1 Pedro 1

1 ‘A̱n xi ‘mìâna̱ Pedro, nga ‘a̱n tsibíxáyaâna Jesucristo, sìhixat’aàânò ngats’ioò xi xó jaàjiìnânò Nainá nga mì ti̱ nanguiânò titsa̱jnaânò nga xki̱ xi ján na̱xa̱ndá kitsjohoya ya̱ nangui Ponto, Galacia, Capadocia, Asia ko̱ Bitinia; 2 jñò xi xó kitjaàjiìnânò, koni s’ín jye tjíndaàâla̱ xi kjo̱hítsjeènâla̱ Nainá xi Na̱’ènâná ma, nga jè Ini̱ma̱ Tsjeèâla̱ k’oa̱á s’ín kisìko̱ânò nga nguì xi̱ta̱âla̱ Nainá ma, méâne nga si̱kitasònâlà Jesucristo ko̱ méâne ma xíxteènâjnoânò jníâla̱ nga matsjeèya ini̱ma̱ânò kjoa̱ ts’e̱ jéânò. Tseé kjo̱ndaà ko̱ kjoa̱’nchán kàtas’eâla̱ ini̱ma̱ânò. 3 Jeya kàtìjna Nainá xi Na̱’ènâla̱ Jesucristo xi otíxomaâná. ‘Ãó tse kjoa̱hi̱ma̱takòn tjínâla̱: koni s’ín jaáyaâla̱ Jesucristo kjoa̱ ts’e̱ kjoa̱biyaà, k’oa̱á kisìko̱âná Nainá nga kits’in xi̱tse̱ ìjngoò k’aá méâne nga kjit’aà na̱chrjein chíñakjoa̱á 4 nga tsjáâná kjo̱tjò xi jè tíjnatjòâla̱ ján ngajmiì, kjo̱tjò xi mìkiì bits’on ni̱ta̱ kjéâne, mìkiì bi’ndo ko̱ mìkiì bixòña. Kjo̱tjò jè, jñá tjoéâná. 5 Ta nga̱tjìâla̱ nga mokjeiínâná i̱t’aà ts’e̱ Nainá, jè nga’ñóâla̱ síkinda̱âná skanda k’e̱ nga ki̱tjokàjñaá kjo̱’in koni s’ín tjíndaàâla̱ Nainá k’e̱ nga jye kjoe̱het’aà na̱chrjein. 6 Koií kjoa̱âla̱, jñò, ‘ñó tsja tjínânò, na̱s’ín tjín i’nga na̱chrjein nga makájnoânò nga kjìn ska̱ya kjo̱’in nìkjioón. 7 K’oa̱á maâne nga kjo̱’in nìkjioón nga ma chít’aàânò tsà ndaà mokjeiínânò. K’oa̱á ngayaâla̱ koni jè oro, mochjeénâné nga ko̱ ni’ín ko̱tsjeèyaâne. Ko̱ jè kjoa̱ nga mokjeiínânò ìsa̱á ‘ñó chjíâla̱ mì k’oa̱áâne koni jè oro xi bits’ónâya. Jñò, k’e̱ nga jye chít’aàânò koni s’ín mokjeiínânò, jeyaá ki̱tsa̱jnaà, ’ngaá ki̱tsa̱jnaà ko̱ jcha̱xkónânò k’e̱ nga kjoi̱í ìjngoò k’a Jesucristo. 8 Jñò, matsjachaânò Jesucristo, na̱s’ín mìkiì kiyaxkoòn. Mokjeiínânò i̱t’aà ts’e̱, na̱s’ín mìkiì titsa̱’yaà. ‘Ãó tsja maânò skanda tsjìn ‘én xi ma s’e̱no̱jmí nga ‘ñó tjínânò kjo̱tsja. 9 Koií kjoa̱âla̱ nga matsjaânò nga jye titsa̱bitjokàjñoò kjo̱’in ta nga̱tjìâla̱ nga mokjeiínânò i̱t’aà ts’e̱ Cristo. 10 Jè kjoa̱ nga bitjokàjñoò kjo̱’in, jñà xi̱ta̱ xi kiìchja̱ ngajoâla̱ Nainá kjòtseé, kiskoòta’yàko̱âné ti̱koa̱á kiskònanguiyaâné, i̱kjoàn kiìchja̱ya jè kjo̱ndaà xi tsjáânò Nainá. 11 Jñà xi̱ta̱ koi, jè Ini̱ma̱âla̱ Cristo kisìkichi̱ya ítjònâla̱ mé kjo̱’in xi si̱ìkjeiín Cristo ko̱ kjoa̱ jeya xi s’e̱âla̱ k’e̱ nga ko̱ma i̱skan. Kiskònanguiyaâné mé na̱chrjeinâne nga k’oa̱s’ín ko̱mat’in koa̱ kós’ín ko̱ma. 12 Ta̱nga jè Nainá kisìkichi̱yaâla̱ nga mìtsà kjo̱ndaà ts’e̱ nga ko̱s’ín kis’eno̱jmíâla̱ ‘én koi; kjo̱ndaà tsa̱jònânò. Ko̱ jñà ‘én koi, ti̱jñàâne ‘én ndaàâla̱ Nainá xi kjoa̱ ts’e̱ Cristo xi tís’eno̱jmíânò na̱chrjein i̱’ndei̱. Nga ti̱jéâne Ini̱ma̱ Tsjeèâla̱ Nainá xi ngajmiì nchrobáâne tsjáâla̱ nga’ñó jñà xi̱ta̱ xi béno̱jmíânò. Skanda jñà àkja̱le̱, mejènâla̱ skoe̱ kjoa̱ koi. 13 Koií kjoa̱âla̱ jñò, titsa̱jnandaà, ndaà ti̱kítsjeèn, nguì ndaà chíñakjoa̱âlà kjo̱ndaà xi tjoéânò k’e̱ nga kjoi̱í ìjngoò k’a Jesucristo. 14 K’oa̱s’ín ndaà ti̱jchá yijoânò koni i̱xti xi ndaà ’nchréñijon. Kì k’oa̱ ti̱s’ín ’nèânò koni s’ín ki’nè nga sa̱ ítjòn nga ch’o tjín kjoa̱ xi kisìjé yijoânò k’e̱ nga ti̱kj’eè ndaà yaxkoòn Nainá. 15 Ta̱ sa̱á tsjeè ti̱jchá yijoânò ngats’iì kjoa̱ xi ’nè, nga jè Nainá xi xó kiìchja̱ânò, xi̱ta̱ tsjeèâné. 16 Nga jè Xo̱jo̱nâla̱ Nainá, k’oa̱á s’ín tíchja̱ nga tsò: “Jñò, xi̱ta̱ tsjeè kàtama, nga ‘a̱n, xi̱ta̱ tsjeèâná." 17 Jñò, tsà Na̱’èn ‘mìâlà Nainá xi ta ngásòn tífìko̱ ngats’iì xi̱ta̱ k’e̱ nga bìndaàjiìnâla̱ ni̱ta̱ mé kjoa̱ xi s’ín, mochjeénâné nga kjit’aà na̱chrjein ndaà jcha̱xkón nga i̱ titsa̱jnaà i̱sò’nde nga mìtsà i̱ nanguiânò. 18 Jñò, jyeé ndaà tíjiìnânò nga mìtsà tsojmì xi maâla̱ bits’on kjòchjítjìânò nga ma titsa̱jnandei̱íânò ngats’iì kjoa̱ ch’o xi ni̱mé chjíâla̱ koni s’ín tsakóânò xi̱ta̱ jchíngaânò. Mìtsà to̱n oro ko̱ to̱n plata kjòchjítjìânò. 19 Jè jníâla̱ Cristo xi ‘ñó tse chjíâla̱ kjòchjítjìânò. Cristo kitsjaà kjo̱tjò yijoâla̱ nga k’enât’aà krò koni jngoò orrè xi tsjeè kji, xi ni̱mé ch’in tjít’aà yijoâla̱. 20 Ti̱k’e̱âne nga ti̱kj’eè sindaà i̱sò’nde, Cristo, k’oa̱á s’ín kisinèâla̱ kjoa̱ xi si̱ìkitasòn. Ta̱nga jè na̱chrjein xi titsa̱jnaá i̱’ndei̱ ki’yaâla̱ nga j’iì Cristo nga kisìkitasòn kjoa̱ xi kisinèâla̱ xi kjo̱ndaà tsa̱jòn. 21 Xi i̱t’aà ts’e̱ Cristo, jñò mokjeiínânò i̱t’aà ts’e̱ Nainá; nga jè kisìkjaáyaâla̱ i̱t’aà ts’e̱ kjoa̱biyaà, ti̱koa̱ kitsjaàâla̱ kjoa̱ jeya; k’oa̱á maâne nga mokjeiínânò ko̱ chiñà nga si̱ìkitasòn Nainá koni s’ín kitsjaàânò tso’ba. 22 Jè ini̱ma̱ânò, jyeé kjòtsjeè, koií kjoa̱âla̱ nga nìkitasòn koni tsò ‘én kixi̱âla̱ Nainá méâne nga kixi̱ si̱tjòchaà xinguio̱o. K’oa̱á maâne nga mochjeénâné nga ‘ñó ndaà ti̱tsjacha xinguio̱o nga tsjeè tjín ini̱ma̱ânò. 23 Jñò, ìjngoò k’a kits’iìn xi̱tse̱ ìjngoò k’aânò. Ta̱nga mìtsà tje̱âla̱ xi̱ta̱ xi biyaà kits’iìnânò, jè tje̱âla̱ Nainá xi mìkiì biyaà kits’iìnânò. Nga̱ jè ‘énâla̱ Nainá xi tíjnakon ko̱ xi mìkiì fehet’aà ni̱ta̱ kjéâne kits’iìn ìjngoò k’aânò. 24 Nga k’oa̱á s’ín tíchja̱ Xo̱jo̱nâla̱ Nainá nga tsò: Ngats’iì xi̱ta̱, k’oa̱á s’ín ngayaâla̱ koni xka̱ ijñá; kjoa̱jeyaâla̱ xi̱ta̱, k’oa̱á s’ín ngayaâla̱ koni naxóâla̱ xka̱ ijñá; jñà xka̱ ijñá, xìâné; i̱kjoàn bixòjen naxóâla̱. 25 Ta̱nga jè ‘énâla̱ Nainá tíjnaâné ni̱ta̱ kjéâne. ‘Ãn jè, jè ‘én ndaàâla̱ Nainá xi kjoa̱ ts’e̱ Cristo xi jye kis’eno̱jmíânò.