2 Corintios 4

1 Koií kjoa̱âla̱ ngaje̱n, mìkiì mahindaà ini̱ma̱âna̱je̱n nga jè Na̱’ènâná kjòhi̱ma̱keèânaje̱n nga xá ts’e̱ kisìnga̱tsjaânaje̱n. 2 Jyeé kichjaàxìnâje̱n jñà kjoa̱ ch’o xi tjí’ma, xi sísobàânaje̱n; mìkiì chona̱cha̱nâje̱n, ni̱ mìkiì nìkjatjìyaâla̱je̱n ‘énâla̱ Nainá. Nguì ‘én kixi̱ bèno̱jmíâje̱n, mejènânaje̱n nga nguixko̱n Nainá ngats’iì xi̱ta̱ kàteèxkon kjo̱hítsjeènânaje̱n kós’ín ’nèâje̱n. 3 Jè ‘én ndaàâla̱ Nainá xi kjoa̱ ts’e̱ Cristo xi nokjoàyaâje̱n, jñà xi̱ta̱ xi ya̱ tíchijajiìn kjoa̱ ts’e̱ jéâla̱, ta jñàâné xi tíjtsa’ma kjo̱hítsjeènâla̱ nga mìkiì fìyaâla̱. 4 Jè xi̱ta̱ nei̱í xi tíhotíxomaâla̱ i̱sò’nde na̱chrjein i̱’ndei̱, xi ko̱s’ín tíjna koni tsà nainá, jé bíchjoà xko̱n jñà xi̱ta̱ xi mìkiì mokjeiínâla̱ i̱t’aà ts’e̱ Cristo; nga jè bíjñò kjo̱hítsjeènâla̱, méâne nga mìkiì skoe̱âne kjoa̱hiseènâla̱ ‘én ndaàâla̱ Nainá xi kjoa̱ ts’e̱ Cristo xi ‘ñó jeya tíjna, nga jè Cristo xi okó kó kji xi nguì jè sobà Nainá. 5 Ngaje̱n, mìtsà tà i̱t’aà tsa̱je̱n nokjoàâje̱n k’e̱ nga bèno̱jmíyaâje̱n ‘énâla̱ Nainá; i̱t’aà ts’e̱é Jesucristo nokjoàâje̱n nga jè xi otíxomaâná. Ngaje̱n, tà chi̱’ndaá maâje̱n nga ngaje̱n nìxáânòje̱n, koiíâné nga matsjachaâje̱n Jesús. 6 Nainá, jè xi kitsò nga jè ni’ín kàtasíhiseèn i̱’nde ñánda jñò choòn, ti̱jèâné xi kisìhiseèn i̱jiìn ini̱ma̱ânaje̱n, méâne jñà xi̱ta̱ xi kj’ei̱í ko̱hiseènâla̱ nga skoe̱xkon kjoa̱ jeyaâla̱ Nainá koni s’ín ‘yaâla̱ ts’e̱ Cristo. 7 Kjo̱ndaà jè xi ‘ñó tse chjíâla̱, ya̱á tíjiìn yijoânaje̱n. Ta̱nga yijoânaje̱n k’oa̱á s’ín ngayaâla̱ koni ti̱jí ni’nde. Jè Nainá k’oa̱á s’ín kis’iìn méâne nga ‘yaâla̱ nga jè nga’ñó xi ‘ñó ndaà tísíxájiìn yijoâna̱je̱n, i̱t’aà ts’e̱ Nainá nchrobáâne; mìtsà i̱t’aà tsa̱je̱n nchrobáâne. 8 ‘Ãó kjìn maâne kjoa̱ xi tjínânaje̱n, ta̱nga maá ki̱tjokàjiìnâje̱n. Tjín kjoa̱ xi makájnoânaje̱n, ta̱nga mìkiì mahindaàâje̱n. 9 Fìtji̱ngui kondra̱áânaje̱n xi̱ta̱, ta̱nga Nainá mìkiì tsjeiìn takònânaje̱n; jñà xi̱ta̱ beètoònânaje̱n, ta̱nga mìkiì chíkjoa̱âla̱ nga síkjehesònânaje̱n. 10 Ni̱ta̱ ñándaâne nga onguíâje̱n, kjit’aà na̱chrjein mejènâla̱ si̱ìk’enânaje̱n xi̱ta̱ koni s’ín komàt’in Jesús; ta̱nga jè Nainá, jè xi mejènâla̱ nga i̱t’aà tsa̱je̱n kàta’yaâla̱ nga jè Jesús xi tísíkíjnakonânaje̱n. 11 Ngaje̱n xi titsa̱jnakonâje̱n, kjit’aà na̱chrjein tíjnat’aà chrañàâna̱je̱n kjoa̱biyaà xi jè nga̱tjìâla̱ Jesús, méâne jè yijoânaje̱n xi ma biyaà jcha̱âla̱ kjoa̱binachon ts’e̱ Jesús. 12 Ngaje̱n, kjo̱’iín titsa̱nìkjeiínâje̱n skanda mejènâla̱ xi̱ta̱ si̱ìk’enânaje̱n, ta̱nga jñò kjoa̱binachon tísakóânò. 13 K’oa̱á s’ín tíchja̱ Xo̱jo̱nâla̱ Nainá nga tsò: “Mokjeiínâna k’oa̱á maâne nga kichjà.” Ngaje̱n, k’oa̱á ti̱s’ín tjín ini̱ma̱ânaje̱n i̱t’aà ts’e̱ ‘én xi mokjeiínânaje̱n, k’oa̱á maâne nga nokjoáâje̱n. 14 Jè Nainá xi kisìkjaáyaâla̱ Na̱’ènâná Jesús i̱t’aà ts’e̱ kjoa̱biyaà, ‘yaânáje̱n nga ti̱koa̱á ki̱jchò na̱chrjein nga si̱ìkjaáyaânaje̱n koni s’ín jaáyaâla̱ Jesús. I̱kjoàn ngats’iaá kji̱ko̱âná ya̱ nguixko̱n Nainá. 15 Ngats’iì kjoa̱ koi, kjo̱ndaà tsa̱jònânò, méâne ìsa̱ kjìn ko̱maâne xi̱ta̱ xi tjoéâla̱ kjo̱ndaàâla̱ Nainá, nga ti̱koa̱ ìsa̱ jeya kíjna Nainá nga kjìn ma xi̱ta̱ xi tsjáâla̱ kjo̱ndaà. 16 K’oa̱á maâne mìkiì mahindaà ini̱ma̱ânaje̱n; kixi̱í kjoa̱ yijoânaje̱n tífehenguiâné; ta̱nga Nainá, na̱chrjein nchijòn tísíxi̱tse̱ya ini̱ma̱ânaje̱n. 17 Jè kjo̱’in xi nìkjeiínâje̱n i̱ i̱sò’nde, tà chibaá tjín. Tà jngoò tjò oto. Ta̱nga ya̱á sakóânaje̱n kjo̱ndaà xi ìsa̱ jeya tjín xi mìkiì fehet’aà ni̱ta̱ kjéâne. 18 Nga mìtsà jñà chìtsejènâla̱je̱n kjoa̱ xi tjín i̱sò’nde xi tsejèn, jñà chìtsejènâla̱je̱n xi mìkiì tsejèn xi ts’e̱ Nainá. Kjoa̱ xi tíma i̱ i̱sò’nde, kjoe̱het’aàâné, ta̱nga jñà kjoa̱ xi mìkiì tsejèn, mìkiì kjoe̱het’aà ni̱ta̱ kjéâne.