Colosenses 3

1 Jñà kjoa̱ ti̱nchátsjioò kjo̱ndaà xi tjín ngajmiì ya̱ ñánda tíjna Cristo nga ya̱ tíjnat’aà chrja kixi̱âla̱ Nainá, koií kjoa̱âla̱ nga ya̱ jaáyakjoòânò ko̱ Cristo, 2 Koií ti̱kítsjeèn kjit’aà mé kjoa̱ xi tjín ngajmiì, kì koií nìkítsjeèn kjoa̱ xi tjín i̱sò’nde. 3 Nga̱ jñò, jyeé k’en kjoa̱ ts’e̱ i̱sò’nde, ko̱ jè kjoa̱binachon xi̱tse̱ xi tjínânò nga ya̱ titsa̱jnako̱o Cristo, ya̱á tíjnatjò nga nguixko̱n Nainá. 4 Jè Cristo, jèâné xi kjoa̱binachonânò; k’e̱ nga jè xi ko̱tsejèn ìjngoò k’a, jñò, ti̱koa̱á ya̱á ko̱tsejènâko̱o nga jeya ki̱tsa̱jnaà. 5 Ti̱kítsa̱jna kjoa̱ ch’o xi síjé yijo jéânò xi kjoa̱ ts’e̱ i̱sò’nde: koni jñà kjoa̱ chijngui, ko̱ kjoa̱ tjé ko̱ kjoa̱ ch’o xi sasénâla̱ yijoânò ko̱ ngats’iì kjoa̱ ch’o xi fahajiìnânò, ko̱ nga kjìn tsojmì mejènânò. Kjoa̱ jè ti̱jéâne koni tsà xkósòn yaxkón. 6 Koií kjoa̱âla̱ nga kjo̱’in tsjáâla̱ Nainá jñà xi̱ta̱ xi mìkiì ’nchréñijonâla̱. 7 Jñò, ti̱koa̱á k’oa̱á tjín kjoa̱ xi ki’nè kjòtseé k’e̱ nga ya̱ titsa̱jnajñoò kjoa̱ xi ch’o tjín. 8 Ta̱nga i̱’ndei̱ ti̱kítsa̱jna yije kjoa̱ koi: jñà xi kjoa̱ jti, ko̱ jñà xi kjoa̱ ts’e̱n, ko̱ jñà kjoa̱ xi ch’o tjín, ko̱ jñà kjoa̱ xi nokjoàjnoâla xi̱ta̱, ko̱ jñà ‘én xi ch’o tsò nga nokjoà. 9 Kì ‘én ndiso nokjoàko̱o xinguio̱o nga jyeé kichjaàxìnâlà yijoânò kjoa̱ jchíngaânò ko̱ ngats’iì kjoa̱ xi ki’nè nga sa̱ kjòtseé. 10 Jyeé kichjoé xi kjoa̱ xi̱tse̱. Jyeé jahatjìyaâla̱ kjo̱hítsjeènânò. K’oa̱á s’ín tímaxi̱tse̱ya koni kji i̱sénâla̱ Nainá xi tsibíndaàânò skanda kóni nga ìsa̱ ndaà jcha̱xkoòn yáâne xi Nainá. 11 I̱’ndei̱, mì ti̱ kiì ‘ñó mochjeénâne yáâné xi xi̱ta̱ griego, o yáâné xi xi̱ta̱ judío, yáâné xi tjít’aà chi̱ba̱âla̱, o yáâné xi kjoa̱ ts’e̱ circuncisión, yáâné xi xi̱ta̱ xìn nanguiâla̱ ko̱ yá xi̱ta̱âne xi i̱ma̱ tímajchá, yáâné xi chi̱’nda tíjna’ñó, o yáâné xi tíjnandei̱í. Jè Cristo xi ìsa̱ ‘ñó chjíâla̱; ko̱ jè xi tíjnajiìn ini̱ma̱âla̱ ngats’iì xi̱ta̱âla̱. 12 Jñò xi xó k’oa̱s’ín jaàjiìnânò Nainá ko̱ xi nguì xi̱ta̱ tsjeèâla̱ maà nga ndaà matsjakeèânò, k’oa̱á s’ín chjoé xi kjoa̱ xi̱tse̱ nga kàtahi̱ma̱cha xi̱ta̱; kàtas’eânò kjo̱ndaà; kì ’nga matakòn; indaàkjoa̱ t’e̱en; ko̱ kàtas’eâla̱ kjoa̱tsejta ini̱ma̱ânò. 13 Ni̱ta̱ mé kjoa̱ xi tjínânò ti̱kjeiínâlà xinguio̱o, ti̱jchàat’aàâlà xinguio̱o tsà mé kjoa̱ xi ch’o síko̱ânò. Jñò, k’oa̱á ti̱s’ín t’e̱en, koni s’ín kisìko̱ânò Cristo nga kisìjchàat’aàânò. 14 Jè xi tíjna ítjòn ts’e̱ kjoa̱ koi, jèâné nga ti̱tsjacha xinguio̱o, nga jè kjoa̱tjòcha xi ndaà síkítsa̱jnajtínâná. 15 Kjoa̱’nchánâla̱ Cristo ndaà kàtatíxoma i̱jiìn ini̱ma̱ânò; nga̱ Nainá xó k’oa̱á s’ín kiìchja̱ânò nga ’nchán ki̱tsa̱jnako̱o xinguio̱o méâne nga ta jngoò yijo ko̱maânò. Ko̱ mochjeénâné nga kjit’aà na̱chrjein tjiìâlà kjo̱ndaà Nainá. 16 Jè ‘énâla̱ Cristo ‘ñó ndaà kàtasijiìn kjit’aà ya̱ i̱jiìn ini̱ma̱ânò. Ta̱kóyaâlà xinguio̱o ko̱ ti̱kixi̱yaà nga ti̱kjeén kjo̱hítsjeèn xi tjínâla̱ kjoa̱chji̱ne̱. Ti̱jndáâlà Nainá nga tjiìâlà kjo̱ndaà xi tíjiìn ini̱ma̱ânò; ti̱jndáâlà sò ts’e̱ salmo, ko̱ sò xi jeya síkíjna Nainá, ko̱ sò xi ya̱ nchrobáâne ya̱ i̱jiìn ini̱ma̱ânò. 17 Ngats’iì ‘én xi nokjoà ko̱ ngats’iì xá xi ’nè, i̱t’aà ts’e̱ Jesucristo xi otíxomaâná koa̱t’e̱en. Ko̱ i̱t’aà ts’e̱ Jesucristo tjiìâlà kjo̱ndaà Nainá xi Na̱’ènâná. 18 Jñò íchjín xi x’i̱n tjínânò, nangui titsa̱jnaâlà x’i̱nânò koni s’ín ok’ìnâla̱ jñà xi̱ta̱âla̱ Cristo. 19 Jñò xi íchjín tjínânò, tjòcha jcha̱a íchjínânò, kì toòn ‘yaà. 20 Jñò xi i̱xti ‘mìânò, ndaà ti̱ná’yañijonâlà xi̱ta̱ jchíngaânò, nga jè Nainá ndaà sasénâla̱ kjoa̱ koi. 21 Jñò xi Na̱’èn ‘mìânò, kì ta̱xki̱ siì nokjoàko̱o i̱xtiânò méâne nga mì sìkàjeènâla̱ ikon. 22 Jñò xi chi̱’nda maà, ndaà ti̱kitasòn yijeâlà neiânò i̱ i̱t’aà nangui; kì tà k’e̱é nìxá k’e̱ nga tíkotsejènânò nga ta jè xi mejènânò nga ndaà ki̱tsa̱jnako̱o. Nguì ko̱ó ini̱ma̱ânò nga ti̱kitasònâlà koií kjoa̱âla̱ nga yaxkón Nainá. 23 Ni̱ta̱ mé kjoa̱ xi s’e̱en, nguì ko̱ó ini̱ma̱ânò nga t’e̱en koni tsà i̱t’aà ts’e̱ Na̱’ènâná titsa̱nìkitasòn ko̱ mìtsà i̱t’aà ts’e̱ xi ta̱xki̱ xi̱ta̱. 24 Jyeé ‘yaà nga jè Na̱’ènâná Jesucristo tsjáânò chjíânò nga tjoéânò jè kjo̱tjò xi tsjáânò Nainá nga i̱xtiâla̱ maà koi kjoa̱âla̱ nga jè titsa̱nìxát’aàâlà Jesucristo xi otíxomaânò. 25 Ta̱nga jè xi ch’o tjín kjoa̱ xi s’ín, k’oa̱á s’ín ko̱chjíâla̱ koni tjín kjoa̱ ch’o xi s’ín. Nainá mìtsà faájiìn xi̱ta̱, ngásòn ngáya fìko̱ ngats’iì.