̱ânò, nga mokjeiínânò i̱t’aà ts’e̱; ‘ñó ndaà kàtas’eânò kjoa̱tjòchaâla̱ Nainá koni jngoò yá xi na̱nga̱ fì i̱ma̱âla̱, ko̱ koni jngoò ni’ya xi na̱nga̱ tjíhijiìn chrjóâla̱. 18 K’oa̱á s’ín ko̱maâne nga jñò ko̱ ngats’iì xi̱ta̱âla̱ Nainá, jcha̱xkoòn koa̱ ko̱chi̱yaânò nga ‘ñó tse kjoa̱tjòcha xi tjínâla̱ Cristo, ‘ñó tiyà, ‘ñó ndojò, ‘ñó na̱nga̱ ko̱ ‘ñó ’nga. 19 Nguì ndaà jcha̱a jè kjoa̱tjòcha xi tjínâla̱ Cristo xi ìsa̱ ‘ñó otonèâla̱ ngats’iì kjo̱hítsjeènâná skanda mìkiì machi̱yaâná, méâne nga ni̱mé chi̱jat’aàânò koni jè Nainá, ni̱mé chi̱jat’aàâla̱. 20 Nainá, ‘ñó tse nga’ñó tjínâla̱, tsà k’e̱ nga mé xi nìjéâla̱á, skanda ìsa̱á ‘ñó síkatonèâla̱ koni s’ín nìjéâla̱á ko̱ nga koni s’ín nìkítsjeèn. K’oa̱á s’ín tsjá yijeâná nga ko̱ nga’ñóâla̱ xi síxájiìn ini̱ma̱âná. 21 Jeya kàtìjna Nainá ya̱ i̱jiìn na̱xa̱ndáâla̱ ko̱ i̱t’aà ts’e̱ Cristo ni̱ta̱ mé na̱chrjeinâne, ni̱ta̱ mé nóâne. K’oa̱s’ín kàtama.