Colosenses 2

1 Mejènâna nga ndaà kàtasijiìnânò, nga ‘ñó tìkjaànâtjiânò i̱t’aà tsa̱jòn ko̱ jñà xi̱ta̱âla̱ Cristo xi títsa̱jna ján na̱xa̱ndá Laodicea, ko̱ i̱t’aà ts’e̱ ngats’iì xi̱ta̱ xi kj’eè kiì beèxkonâna. 2 Koií k’oa̱s’ín tìkjaànâtjiânò méâne nga kàtas’eâla̱ nga’ñó ini̱ma̱ânò ko̱ méâne nga jè kjo̱tsjacha xi tjínânò si̱ìkítsa̱jnajtínânò. Jè xi mejènâna nga ìsa̱ ndaà ko̱kixi̱ kjo̱hítsjeènânò nga nguì ndaà ko̱chi̱yaânò jè kjoa̱ xi tjí’maâla̱ Nainá xi Na̱’ènâná. Jè kjoa̱’ma jè, jèâné Cristo. 3 Nga ta jè Cristo tjínâla̱ ngats’iì kjo̱hítsjeèn ko̱ kjoa̱chji̱ne̱ xi ‘ñó chjíâla̱. 4 Koií k’oa̱s’ín tìxanânò nga mì yá xi skóna̱cha̱nânò nga si̱ìkjeén ‘én xi ndaà tsò ta̱nga mìtsà ‘én kixi̱. 5 Na̱s’ín mìtsà ya̱ tìjna̱ko̱ânò, ta̱nga ini̱ma̱âna̱ tìsìkítsjeèn kjit’aàânò. Matsjaáâna nga tì’be nga kixi̱ titsa̱jtión koni s’ín onguíko̱o yijoânò ti̱koa̱ kixi̱ titsa̱jnaà nga mokjeiínânò i̱t’aà ts’e̱ Cristo. 6 Koni s’ín kòkjeiínânò i̱t’aà ts’e̱ Jesucristo xi otíxomaânò, k’oa̱á ti̱s’ín kixi̱ ti̱tját’aà kjit’aàâlà 7 koni jngoò yá xi na̱nga̱ fì i̱ma̱âla̱ ko̱ koni jngoò ni’ya xi tísindaàsònâìsa nga kàtakixi̱ya jè kjoa̱ xi mokjeiínânò koni s’ín kichìta’yà; ko̱ tjiì kjit’aàâlà kjo̱ndaà Nainá. 8 Ti̱kinda̱a yijoânò nga mì jñà skóna̱cha̱nânò xi̱ta̱ xi ‘én ndiso chja̱ xi ni̱ mé chjíâla̱. Jñà kjo̱hítsjeèn koi, tà ya̱á nchrobáâne i̱t’aà ts’e̱ xi ta̱xki̱ xi̱ta̱ koni tsò kjo̱tíxoma xi tjín i̱sò’nde, mìtsà kjo̱tíxoma ts’e̱ Cristo. 9 Ya̱á tíjnajiìn yijoâla̱ Cristo yáâne xi nguì jè sobà Nainá nga ni̱mé chijat’aàâla̱. 10 Nga Cristo titsa̱jnako̱o, tjín yijeânò ni̱ta̱ mé xi mochjeénânò. Jè Cristo otíxomaâla̱ ngats’iì nga’ñó ko̱ kjo̱tíxoma xi mìkiì tsejèn. 11 Ti̱koa̱á i̱t’aà ts’e̱ Cristo kisit’aà chi̱ba̱ânò kjoa̱ ts’e̱ circuncisión, ta̱nga mìtsà jè xi tsja xi̱ta̱ bít’aà chi̱ba̱âla̱ yijoâná, jèâné nga jè Cristo tsibít’aà chi̱ba̱âla̱ ini̱ma̱ânò k’e̱ nga jaàxìn jé xi tjínâla̱ yijo jéânò. 12 Ti̱koa̱ k’e̱ nga komà bautizar, k’oa̱á ngayaâla̱ koni tsà ya̱ kisìhijiìnât’aàâlà Cristo xi kjoa̱ ts’e̱ jéânò. K’oa̱á ti̱s’ín jaáyaânò koni s’ín jaáyaâla̱ Cristo koií kjoa̱âla̱ nga mokjeiínânò nga’ñó xi tjínâla̱ Nainá nga komà kiskímiìtje̱n Cristo i̱t’aà ts’e̱ kjoa̱ biyaà. 13 Jñò, nga sa̱ ítjòn, titsa̱jnaà k’enânò i̱t’aà ts’e̱ Nainá koi kjoa̱âla̱ jéânò nga jè Cristo kj’eè kiì bít’aà chi̱ba̱âla̱ ini̱ma̱ânò nga faáxìn jé xi tjínâla̱ yijo jéânò. Ta̱nga i̱’ndei̱, Nainá jyeé kisìkítsa̱jnakonânò ko̱ Cristo nga kisìjchàat’aàânò ngats’iì jéânò. 14 K’oa̱á ngayaâla̱ koni tsà jye kisìkjeheyaâne xo̱jo̱n xi kitjámiì’nga xi kondra̱ tsa̱ján. Jaàxìnâne, ya̱á tsohójnat’aà krò ñánda k’enât’aà Cristo. 15 Jñà nga’ñó xi tjín i̱jiìn i̱sén ko̱ ngats’iì xi otíxoma, Nainá jaàxìn yijeâla̱ nga’ñóâla̱. Ya̱á kisìkijneâla̱ k’e̱ nga jè Cristo k’enât’aà krò. Ko̱ ngats’iì xi̱ta̱, ya̱á kijtseè nga kisìchja. 16 K’oa̱á maâne jñò, kì kiì nìs’inâlà xi̱ta̱ xi chja̱jnoânò nga tsòânò nga mìkiì nìkitasòn kjoa̱ ts’e̱ tsojmì xi chine, xi ‘yò, kjoa̱ ts’e̱ s’eí xi bitjo, kjoa̱ ts’e̱ nga otsejèn xi̱tse̱ ìjngoò k’a sá, ko̱ ts’e̱ na̱chrjein nìkjáya. 17 Ngats’iì kjoa̱ koi, k’oa̱á ngayaâla̱ koni tà ’nguiénâla̱á kjoa̱ xi i̱skan j’iì; ta̱nga jè xi nguì kjoa̱ kixi̱, jè Cristo. 18 Kì kiì biì’nde nga faáxìnânò jè kjo̱ndaà xi jye titsa̱jnajñoò jñà xi̱ta̱ xi beèxkón àkja̱le̱; k’oa̱á tsòâla̱ yijoâla̱ nga mìtsà xi̱ta̱ ’nga ikon. Jè xi mejènâla̱ nga jñò k’oa̱ ti̱s’ín s’e̱en. Jñà xi̱ta̱ koi tsòâné nga i̱nga nijñá kis’eno̱jmíâla̱ kjoa̱ jè, ko̱ ‘ñó ’nga síkítsa̱jna yijoâla̱ xi ta kjo̱hítsjeèn ts’e̱, ta̱nga ni̱mé chjíâla̱. 19 Xi̱ta̱ koi mìtsà ya̱ ndaà fìt’aàâla̱ Cristo. Nga jè Cristo tíjna sko̱âla̱ na̱xa̱ndáâla̱ ko̱ jè tsjáâla̱ kjo̱hítsjeèn ko̱ nga’ñó ko̱ jè síkítsa̱jnajtín xi̱ta̱âla̱ koni s’ín ma yijoâná nga jñà naxáâná bítéya nindaàâná, méâne nga ndaà si̱ìxáâne na̱xa̱ndáâla̱ Cristo koni s’ín mejènâla̱ Nainá. 20 Jñò, ta̱ñaá k’enâko̱o Cristo, k’oa̱á maâne nga mìkiì ti̱ tjí’ndeânò nga jñà si̱kitasòn kjo̱tíxoma xi tjín i̱sò’nde. ¿Méâne tákó k’oa̱s’ín ’nèânò koni tsà kjoa̱ ts’e̱ i̱sò’nde otíxomaânò nga nìkitasònânò kjo̱tíxoma 21 xi tsò: “Kì kiì nìkoi̱i tsojmì koi, kì kiì chiniì, kì ndsei̱i nìko̱âne.”? 22 Jñà kjo̱tíxoma koi, tà ts’e̱é tsojmì xi chija k’e̱ nga tímochjeén. Tà kjo̱tíxoma ts’e̱ xi̱ta̱âné koni s’ín okóya. 23 Jñà kjo̱tíxoma koi, k’oa̱á s’ín ‘yaâla̱ koni tsà tjínâla̱ kjoa̱chji̱ne̱ ta̱nga mìtsà kixi̱ kjoa̱. Nga̱ síjéâná nga ndaà si̱kitasoán kjoa̱ xi ‘in tjín méâne nga ndaà jcha̱xkoán kjo̱tíxoma xi tjínâla̱ i̱ngo̱; ti̱koa̱á tsòâné nga mochjeén nga mì xi̱ta̱ ’nga ikon ko̱maá, ko̱ nga kínèâlá kjo̱’in yijoâná. Ta̱nga jñà kjoa̱ koi ni̱mé chjíâla̱, nga mìkiì ma osìko̱âná nga nìkítsa̱jnaá jñà kjoa̱ ch’o xi síjé yijoâná.