Hechos 8

1 Jè Saulo, nga ya̱ síjna ti̱koa̱á kisìjngoò ikon nga kinìk’en Esteban. Mé kjoa̱âne nga jè Saulo kitsobà’ñó xi̱ta̱âla̱ Cristo Kjòts’ia̱âne na̱chrjein jè nga ‘ñó kiìtji̱ngui kondra̱âla̱ xi̱ta̱ ngats’iì xi̱ta̱ na̱xa̱ndáâla̱ Cristo ján Jerusalén. Kóho̱tjín xi̱ta̱âla̱ Cristo kitsjohoba kóho̱kji nangui Judea ko̱ Samaria. Tà jñà tsininguiâne xi̱ta̱ xi tsibíxáyaâla̱ Jesús. 2 Tjín i’nga xi̱ta̱ xi beèxkón Nainá, jñà tsibíhijiìn Esteban. ‘Ãó kiskindàyakeè. 3 Ta̱nga jè Saulo, ‘ñó kiìtji̱ngui kondra̱âla̱ xi̱ta̱ na̱xa̱ndáâla̱ Cristo. Xki̱ xi ján ni’ya jahas’en nga kjo̱’ñó ochrje íchjín ko̱ íchjá, i̱kjoàn kinís’en nda̱yá. 4 Jñà xi̱ta̱ xi kitsjohoba, xki̱ xi ján kiì nga kisìka’bí ‘én ndaàâla̱ Nainá xi kjoa̱ ts’e̱ Cristo. 5 Jè Felipe, k’e̱ nga ijchò na̱xa̱ndá Samaria, ya̱á tsibéno̱jmí i̱t’aà ts’e̱ Cristo [xi̱ta̱ xi xó kisìkasénâne Nainá]. 6 Jñà xi̱ta̱ Samaria nga kjìn ma, k’e̱ nga kiì’nchré ti̱koa̱ kijtseè jñà kjo̱xkón ndaà xi kis’iìn Felipe, kóho̱tjín, ìsa̱á ndaà kiì’nchréâìsa̱ koni s’ín tsibéno̱jmíyaâla̱. 7 Kjìn xi̱ta̱ xi ini̱ma̱ ch’oâla̱ nei̱í tíjiìn ini̱ma̱âla̱ kjòndaàâne. Jñà ini̱ma̱ ch’oâla̱ nei̱í, ‘ñó kjindáya k’e̱ nga bitjojiìn ini̱ma̱âla̱ xi̱ta̱. Ti̱koa̱á kjìn xi̱ta̱ i̱ma̱ kjòndaàâne xi mìkiì ma síhiníyá yijoâla̱ ko̱ xi tsá’yá kjoàn. 8 K’oa̱á maâne nga jñà xi̱ta̱ na̱xa̱ndá jè, ‘ñó tsja kis’eâla̱. 9 Ya̱ Samaria tsibìjna jngoò xi̱ta̱ xi Simón ki’mì. K’e̱ nga sa̱ ítjòn, maáâla̱ bíndaà. Kjìn nó kiskoòna̱cha̱nâla̱ xi̱ta̱ xi ya̱ i̱’ndeâla̱ nga chincháxkónâla̱ nga kitsò: “‘A̱n ‘ñó ndaà machi̱yaâna̱." 10 Ngats’iì xi̱ta̱ i̱xti ko̱ xi̱ta̱ jchínga, ndaà kiì’nchréñijonâla̱; kitsò: âJè xi̱ta̱ jè xi tse nga’ñó tjínâla̱ i̱t’aà ts’e̱ Nainá. 11 Koií kjoa̱âla̱ nga ndaà kiì’nchréñijonâla̱ nga jye kò kjìn nó kona̱cha̱nâla̱ nga bincháxkónâla̱ nga ‘ñó ndaà maâla̱ bíndaà. 12 Jñà xi̱ta̱, k’e̱ nga kòkjeiínâla̱ ‘én ndaàâla̱ Nainá kó s’ín otíxoma Nainá ko̱ i̱t’aà ts’e̱ Jesucristo xi jè Felipe tíbéno̱jmí, tsibíts’ia̱ nga komà bautizar íchjín íchjá. 13 Skanda ti̱jèâne Simón ti̱koa̱á kòkjeiínâla̱; i̱kjoàn komà bautizar. Ãánda tsajmeè Felipe, ya̱á tsajmeiìko̱ Simón. Tà k’oa̱á maâla̱ nga tíbeè kjo̱xkón ndaà xi tís’ín Felipe ko̱ kjoa̱ xi okó kjoa̱ jeyaâla̱ Nainá. 14 Jñà xi̱ta̱ xi tsibíxáyaâla̱ Jesús xi títsa̱jna Jerusalén, k’e̱ nga kiì’nchré nga jñà xi̱ta̱ Samaria jyeé kòkjeiínâla̱ ‘énâla̱ Nainá, kisìkasén jè Pedro ko̱ Juan. 15 Jñà xi̱ta̱ koi, k’e̱ nga jye ijchò Samaria, tsibítsi’batjì jñà xi̱ta̱ xi jye kòkjeiínâla̱ méâne nga tjoéâla̱ jè Ini̱ma̱ Tsjeèâla̱ Nainá. 16 Nga̱ jè na̱chrjein jè, ni̱ sa̱á jngoò tjoéâla̱ Ini̱ma̱ Tsjeèâla̱ Nainá. Sà tà jè i̱t’aà ts’e̱ Na̱’ènâná Jesús komà bautizar xi̱ta̱ koi. 17 Jè Pedro ko̱ Juan, k’e̱é tsohósònâla̱ tsja, i̱kjoàn kitjoéâla̱ Ini̱ma̱ Tsjeèâla̱ Nainá. 18 Jè Simón, k’e̱ nga kijtseè nga jñà xi̱ta̱ xi tsibíxáyaâla̱ Jesús, ósònâla̱ tsja jñà xi̱ta̱, ni̱to̱ón tjoéâla̱ Ini̱ma̱ Tsjeèâla̱ Nainá, jè Simón tsibít’aàâla̱ to̱n jñà xi̱ta̱âla̱ Cristo, 19 kitsòâla̱: â‘A̱n, ti̱koa̱ tjiìâná nga’ñó jè, méâne ni̱ta̱ yá xi̱ta̱âne xi kosònâla̱ ndsa̱a ti̱koa̱ tjoéâla̱ Ini̱ma̱ Tsjeèâla̱ Nainá. 20 Jè Pedro kitsòâla̱: â¡Kàtiyaàkoi̱i to̱nâlè! Ngaji̱, k’oa̱á s’ín nìkítsjiìn tsà maá bindaàâná kjo̱tjò xi tsjá Nainá. 21 Ngaji̱ mìkiì tjí’ndeâlè i̱t’aà ts’e̱ xá jè nga jè ini̱ma̱âlè mì kixi̱ tíjna nguixko̱n Nainá. 22 Ti̱kájnoi jéâlè, nga ch’o tsò ya̱ i̱jiìn ini̱ma̱âlè, kì ti̱ jé binchaàtsjiâne. Ti̱jét’aàâla̱ Nainá tsà koi na̱chrjeinâla̱ si̱ìjchàat’aàâlè jéâlè. 23 Beâná nga jè kjoa̱xìtakòn xi tíjiìn ini̱ma̱âlè ko̱ jè kjoa̱ch’oâlè mìkiì tsjá’ndeâlè nga ndaà ’nì. 24 Jè Simón k’e̱é kitsò: âSíjét’aàânò, titsi’baâlà Nainá xi i̱t’aà ts’a̱n méâne nga mì k’oa̱ s’ín ko̱mat’ian ngats’iì kjoa̱ xi k’oa̱s’ín titsa̱’mìâná. 25 Jñà xi̱ta̱ xi tsibíxáyaâla̱ Jesús, k’e̱ nga jye kitsjaà ‘én i̱t’aà ts’e̱ Cristo ti̱koa̱ tsakóya ‘én ndaàâla̱ Nainá, kiì ìjngoò k’aâne ján Jerusalén. K’e̱ nga chinchimaya ndi̱yá, kjìn xi̱ta̱ na̱xa̱ndá jtobá xi chja̱âne Samaria tsibéno̱jmíâla̱ ‘én ndaàâla̱ Nainá xi kjoa̱ ts’e̱ Cristo. 26 Xi jye komà, jngoò àkja̱le̱âla̱ Nainá kiìchja̱âla̱ Felipe, kitsòâla̱: âTi̱sítji̱in, t’in kixi̱i ndi̱yá xi bitjokàt’aàâne Jerusalén, fìjen bijchó skanda Gaza. (Ndi̱yá jè, ya̱á fahato ya̱ i̱’nde i̱t’aà xìn ñánda nangui kixì choòn.) 27 Felipe, tsasítje̱n, kiì; ya̱ i̱ya ndi̱yá kisatiìkjoò jngoò xi̱ta̱ x’i̱n ts’e̱ Etiopía xi ‘ñó ’nga xá tjínâla̱ xi jye kjòxkiìâla̱ nga mì ti̱ íchjín si̱ìs’inâne; tesorero tjínâla̱ ts’e̱ chjo̱ón sko̱âla̱ Etiopía xi ‘mì Candace. Jerusalén j’iìâne xi̱ta̱ jè nga kiì i̱ngo̱ ñánda beèxkón Nainá. 28 Xi̱ta̱ jè, k’e̱ nga tínchrobáâne nanguiâla̱, tíjnaya carretaâla̱; tíbíxke̱jiìn xo̱jo̱n xi kiskiì Isaías, xi̱ta̱ xi kiìchja̱ ngajoâla̱ Nainá. 29 Jè Ini̱ma̱ Tsjeèâla̱ Nainá kitsòâla̱ Felipe: âT’in tji̱nguiâla̱ carreta jè, tsjahijtakoi̱i. 30 Felipe ni̱to̱ón kiìtji̱nguiâla̱, kiì’nchréâla̱ jè xi̱ta̱ nga tíbíxke̱jiìn xo̱jo̱n xi kiskiì Isaías, xi̱ta̱ xi kiìchja̱ ngajoâla̱ Nainá; i̱kjoàn kiskònanguiâla̱ kitsòâla̱: â¿A fìyaáâlè kó s’ín tíchja̱ xo̱jo̱n xi tìbìxke̱jiìn? 31 Jè xi̱ta̱ etiope kitsò: â¿Kó s’ín ko̱ma kji̱yaâna nga mì yá béno̱jmíyaâna? K’e̱é tsibítsi’baâla̱ Felipe nga tsijinâjno carreta; ya̱á tsibìjnayako̱. 32 Jè Xo̱jo̱nâla̱ Nainá xi tíbíxke̱jiìn ts’e̱ Isaías tsòâné: Kiìko̱ koni jngoò orrè nga kiì sík’en; k’oa̱á ngayaâla̱ koni jngoò orrè ki’ndí xi mìkiì kjindáya k’e̱ nga tísìjnoâla̱, k’oa̱á s’ín mìkiì kiìchja̱ k’e̱ nga tsatojiìn kjo̱’in. 33 K’e̱ nga tsachrjekàngui xi̱ta̱, mì kixi̱ kisindaàjiìnâla̱. Nga mì yá xi̱ta̱ tje̱ s’e̱âla̱, ni̱yá xi si̱ìkítsjeèn, nga jè, kinìk’enâné i̱ i̱sò’nde. 34 Jè xi̱ta̱ etiope kitsòâla̱ Felipe: âT’i̱in kjo̱ndaà. Tèno̱jmíyaâná yáâné xi k’oa̱s’ín títsòâla̱ jè Isaías; ¿a kj’ei̱í xi̱ta̱âné, a xi ti̱jèâne yijoâla̱? 35 Felipe tsibíts’ia̱ko̱âne jè xo̱jo̱n xi tíbíxke̱jiìn xi̱ta̱ etiope; tsibéno̱jmí yijeâla̱ i̱t’aà ts’e̱ ‘én ndaàâla̱ Nainá xi kjoa̱ ts’e̱ Jesús. 36 Koni s’ín nchifìya ndi̱yá, ijchò jngoò i̱’nde ñánda tjín nandá, kitsò xi̱ta̱ etiope: âI̱’nde jè, tjín nandá; ¿a mìtsà ndaà s’e̱ tsà s’iaàn bautizar yijoâna̱? 37 Felipe kitsòâla̱: âTsà ko̱ó ini̱ma̱âlè nga ndaà mokjeiínâlè ko̱maâné. Xi̱ta̱ jè kitsò: âMokjeiínâna nga Jesús, jè xi Cristo xi Ki’ndíâla̱ Nainá. 38 Ko̱ kitsjaà o̱kixi̱ nga tsasíjna carreta, i̱kjoàn tsitajen ingajò, jahas’enâjiìn nandá, jè Felipe kis’iìn bautizar. 39 K’e̱ nga jye itjokàjiìnâne nandá, Felipe, tà ni̱to̱ón kichijà; jè Ini̱ma̱ Tsjeèâla̱ Nainá kiìko̱; mì ti̱ kiì kijtseèxkonâne xíkjín; ta̱nga jè xi̱ta̱ etiope, k’e̱ nga tífì ya̱ ndi̱yá, tsjaá jchán tjínâla̱. 40 Jè Felipe k’e̱ nga kjòchi̱yaâla̱ jye ya̱ tíjna na̱xa̱ndá Azoto; xki̱ xi ján na̱xa̱ndá tsibéno̱jmí ‘én ndaàâla̱ Nainá xi kjoa̱ ts’e̱ Cristo skanda k’e̱ nga ijchò na̱xa̱ndá xi ‘mì Cesarea.