2 Corintios 6

1 Ngaje̱n, xi Nainá nìxát’aàâla̱je̱n, bítsi’baânòje̱n, kjo̱ndaà xi tsjáânò Nainá, ndaà ti̱kjeén. 2 Nga jè Nainá, k’oa̱á tsò: Ki’nchrèâlè k’e̱ nga ndaà chi̱ba̱âla̱ kjòchjeénâlè kjo̱ndaàâna̱, tsohósi̱ko̱óâlè, jè na̱chrjein k’e̱ nga tíchiñáâla nga ki̱tjojiìn kjo̱’in. I̱’ndei̱, jñò, ndaà ti̱ná’yaà. Jyeé ijchò na̱chrjein ts’e̱ kjo̱ndaàâla̱ Nainá nga kítjokàjñoò kjo̱’in. 3 Ni̱mé kjoa̱ xi ch’o ’nèâje̱n xi síkits’ónâjiìnâla̱ xi̱ta̱ xi kj’ei̱í, méâne jè xáâla̱ Nainá xi ji̱n titsa̱’nèâje̱n mì yá xi ch’o ki̱chja̱jnoâla̱. 4 Ni̱ta̱ mé kjoa̱ xi ’nèâje̱n, ndaá onguíko̱âje̱n yijoânaje̱n méâne jñà xi̱ta̱ skoe̱âne nga chi̱’ndaâla̱ Nainá ‘mìânaje̱n, nga ‘ñó tjínânaje̱n kjoa̱tsetakòn, ‘ñó ndaà chíkjoa̱ko̱ânaje̱n kjoa̱ ts’e̱ kjo̱’in, ko̱ tíchijat’aàânaje̱n mé tsojmì xi ko̱chjeénânaje̱n, koa̱ chjá tímaânaje̱n kjoa̱ xi tíhotojiìnâje̱n, 5 nga tísat’éânaje̱n, nga nda̱yá tínìkjas’enânaje̱n, nga ngaje̱n binchaàtsjiâla̱je̱n kjoa̱siì na̱xa̱ndá, nga ‘ñó nìxáâje̱n, ko̱ mìkiì tsaféâje̱n, skanda bìtsa̱jna kjinchráânáje̱n. 6 Ta̱nga nguì tsjeé titsa̱nìjcháâje̱n yijoânaje̱n; ndaá machi̱yaânaje̱n ni̱ta̱ mé kjoa̱âne; tjínânaje̱n kjoa̱tsetakòn ko̱ kjo̱ndaà i̱t’aà ts’e̱ xi̱ta̱; ko̱ jè Ini̱ma̱ Tsjeèâla̱ Nainá tísíxájiìn ini̱ma̱ânaje̱n; ko̱ nguì ko̱ó ini̱ma̱ânaje̱n nga tjínânaje̱n kjoa̱tjòcha. 7 Bèno̱jmíâje̱n ‘én xi kixi̱ tjín. Tjínânaje̱n nga’ñóâla̱ Nainá. Jñà kjoa̱ kixi̱ xi ’nèâje̱n, k’oa̱á ngayaâla̱ koni jñà ki̱cha̱ xi ko̱ ngaskón ko̱ kixi̱ mochjeén. 8 Tjín xi̱ta̱ xi beèxkónânaje̱n, ti̱koa̱ tjín xi mìkiì beèxkónânaje̱n. Sakoa̱á ndaà chja̱ i̱t’aà tsa̱je̱n, sakoa̱á majìn. Tjín i’nga xi xi̱ta̱ ndiso tsòânaje̱n ta̱nga ngaje̱n ‘én kixi̱í nokjoáâje̱n. 9 Tjín i’nga xi k’oa̱s’ín síko̱ânaje̱n koni tsà mìkiì beèxkonânaje̱n, ta̱nga tjín xi beèxkonânaje̱n. K’oa̱á s’ín beèhikonânaje̱n koni tsà jyeé k’enâje̱n, ta̱nga titsa̱jnakonânáje̱n. Tsjáânaje̱n kjo̱’in jñà xi̱ta̱ ta̱nga mìkiì biyaàâje̱n. 10 K’oa̱á s’ín ko’anânaje̱n koni tsà ba tjínânaje̱n, ta̱nga ngaje̱n tsja tjínânaje̱n. Tsòânaje̱n nga xi̱ta̱ i̱ma̱âné, ta̱nga i̱t’aà tsa̱je̱n, kjìn jchán xi̱ta̱ tísakóâla̱ kjo̱ndaà ts’e̱ ini̱ma̱âla̱. Ni̱mé xi tjínânaje̱n, ta̱nga nguixko̱n Nainá, tjín yijeéânaje̱n ni̱ta̱ méâne. 11 Jñò ’ndseé xi Corinto tsa̱jòn, jyeé kinokjoà kixi̱ânòje̱n; nguì ko̱ó ini̱ma̱âna̱je̱n matsjachaânòje̱n. 12 Ngaje̱n, mìtsà bìxkonânòje̱n kó tsò kjo̱hítsjeènâla̱ ini̱ma̱ânaje̱n, jñòânó xi bìxkoòn kó tsò kjo̱hítsjeènâla̱ ini̱ma̱ânò. 13 K’oa̱á s’ín chjàânò koni tsà i̱xtiâna̱ xanânò, jñò, k’oa̱á ti̱s’ín t’e̱en koni s’ín ’nèâje̱n, nga ko̱ ini̱ma̱ânò ti̱tsjachaânáje̱n. 14 Jñò, xi mokjeiínânò i̱t’aà ts’e̱ Cristo, kì jñà xi̱ta̱ xi mìkiì mokjeiínâla̱ nìngásònâko̱ kjo̱hítsjeènânò. ¿A ko̱maá ko̱ngásònâko̱ jngoò xi̱ta̱ xi tjínâla̱ o̱kixi̱ ko̱ jngoò xi tsjìnâla̱ o̱kixi̱âla̱ Nainá? ¿A ko̱maá ya̱ ki̱tsa̱jnajñaá ñánda jñò choòn nga tjín kjoa̱ iseèn? 15 ¿A ko̱maá ndaà kji̱ko̱ xíkjín, jè Cristo ko̱ xi̱ta̱ nei̱í? Ti̱koa̱á mìkiì ko̱ma ndaà kji̱ko̱ xíkjín jngoò xi̱ta̱ xi mokjeiínâla̱ i̱t’aà ts’e̱ Cristo ko̱ jngoò xi mìkiì mokjeiínâla̱. 16 Mìkiì ko̱ma ya̱ sijnaya ni’ya i̱ngo̱âla̱ Nainá jñà xkósòn xi nainá tsòâla̱ xi̱ta̱. Nga jñáâná xi ‘mìâná ni’ya i̱ngo̱âla̱ Nainá xi tíjnakon. Koni s’ín kitsò Nainá i̱t’aà ts’e̱ xi̱ta̱ xi mokjeiínâla̱, tsòâné: ‘A̱n, ya̱á kóti̱jnakoa̱a na̱xa̱ndáâna̱, ti̱koa̱á ya̱á ko̱jmejiìnâla̱. ‘A̱nâná xi Nainá ki̱tso̱âna̱ koa̱ jñà ko̱ma xi̱ta̱ na̱xa̱ndáâna̱. 17 Nainá k’oa̱á kitsò nga kiìchja̱jiìnâla̱ xi̱ta̱ na̱xa̱ndáâla̱: Tìtjo̱kàjiìnâlà jñà xi̱ta̱ xi mìkiì mokjeiínâla̱ i̱t’aà ts’a̱n, koa̱ ti̱nchat’aàxìnâlà. Ni̱mé kjoa̱ chingàjñoò xi tjé tjín nga nguixkoaàn, méâne nga ‘a̱n ko̱ma skoétjòânò. 18 ‘A̱nâná xi skoétjòânò koni jngoò Na̱’èn, jñò ko̱ma ndí i̱xti x’i̱nâna̱ ko̱ ndí i̱xti íchjínâna̱, k’oa̱á tsò Na̱’ènâná xi ta jè ta̱jngoò xi ‘ñó tse nga’ñó tjínâla̱.