Hechos 28

1 K’e̱ nga jye itjojiìnâje̱n ndáchikon, kis’eno̱jmíânaje̱n nga ya̱ i̱’nde jè, Malta ‘mì. 2 Jñà xi̱ta̱ xi ya̱ i̱’ndeâla̱, ndaà kisìko̱ânaje̱n; tsibítseânaje̱n ni’ín, i̱kjoàn kitsjaà’ndeânaje̱n nga kinìhisoâje̱n, nga jtsí tí’ba koa̱ ’nchán choòn. 3 Jè Pablo tsibíxkó chiba chikín kixì. K’e̱ nga chinchájiìn ni’ín jñà chikín, jngoò ye̱ itjokàjiìn xi tíhonga nga ‘ñó tsjè ni’ín; kiskine tsja Pablo. 4 Jñà xi̱ta̱ xi ya̱ i̱’ndeâla̱ nga kijtseè nga ye̱ tjo̱hónguiâla̱ tsja Pablo, kitsòâla̱ xíkjín: âXi̱ta̱ jè, xi̱ta̱áâla maâla̱ sík’en; na̱s’ín ndaà kòbitjokàjiìn ndáchikon, jè nea̱âná xi tjínâla̱ o̱kixi̱, majìnâla̱ síkíjnakon. 5 Jè Pablo, tsibítsajneè tsja ya̱ i̱jiìn ni’ín; ni̱mé xi komàâla̱. 6 Ngats’iì xi̱ta̱ nchikoñaâla̱ mé hora ki̱tjaya tsja koa̱ mé hora ki̱yá Pablo. K’e̱ nga kijtseè nga jye kjìn hora tsato nga ni̱mé xi komàâla̱, kj’ei̱í s’ín kisìkítsjeèn, kitsò: âJè Pablo, Naináâla. 7 Ya̱ chrañàt’aàâla̱ i̱’nde ñánda ijchòâje̱n, tseé nangui tjín xi ts’e̱ xi̱ta̱ ítjònâla̱ i̱’nde Malta xi ‘mì Publio. Jàn na̱chrjein tsitsa̱jnako̱âje̱n; ndaà kiskoétjòânaje̱n ko̱ ndaà kisìs’inânaje̱n. 8 Na̱chrjein koi, jè na̱’ènâla̱ Publio, xk’énâné; ch’in tíjnga tjínâla̱ ko̱ xo̱jmá jní tífaâla̱. Pablo kiìkon; kiìchja̱t’aàâla̱ Nainá; i̱kjoàn tsohójnasònâla̱ tsja; jngoò k’a kjòndaàâne. 9 K’e̱ nga kiì’nchré jñà xi̱ta̱ xk’én xi tjín ya̱ i̱’nde jè, ti̱koa̱ inchrobà ñánda tíjna Pablo. Kjòndaà yijeéâne. 10 Jñà xi̱ta̱, ndaà kisìs’inânaje̱n. K’e̱ nga jye titsa̱chjoé jngoòâje̱n chitso nga jye titsa̱honguíâje̱n, jñà xi̱ta̱ kisìk’a yijeéânaje̱n ngats’iì tsojmì xi ko̱chjeénânaje̱n ya̱ ndi̱yá. 11 K’e̱ nga jye tsato jàn sá nga titsa̱jnaâje̱n i̱’nde jè, i̱kjoàn tsanguì ìjngoò k’aâje̱n. Tsitjaàs’en jngoòâje̱n chitso xi ján i̱’ndeâla̱ na̱xa̱ndá Alejandría xi ti̱koa̱ ya̱ kisasijna ya̱ i̱ndiì ndáchikon ts’e̱ Malta jñà na̱chrjein cho̱ ’nchán; i̱sén ts’e̱ Cástor ko̱ Pólux tjít’aà. 12 K’e̱ nga ijchòâje̱n na̱xa̱ndá Siracusa, jàn na̱chrjein tsitsa̱jnaâje̱n. 13 Tsanguì ìjngoò k’aâje̱n; ijchòâje̱n skanda na̱xa̱ndá Regio. Xi komà inchijòn tsibíts’ia̱ nga ts’a tjo̱ xi inchrobàâne i̱’nde sur. Ijchò jò na̱chrjein, ijchòâje̱n na̱xa̱ndá Puteoli. 14 Ya̱á kiskaàkjoò i’ngaâje̱n xi̱ta̱ xinguia̱á xi i̱t’aà ts’e̱ Cristo xi kiìchja̱ko̱ânaje̱n nga tsitsa̱jnako̱âje̱n jngoò xomàna̱. Xi komà i̱skan, i̱kjoàn tsanguíâje̱n skanda Roma. 15 Jñà xi̱ta̱ xinguia̱á i̱t’aà ts’e̱ Cristo xi títsa̱jna Roma, jyeé tíjiìnâla̱ nga ya̱ titsa̱honguíâje̱n; tjín xi ijchò kañaânaje̱n ya̱ ndi̱tsi̱n Apio; ti̱koa̱ tjín xi ijchò kañaânaje̱n ñánda ‘mì Jàn Tabernas. Jè Pablo, k’e̱ nga kijtseèxkon, tsjaá kis’eâla̱ ini̱ma̱âla̱; kitsjaàâla̱ kjo̱ndaà Nainá. 16 K’e̱ nga jye titsa̱jnaâje̱n Roma, Pablo kits’iì’ndeâla̱ nga tsibìjna ta̱jngoò ni’yaâla̱; ko̱ tà jngoò soldado kisìkinda̱. 17 Nga komà jàn na̱chrjein nga ijchòâje̱n Roma, Pablo, tsibíxkóya jñà xi̱ta̱ sko̱âla̱ xi̱ta̱ judío xi ya̱ títsa̱jna. K’e̱ nga jye j’iì yije, kitsòâla̱: âJñò xi xi̱ta̱ xinguia̱á judío xi i̱ titsa̱jnaà Roma, ján Jerusalén, kitsobà’ñóâna xi̱ta̱, i̱kjoàn kisìnga̱tsjaâna i̱t’aà ts’e̱ xi̱ta̱xá Roma nga tsibíndaàjiìnâna. ‘A̱n, ni̱mé jé xi tìhotsjià i̱t’aà ts’e̱ xi̱ta̱ xinguia̱á judío ko̱ i̱t’aà ts’e̱ kjo̱tíxomaâla̱ xi̱ta̱ jchíngaâná. 18 Jñà xi̱ta̱xá Roma nga tsibíndaàjiìnâna, ni̱mé jé xi kisakòt’aàâla̱ i̱t’aà ts’a̱n. Mejèn kisìkíjnandei̱íâna nga mìkiì ok’ìnâla̱ nga si̱ìk’enâna̱. 19 Ta̱nga jñà xi̱ta̱ judío, mìkiì kòkjeiínâla̱; k’oa̱á komàâne nga ‘a̱n, kisìjé nga jè kàtíndaàjiìnâna jè César xi xi̱ta̱xá ítjòn ts’e̱ Roma. ‘A̱n, ni̱mé xi sìjé xi kondra̱ ts’e̱ na̱xa̱ndáâná. 20 K’oa̱á maâne nga kòbìxkóyaânò méâne nga kichjàko̱ânò; koií kjoa̱âla̱ nga mokjeiínâna i̱t’aà ts’e̱ kjoa̱ xi titsa̱chiñáâlá xi xi̱ta̱ Israel ‘mìâná nga na’ñó ki̱cha̱ tjít’aà’ñóâna. 21 Jñà xi̱ta̱ judío kitsò: âNgaje̱n, ni̱mé xo̱jo̱n tíkaàt’aàânaje̱n xi kjoa̱ tsi̱ji xi ján Judea nchrobáâne. Ngats’iì xi̱ta̱ judío xinguia̱á xi nchif’iì, ni̱mé ‘én xi ch’o tsò nchitsjáânaje̱n xi kjoa̱ tsi̱ji. 22 Mejènânaje̱n nga ki̱ná’yaâje̱n kjoa̱ xi nìkítsjiìn; ngaje̱n, tíjiìnânaje̱n nga xki̱ xi ján chja̱jnoâla̱ xi̱ta̱ nga kondra̱ fìâla̱ jè ndi̱yá xi̱tse̱ xi ya̱ tjaáyi. 23 Tsibíjna jngoò na̱chrjeinâla̱ xíkjín, mé na̱chrjein ki̱xoña. K’e̱ nga chixoña, kjìn xi̱ta̱ ijchò ya̱ ni’ya ñánda tíjna Pablo; ko̱ jè Pablo tsakóyaâla̱ kós’ín otíxoma Nainá, tsibíts’ia̱ko̱âne nga sa̱ ta̱jñòya skanda kjònguixòn. Pablo kisìkjeén xo̱jo̱n ts’e̱ Moisés ko̱ ts’e̱ xi̱ta̱ xi kiìchja̱ya ngajoâla̱ Nainá nga tsakóyaâla̱ kó s’ín tíchja̱ méâne nga jñà xi̱ta̱ kàtakjeiínâla̱ i̱t’aà ts’e̱ Jesús nga jè xi Cristo. 24 Tjín xi̱ta̱ xi kòkjeiínâla̱, ti̱koa̱ tjín xi mìkiì kòkjeiínâla̱. 25 Nga mìkiì kjòngásòn ‘énâla̱ koni s’ín tsajoókjoò, tsibíts’ia̱ nga itjo ni’ya. K’e̱é kitsòâla̱ Pablo: âNdaà kiìchja̱ Ini̱ma̱ Tsjeèâla̱ Nainá nga kisìkjeén Isaías xi̱ta̱ xi kiìchja̱ ngajoâla̱ kjòtseé nga kitsòâla̱ jñà xi̱ta̱ jchínga judío: 26 T’in, ko̱t’ìnâla̱ jñà xi̱ta̱ na̱xa̱ndá: Jñò, ki̱ná’yaânò ta̱nga mìkiì kjoa̱s’enâjiìnânò; chítsejènânò ta̱nga mìkiì jcha̱xkon. 27 Koií kjoa̱âla̱ nga jñà xi̱ta̱ na̱xa̱ndá jè, kisìtájaàjiìn kjo̱hítsjeènâla̱, tsibíchjoàjto líkáâla̱, ti̱koa̱ tsibíchjoà xko̱n, méâne nga mìkiì skoe̱âne, mìkiì kji̱’nchré, ti̱koa̱ mìkiì kjoa̱s’enâjiìnâla̱; majìnâla̱ nga ‘a̱n fìt’aàâna nga sìndaàâna. 28 Jñò kàtasijiìnânò, na̱chrjein i̱’ndei̱, Nainá, ján tísíkasénâla̱ jñà xi mìtsà xi̱ta̱ judío, kjo̱ndaà jè, méâne nga ki̱tjokàjiìnâne kjo̱’in. Ko̱ jñà xi̱ta̱ koi, ko̱kjeiínâla̱. 29 K’e̱ nga jye o̱kitsò Pablo, jñà xi̱ta̱ judío, k’e̱ nga kiìâne, nguì tà tsohótiyaáâne ‘én xi tsibéno̱jmí Pablo. 30 Pablo, jò nó tsibìjna ni’ya xi kiskìña nga tsibíchjí. Ya̱á kisìs’inâla̱ ngats’iì xi̱ta̱ xi ijchòkon. 31 Kitjò’ndeâla̱ nga kiìchja̱ya kós’ín otíxoma Nainá ti̱koa̱ tsakóya i̱t’aà ts’e̱ Na̱’ènâná Jesucristo. Mì yá xi̱ta̱ tsatekjáyaâla̱.