1 Tesalonicenses 4

1 Ndí ’ndsè ko̱ ndí tichjaá, k’oa̱á s’ín tsakoòyaânòje̱n nga k’oa̱s’ín si̱jchá yijoânò koni s’ín sasénâla̱ Nainá. Ko̱ kixi̱í kjoa̱, jyeé ko̱s’ín titsa̱’nè. Ta̱nga i̱’ndei̱ bítsi’baânòje̱n ti̱koa̱ bìnèânòje̱n i̱t’aà ts’e̱ Jesús xi otíxomaâná nga ìsa̱ ‘ñó ndaà tjiìâlà nga’ñó yijoânò nga ko̱s’ín ti̱kitasòn. 2 Jyeé tíjiìnânò kó s’ín tjín kjo̱tíxoma xi kits’iìânòje̱n koni s’ín kitsjaàânaje̱n Jesucristo xi otíxomaâná. 3 Jè xi mejènâla̱ Nainá nga nguì tsjeè si̱jchá yijoânò, mì ti̱ kjoa̱ chijngui si̱s’inâlà. 4 Nga jngoò ìjngoòânò ti̱kinda̱a yijoânò; k’oa̱s’ín ti̱kjeén nga nguì tsjeè ti̱tsa̱jna koni s’ín sasénâla̱ Nainá. 5 Kì biì’ndeâlà nga síkijneânò jñà kjoa̱ ch’o xi síjé yijoânò koni s’ín jñà xi̱ta̱ xi mìkiì beèxkon Nainá. 6 Jñò xi ’ndseé chibá i̱t’aà ts’e̱ Cristo, kì k’oa̱á tjín kjoa̱ xi kaàjñoò méâne nga mì xinguio̱o chóna̱cha̱nâlà nga mì xinguio̱o jcha̱toòn. Tsà k’oa̱s’ín s’e̱en, kjo̱’iín tsjáânò Nainá. Jyeé k’oa̱s’ín tsibèno̱jmíânòje̱n. 7 Nainá mìtsà koi xá kiìchja̱âná nga ch’o s’e̱én, jè xi mejènâla̱ nga tsjeè ki̱tsa̱jnaá. 8 Jè xi ochrjekàngui kjoa̱ koi, mìtsà kjo̱hítsjeèn ts’e̱ xi̱ta̱ ochrjekàngui, kjo̱hítsjeèn ts’e̱ Nainá ochrjekàngui; nga jè xi tsjáânò Ini̱ma̱ Tsjeèâla̱. 9 Mìkiì mochjeén nga xo̱jo̱n skiìt’aàâìsaânò xi ts’e̱ kjoa̱tjòcha. Nainá jye tsakóyaânò kós’ín si̱tjòchaà xinguio̱o nga jngoò ìjngoò. 10 Jyeé ko̱s’ín titsa̱’nè nga matsjacha ngats’iì xi̱ta̱ xinguio̱o xi títsa̱jna kóho̱kji ya̱ nangui Macedonia. Ta̱nga k’oa̱á s’ín bìtsi’baânòje̱n nga ìsa̱ ndaà ti̱tsjacha xinguio̱o. 11 Tìnèâlà yijoânò nga ’nchán ti̱tsa̱jna, kì kjoa̱âla̱ xinguio̱o chingàjñoò, t’e̱en xáânò koni tjín xá xi maânò, koni s’ín jye ki’mìânòje̱n ngats’iì kjoa̱ koi. 12 Méâne nga skoe̱xkónânò jñà xi̱ta̱ xi mìkiì mokjeiínâla̱ ‘énâla̱ Nainá. Koa̱ jñò, ni̱mé chijat’aàânò. 13 Ndí ’ndsè ko̱ ndí tichjaá, mejènânaje̱n nga kàtasijiìnânò mé kjoa̱ xi mat’in jngoò xi̱ta̱ xi biyaà, méâne nga mì ko̱baáânò koni jñà xi̱ta̱ xi ni̱mé nchikoñaâla̱. 14 Koni s’ín mokjeiínâná nga Jesús k’en, i̱kjoàn jaáyaâla̱, k’oa̱ ti̱s’ín mokjeiínâná nga Nainá si̱ìkjaáyaâla̱ xi̱ta̱ xi jye k’en, jñà xi mokjeiínâla̱ i̱t’aà ts’e̱ Jesús. 15 Nga̱ koií ‘én bèno̱jmíyaâje̱n koni tsò ‘én xi tsibíjna Jesús nga jñá xi titsa̱jnakoaán skanda k’e̱ nga kjoi̱í ìjngoò k’a Na̱’ènâná Jesucristo, mìtsà jñá kjiín ítjònâlá jñà xi jye k’en. 16 Nga̱ jè sobà Na̱’ènâná ki̱tjojen ìjngoò k’aâne ngajmiì; ‘ñó ki̱chja̱ nga tsjá o̱kixi̱, ki̱ná’ya jngoòâla̱ jta̱ ts’e̱ àkja̱le̱ ítjòn, ko̱ ki̱ná’yaâla̱ chrjoâla̱ Nainá; i̱kjoàn jñà xi̱ta̱ xi jye k’en nga mokjeiínâla̱ i̱t’aà ts’e̱ Cristo, kjoa̱áya ítjònâla̱. 17 I̱kjoàn jñá xi tákó titsa̱jnakoaán jè na̱chrjein jè, ya̱á tjámijìnâtje̱nâkoa̱á i̱jiìn ifi nga kixokjoaá Nainá ya̱ i̱jiìn i̱sén. K’oa̱á s’ín ko̱ma nga ya̱ ki̱tsa̱jnakoa̱á Nainá ni̱ta̱ mé na̱chrjeinâne. 18 K’oa̱á maâne nga ti̱je takòn xinguio̱o nga tèno̱jmíyaâlà koni tsò jñà ‘én koi.