1 Corintios 2

1 Ndí ’ndsè ko̱ tichjaá, k’e̱ nga kiìkonânò nga tsibeno̱jmíânò ‘énâla̱ Nainá, mìtsà koi ‘én kichjàânò xi maxkónâla̱ xi̱ta̱ k’e̱ nga ’nchré ko̱ xi tsòâla̱ nga ‘énâla̱ xi̱ta̱ chji̱ne̱. 2 K’e̱ nga tsohóti̱jnako̱ânò, k’oa̱á s’ín kiskoòsònâla̱; mìtsà mé kjoa̱ xi kj’ei̱í kisìkítsjeèn; nguì tà ‘énâla̱ Jesucristo tsibeno̱jmíânò, nga jèâné xi krò k’enât’aà. 3 K’e̱ nga ijchò kèno̱jmíânò ‘énâla̱ Nainá, indaàkjoa̱á ijchoa. Titsakjoònâná skanda tíhotséâná. 4 K’e̱ nga kichjàyajiìnânò mìtsà ‘énâla̱ xi̱ta̱ chji̱ne̱ kisìkjeén méâne nga ko̱kjeiínânò. Ta sa̱á jè Ini̱ma̱ Tsjeèâla̱ Nainá tsakó nga’ñóâla̱ nga kòkjeiínânò. 5 Méâne jè kjoa̱ xi mokjeiínânò i̱t’aà ts’e̱ Cristo, mìtsà ya̱ nchrobáâne kjoa̱ chji̱ne̱âla̱ xi̱ta̱, ya̱á nchrobáâne nga’ñóâla̱ Nainá. 6 Kixi̱í kjoa̱ ‘én chji̱ne̱é nokjoàyaâla̱je̱n jñà xi̱ta̱ xi jye tímajchínga nga mokjeiínâla̱ i̱t’aà ts’e̱ Cristo. Ta̱nga mìtsà kjoa̱ chji̱ne̱ ts’e̱ i̱sò’nde nokjoàyaâje̱n, ni̱ mìtsà ts’e̱ xi̱ta̱ ítjòn xi tjín i̱sò’nde xi jye tíchija nga’ñóâla̱. 7 ‘Ãn xi nokjoàyaâje̱n, kjoa̱ chji̱ne̱ ts’e̱ Naináâné, jè kjoa̱chji̱ne̱ xi tjí’maâla̱ xi k’oa̱s’ín kiskoòsònâla̱ skanda ti̱sa̱ kjòtseé nga jñá jeya ki̱tsa̱jnaá. 8 Ni̱jngoò xi̱ta̱ ítjòn xi tjín i̱sò’nde kjòchi̱yaâla̱ i̱t’aà ts’e̱ kjoa̱ chji̱ne̱ koi. Tsà kjòchi̱yaâla̱, mìâlà kiì k’oa̱s’ín krò kisìk’enât’aà Na̱’ènâná Jesucristo xi tjínâla̱ kjoa̱ jeya. 9 Xo̱jo̱nâla̱ Nainá, k’oa̱á s’ín tíchja̱ nga tsò: Jñà xi̱ta̱ xi matsjakeè Nainá, jè tjíndaàâla̱ kjoa̱ xi ni̱ sa̱á jngoò xi̱ta̱ xi xko̱n beèâne, xi líkáâla̱ ’nchréâne xi ko̱ ini̱ma̱âla̱ machi̱yaâla̱. 10 Nainá, i̱t’aà ts’e̱ Ini̱ma̱ Tsjeèâla̱ tsakóânaje̱n kjoa̱ koi. Nga̱ jè Ini̱ma̱ Tsjeèâla̱ Nainá ótsjiya yijeâné skanda jñà kjoa̱ xi mìkiì ndaà fìyaâná i̱t’aà ts’e̱ Nainá. 11 ¿Yá xi̱ta̱âne xi machi̱yaâla̱ kó tsò kjo̱hítsjeèn xi tíjiìn ini̱ma̱âla̱ xi̱ta̱ xi kj’ei̱í? Tà jè tíjiìn ini̱ma̱âla̱ kó tsò kjo̱hítsjeènâla̱. K’oa̱á ti̱s’ín tjín kjoa̱ ts’e̱ Nainá, ni̱jngoò xi̱ta̱ tíjiìnâla̱ kó tsò kjo̱hítsjeènâla̱ Nainá; ta̱ jè Ini̱ma̱ Tsjeèâla̱ tíjiìnâla̱. 12 Ngaje̱n, mìtsà jè ini̱ma̱âla̱ xi̱ta̱ i̱sò’nde kitjoéânaje̱n. Jè Ini̱ma̱ Tsjeèâla̱ Nainá kitjoéânaje̱n, méâne nga jcha̱ânaje̱n kjoa̱ xi Nainá kitsjaà kjo̱tjòâná. 13 ‘Ãn koi, k’oa̱á s’ín nokjoàâje̱n koni s’ín okóyaânaje̱n Ini̱ma̱ Tsjeèâla̱ Nainá. Mìtsà kjo̱hítsjeèn ts’e̱ xi̱ta̱ i̱sò’nde. ‘Ãn Tsjeèâla̱ Nainá bèno̱jmíâje̱n xi kjoa̱ ts’e̱ Ini̱ma̱ Tsjeèâla̱. 14 Jè xi mìtsà xi̱ta̱âla̱ Cristo, mìkiì machi̱yaâla̱ ‘én xi ts’e̱ Ini̱ma̱ Tsjeèâla̱ Nainá. Tà kjoa̱ ská maâla̱. Mìkiì fahas’enâjiìnâla̱, nga mochjeénâné nga i̱t’aà ts’e̱ Ini̱ma̱ Tsjeèâla̱ Nainá ki̱nchátsjiyaá. 15 Ta̱nga jè xi̱ta̱ xi Ini̱ma̱ Tsjeèâla̱ Nainá tíjnajiìn ini̱ma̱âla̱, maáâla̱ ótsjiya yije ni̱ta̱ mé kjoa̱âne. Ta̱nga i̱t’aà ts’e̱ xi̱ta̱ jè, mì yá xi̱ta̱ xi ko̱maâla̱ ko̱hótsjiya kjo̱hítsjeènâla̱. 16 K’oa̱á s’ín tíchja̱ Xo̱jo̱nâla̱ Nainá nga tsò: “¿Yáâné xi beè kjo̱hítsjeènâla̱ Nainá? ¿Yáâné xi ko̱ma ko̱kòyaâla̱?” Ta̱nga jñá tjínâná kjo̱hítsjeèn xi ts’e̱ Cristo.