2 Corintios 13

1 Jè xi maâne jàn k’a nga kjíkonânò. K’oa̱á s’ín tíchja̱ Xo̱jo̱nâla̱ Nainá nga tsò: “K’e̱ nga tsà jngoò xi̱ta̱ mejènâla̱ ki̱ìndaàjiìn jngoò kjoa̱, jò ko̱ tsà jàn xi̱ta̱ ko̱chjeén xi ko̱ma tsjá ‘én nga xko̱n kijtseèâne kjoa̱ xi komà méâne nga jcha̱âla̱, a kixi̱í kjoa̱, o xi majìnâné." 2 K’oa̱á s’ín jye kixan kixi̱ânò k’e̱ nga ijchòkonânò xi maâne jò k’a, ko̱ i̱’ndei̱ na̱s’ín kjiìn tìjna̱a, k’oa̱á ti̱ xan ìjngoò k’aânò nga jñà xi jé tsohótsji nga sa̱ ítjòn ko̱ xi nchihótsji jé skanda i̱’ndei̱, mìkiì ko̱jnoâla̱ nga tsjaàâla̱ kjo̱’iín nga jngoò ìjngoò. 3 ‘A̱n, k’oa̱á s’iaàn méânè nga jcha̱ânò, a kixi̱í kjoa̱ nga ‘a̱n síkjeénâna Cristo nga chjàjiìnânò ‘énâla̱. Mìtsà indaàkjoa̱ Cristo; tjínâla̱ nga’ñó k’e̱ nga síxájiìn ini̱ma̱ânò. 4 Kixi̱í kjoa̱ jè Cristo, k’oa̱á s’ín k’enât’aà krò koni jngoò xi̱ta̱ xi tsjìnâla̱ nga’ñó. Ta̱nga i̱’ndei̱, nga’ñó ts’e̱ Nainá tíjnakonâne. Ngaje̱n, k’oa̱á ti̱s’ín indaàkjoa̱ titsa̱jnaâje̱n koni s’ín komàt’in Cristo, ta̱nga nga’ñó ts’e̱ Nainá ki̱tsa̱jnakonânaje̱n koni Cristo méâne nga ko̱ma si̱xáânòje̱n. 5 Jñò, chít’aà ini̱ma̱ânò, tsà kixi̱í kjoa̱ nga ndaà mokjeiínânò i̱t’aà ts’e̱ Nainá. Ndaà chít’aà ini̱ma̱ânò xi ti̱jñòânò. ¿A mìtsà tíjiìnânò nga Cristo tíjnajiìn ini̱ma̱ânò? Ta̱ jngoòâla tsà mìkiì tsatojioòn koni s’ín kichìt’aàânò. 6 Ta̱nga ‘a̱n, majngoò takoàn nga jcha̱á i̱t’aà tsa̱je̱n, ngaje̱n tsatojiìn yijeânáje̱n koni s’ín kichìt’aàânaje̱n. 7 Koií kjoa̱âla̱ bítsi’baâla̱je̱n Nainá nga ni̱mé jé ki̱nchátsjioò. Ta̱nga mìtsà koiâne nga jcha̱ânaje̱n nga ndaà bitjoâje̱n k’e̱ nga chìt’aàânaje̱n. Jèâné nga si̱kitasòn jñò kjoa̱ xi ndaà tjín, na̱s’ín k’oa̱s’ín kàta’yaâla̱ i̱t’aà tsa̱je̱n koni tsà mìkiì chíkjoa̱ânaje̱n kjoa̱ xi otojiìnâje̱n. 8 Mìkiì ko̱ma kondra̱ ki̱tsa̱jnaâla̱je̱n xi̱ta̱ xi síkitasòn kjoa̱kixi̱âla̱ Nainá. Ta̱ sa̱á k’oi̱âla̱je̱n nga’ñó. 9 Matsjaânaje̱n k’e̱ nga jñò tjínânò nga’ñó, na̱s’ín ngaje̱n ma indaàjiìnâje̱n. K’oa̱á maâne nga bìtsi’bàâla̱je̱n Nainá, méâne jñò ni̱mé kjo̱hítsjeèn chijat’aàânò. 10 Tìkjiìânò xo̱jo̱n jè k’e̱ nga tákó kjiìn tìjna̱aâìsa, méâne k’e̱ nga kìjchokonânò mì ti̱ k’oa̱á s’ín ‘ñó kichjàko̱ânò koni s’ín tjín kjo̱tíxoma xi kitsjaàâna Nainá. Nga Nainá mìtsà koi xá kitsjaàâna kjo̱tíxoma nga ‘a̱n síkits’ónâjiìnânò, jèâné nga ìsa̱ kixi̱ ki̱tsa̱jnako̱o ‘én xi mokjeiínânò. 11 Ndí ’ndsè ko̱ tichjaá, jè xi fehet’aàâne, tsja t’èâlà ini̱ma̱ânò; kixi̱ ti̱tsa̱jna; ti̱jetakòn xinguio̱o; tà jngoò kjo̱hítsjeèn kàtas’eânò, ’nchán ti̱tsa̱jnako̱o xinguio̱o. Nainá xi tjínâla̱ kjoa̱ ’nchán ko̱ xi tjínâla̱ kjoa̱tjòcha kàtìjnako̱ânò. 12 Nga nguì ko̱ó ini̱ma̱ânò ti̱ixat’aà xinguio̱o nga jngoò ìjngoò. 13 Ngats’iì xi̱ta̱âla̱ Nainá xi i̱ títsa̱jnako̱âna síhixat’aàânò. 14 Jè kjo̱ndaàâla̱ Jesucristo xi otíxomaâná, ko̱ kjoa̱tjòchaâla̱ Nainá, ko̱ Ini̱ma̱ Tsjeèâla̱ Nainá kàtìjnako̱ânò ngats’ioò. K’oa̱á s’ín kàtama.