1 Corintios 14

1 Jè kjoa̱tjòcha tanguítji̱nguiâlà; ti̱koa̱ mochjeénâné nga ti̱nchátsjioò jñà kjoa̱chji̱ne̱ xi tsjá Ini̱ma̱ Tsjeèâla̱ Nainá. Ko̱ jè xi ìsa̱ ‘ñó mochjeén nga ki̱nókjoa̱ ngajoâlà Nainá. 2 Jngoò xi̱ta̱ xi kj’ei̱í tsò ‘én xi chja̱, mìtsà ta̱xki̱ xi̱ta̱ tíchja̱âla̱; Nainá tíchja̱t’aàâla̱. Nga̱ mì yá xi̱ta̱ fìyaâla̱ kó tsò ‘én xi tíchja̱. Jñà ‘én xi chja̱, ts’e̱é Ini̱ma̱ Tsjeèâla̱ Nainá nga tíchja̱’maâné. 3 Ta̱nga jè xi̱ta̱ xi chja̱ ngajoâla̱ Nainá, jñà xi̱ta̱ na̱xa̱ndáâla̱ Nainá chja̱jiìnâla̱, méâne nga ìsa̱ ndaà ko̱maâla̱, ìsa̱ ndaà ko̱’ñójiìnâne kjo̱hítsjeènâla̱ koa̱ ìsa̱ ndaà si̱ìje takònâne xi̱ta̱ na̱xa̱ndáâla̱ Nainá. 4 Jè xi̱ta̱ xi chja̱ ‘én xi kj’ei̱í tsò xi mì yá xi̱ta̱ fìyaâla̱, ti̱ yijoâla̱á tsjá nga’ñóâla̱. Ta̱nga jè xi chja̱ ngajoâla̱ Nainá, jñà xi̱ta̱ na̱xa̱ndáâla̱ Cristo tsjáâla̱ nga’ñó. 5 ‘A̱n, k’oa̱á s’ín mejènâna tsà ngats’ioò ko̱maânò ki̱nókjoa̱a ‘én xi kj’ei̱í tsò xi mì yá xi̱ta̱ fìyaâla̱. Ta̱nga ìsa̱áâla ndaà tjín tsà ko̱maânò ki̱nókjoa̱ ngajoâlà Nainá. Jè xi Nainá chja̱ ngajoâla̱ ìsa̱á ‘ñó chjíâla̱ mì k’oa̱âne koni jè xi chja̱ ‘én xi kj’ei̱í tsò. Ta jngoóâla tsà tjín xi̱ta̱ xi ko̱maâla̱ si̱ìkatoya ‘én xi kj’ei̱í tsò méâne ìsa̱ ndaà s’e̱âla̱ nga’ñó xi̱ta̱ na̱xa̱ndáâla̱ Cristo. 6 Ndí ’ndsè ko̱ tichjaá k’oa̱á ngayaâla̱ tsà ‘a̱n mejènâna kjíkonânò, tsà kj’ei̱í tsò ‘én xi kichjàko̱ânò xi mìkiì na’yàâlà, kós’ín ko̱chjeénânò. Ta jéâla tsà ‘énâla̱ Nainá sikíchi̱yaânò, tsà kèno̱jmí chibaânò kjo̱hítsjeèn xi ndaà tsò, tsà kichjàjiìnânò ‘én kixi̱, ko̱ kokoòyaânò ‘én xi ndaà tsò. 7 Jñà chrjoâla̱ música ko̱ ní’ñó xi tíhone tsà ngásòn kjo̱ne, ¿kós’ín jcha̱âla̱ ñáâla̱á xi tíhone nga tà ngásòn tsò? 8 Tsà jè chrjo trompetaâla̱ xi̱ta̱ kjo̱jchán, tsà mìkiì ndaà ski̱ndàya, ¿yá xi̱ta̱ xi kítsa̱jnandaà nga kjoi̱ kjo̱jchán? 9 Jñò, k’oa̱á ti̱s’ín mat’ioòn tsà mìtsà ‘én tsa̱jòn ki̱nókjoa̱a nga kji̱yaâla̱ xi̱ta̱, ¿kó s’ín ki̱ná’yaâla̱ mé ‘én xi titsa̱nokjoà? Tà i̱jiìn i̱sénâla titsa̱nokjoà. 10 Kjìn jchán sko̱ya ‘én tjín nga tíjtsa i̱sò’nde, ta̱nga ngats’iì ‘én tjínâla̱ kjo̱hítsjeèn kó tsòyaâne nga jngoò ìjngoò sko̱ya. 11 ‘A̱n, tsà mìkiì fìyaâna kó tsò ‘én xi tíchja̱ jngoò xi̱ta̱, xi̱ta̱ xìn nanguií ko̱maâna. Ko̱ jè xi̱ta̱ xi tíchja̱, k’oa̱á ti̱ ko̱maâla̱ i̱t’aà ts’a̱n koni xìn nanguií i̱’ndeâna̱. 12 Jñò, nga mejènânò jñà kjoa̱chji̱ne̱ xi tsjá Ini̱ma̱ Tsjeèâla̱ Nainá, mochjeénâné nga ìsa̱ ndaà ti̱nchátsjioò jñà kjoa̱chji̱ne̱ xi ko̱ma ndaà si̱chját’aàâla̱ na̱xa̱ndáâla̱ Cristo méâne nga ìsa̱ tse nga’ñó s’e̱âla̱. 13 K’oa̱á maâne jè xi̱ta̱ xi kj’ei̱í tsò ‘én xi chja̱ xi mì yá xi̱ta̱ fìyaâla̱, kàtasíjét’aàâla̱ Nainá nga kàtatsjáâla̱ kjoa̱chji̱ne̱ méâne ko̱ma si̱ìkatoyaâne ‘én xi chja̱. 14 ‘A̱n, k’e̱ nga chjàt’aàâla̱ Nainá nga kj’ei̱í tsò ‘én xi tìchjà xi mìkiì fìyaâna, tà jè tíchja̱ Ini̱ma̱ Tsjeèâla̱ Nainá xi tíjnajiìn ini̱ma̱âna̱. Ta̱nga jè kjo̱hítsjeènâna̱, ni̱mé kjo̱ndaà sa̱kòâla̱ nga mìkiì fìyaâna kó s’ín tìchjà. 15 ‘A̱n, ¿mé xi s’iaàn? Mochjeénâné nga kichjàt’aàâla̱ Nainá ‘én xi bíjiìn ini̱ma̱âna̱ Ini̱ma̱ Tsjeèâla̱ Nainá. Ti̱koa̱á mochjeénâné nga kichjàkoa̱a Nainá ‘én xi ndaà fìyaâna. K’e̱ nga seè, ti̱koa̱á mochjeénâné nga seè sò xi bíjiìn ini̱ma̱âna̱ Ini̱ma̱ Tsjeèâla̱ Nainá. Ta̱nga ti̱koa̱á mochjeén nga seè sò xi ndaà fìyaâna. 16 K’e̱ nga jeya nìkíjni Nainá, tsà tà jñà ‘én nokjoì xi bíjiìn ini̱ma̱âlè Ini̱ma̱ Tsjeèâla̱ Nainá, tsà kji̱’nchréâla̱ ‘énâlè jñà xi̱ta̱ xi mìkiì fìyaâla̱, mìkiì ko̱ma ki̱tso̱: “K’oa̱á s’ín kàtama”, nga mìkiì fìyaâla̱ kó tsò ‘én xi nokjoì. 17 O̱kixi̱âné, kjo̱ndaà xi tì’biìâla̱ Nainá, ndaà tjín, ta̱nga jñà xi̱ta̱ xi i’nga, nì mé nga’ñó tísakóâla̱ nga mìkiì fìyaâla̱. 18 ‘A̱n, tsjaàâla̱ kjo̱ndaà Nainá nga ìsa̱á ndaà maâna chjà ‘én xi mì yá xi̱ta̱ fìyaâla̱ mì k’oa̱âne koni jñò. 19 Ta̱nga k’e̱ nga ya̱ tìjna̱jiìnâla̱ xi̱ta̱ na̱xa̱ndáâla̱ Cristo, ìsa̱á ndaà tjín tsà tà ‘òn ‘én kichjà xi tjínâla̱ kjo̱hítsjeèn nga kokoòyaâla̱ xi̱ta̱, mì k’oa̱âne tsà te jmiì ‘én kichjà xi kj’ei̱í tsò xi mìkiì ’nchréyaâla̱ xi̱ta̱. 20 Ndí ’ndsè ko̱ tichjaá, kì k’oa̱á s’ín nìkítsjeèn koni i̱xti. Ta̱nga ts’e̱ kjoa̱ xi ch’o tjín, k’oa̱á s’ín t’e̱en koni i̱xti xi kj’eè ndaà machi̱yaâla̱. Ta̱nga i̱t’aà ts’e̱ kjo̱hítsjeènânò, k’oa̱á s’ín t’e̱en koni xi̱ta̱ xi jye ndaà machi̱yaâla̱. 21 Xo̱jo̱nâla̱ Nainá k’oa̱á s’ín tíchja̱ nga tsò: “Nga kichjàâla̱ na̱xa̱ndáâna̱, xi̱ta̱ xìn nanguií sìkjeén xi kj’ei̱í ‘én chja̱ nga ko̱ma ki̱chja̱âla̱. Ta̱nga na̱s’ín k’oa̱s’ín s’iaàn mìkiì kji̱’nchréñijonâna, tsò Na̱’ènâná." 22 K’e̱ nga nokjoá ‘én xi kj’ei̱í tsò xi mì yá xi̱ta̱ fìyaâla̱, kjo̱xkón okóâla̱ Nainá jñà xi̱ta̱ xi mìkiì mokjeiínâla̱, mìtsà ts’e̱ xi̱ta̱ xi mokjeiínâla̱. Ta̱nga k’e̱ nga nokjoà ngajoâlá Nainá, ts’e̱é xi̱ta̱ xi mokjeiínâla̱, mìtsà ts’e̱ xi̱ta̱ xi mìkiì mokjeiínâla̱. 23 Jñà xi̱ta̱ na̱xa̱ndáâla̱ Cristo k’e̱ nga maxkóya, tsà ngats’iì nga kj’ei̱í ‘én ki̱chja̱ xi mì yá xi̱ta̱ fìyaâla̱, tsà kjoa̱has’en jngoò xi̱ta̱ xi ta̱xki̱ xi̱ta̱ xi mìkiì mokjeiínâla̱ ‘énâla̱ Nainá, ki̱tso̱âné: “Jñá xi̱ta̱ koi, xi̱ta̱ skáâné." 24 Ta̱nga tsà ngats’ioò nga ‘énâla̱ Nainá titsa̱nokjoáya ngajoâlá, tsà kjoa̱has’en jngoò xi ta̱xki̱ xi̱ta̱ xi mìkiì mokjeiínâla̱ ‘énâla̱ Nainá, k’e̱ nga kji̱’nchréânò, ko̱kjeiínâla̱ ko̱ ko̱chi̱yaáâla̱ nga xi̱ta̱ jéâné. 25 Jè kjoa̱ xi tíjna’ma i̱jiìn ini̱ma̱âla̱, jcha̱áâla̱; ko̱ jè xi̱ta̱, ko̱si̱jna-xkó’nchiâla̱ Nainá nga skoe̱xkón; ko̱kjeiínâla̱ nga kixi̱ kjoa̱ nga ya̱ tíjnajiìnânò Nainá. 26 Jñò ndí ’ndsè ko̱ tichjaá, ¿kó s’ín fìyaânò jñà ‘én koi? Tsòyaáâne, k’e̱ nga maxkóya nga jeya nìkíjna Nainá, tjín i’nga xi̱ta̱ xinguio̱o xi seèâla̱ Nainá; tjín i’nga xi maâla̱ okóya ‘énâla̱ Nainá; tjín xi maâla̱ béno̱jmí ‘én xi jye tsakóâla̱ Nainá; tjín xi chja̱ ‘én xi kj’ei̱í tsò xi mì yá xi̱ta̱ fìyaâla̱; ti̱koa̱á tjín xi maâla̱ síkatoya ‘én xi kj’ei̱í tsò. Ngats’iì xá koi, k’oa̱á s’ín kàtabitasòn méâne nga ìsa̱ ndaà s’e̱âla̱ nga’ñó ini̱ma̱âla̱ jñà xi̱ta̱ na̱xa̱ndáâla̱ Nainá. 27 Tsà tjín xi̱ta̱ xi maâla̱ chja̱ ‘én xi kj’ei̱í tsò xi mì yá xi̱ta̱ fìyaâla̱, tà jò ko̱ tsà jàn ki̱chja̱; ta̱nga ta ìjngoò ìjngoò ki̱chja̱; ko̱ jngoò xi si̱ìkatoya ‘én koi. 28 Tsà tsjìn xi̱ta̱ xi maâla̱ síkatoya, tà jyò kàtìtsa̱jna nga nguixko̱n na̱xa̱ndáâla̱ Cristo, ti̱koa̱áâne tà i̱jiìn ini̱ma̱âla̱ kàtìchja̱ko̱ Nainá. 29 K’oa̱á ti̱s’ín tjín ts’e̱ xi̱ta̱ xi chja̱ ngajoâla̱ Nainá, tà jòâne ko̱ tsà jàn xi ki̱chja̱. Jñà xi̱ta̱ xi i’nga, tà kji̱’nchréâné; ta si̱ìngásònâkjoòâné a ndaà tjín, o xi majìnâné. 30 Jñà xi̱ta̱ xi títsa̱jna, tsà ki̱tjokàjiìn jngoò xi̱ta̱ xi Nainá si̱ìkíchi̱yaâla̱ ‘én xi mejènâla̱ nga ki̱chja̱, jè xi̱ta̱ xi tíchja̱ya ti̱koa̱áâne ta jyò kàtìjna, kàtatsjá’ndeâla̱ nga jè kàtìchja̱. 31 K’oa̱á maâne, ngats’ioò xi maânò nokjoà ngajoâlà Nainá ko̱maá ki̱nókjoa̱a nga ìjngoò ìjngoòânò méâne nga ìsa̱ ndaà ko̱maânò ko̱ ìsa̱ ndaà ko̱tsjaânò ngats’ioò. 32 Jñà xi̱ta̱ xi maâla̱ chja̱ ngajoâla̱ Nainá, mochjeénâné nga ti̱jñà skósònâla̱ kós’ín ki̱chja̱. 33 Nga Nainá, jè xi mejènâla̱ nga s’e̱ kjoa̱’nchán, majìnâla̱ nga kjoa̱siì s’e̱. Jñà íchjín, jyò kàtìtsa̱jna, koni ma ngats’iì na̱xa̱ndáâla̱ Cristo ñánda maxkóya xi̱ta̱âla̱; mìkiì tjí’nde nga ki̱chja̱; ndaà kàta’nchréñijon koni s’ín tíchja̱ kjo̱tíxoma. 35 Tsà mé kjoa̱ xi mejènâla̱ nga skoe̱, ya̱á ni’yaâla̱ kàtakjònanguiâla̱ x’i̱nâla̱. Mìkiì ndaà tjín tsà jngoò chjo̱ón ki̱chja̱jiìn ñánda maxkóya xi̱ta̱ na̱xa̱ndáâla̱ Nainá. 36 ¿A k’oa̱á s’ín nìkítsjeèn nga ta i̱t’aà tsa̱jòn kisindaà ‘énâla̱ Nainá? ¿A k’oa̱á maânò tsà ta jñòânó xi kitjoéânò? 37 Tsà tjín i’nga xi̱ta̱ xinguio̱o xi k’oa̱s’ín síkítsjeèn nga maâla̱ chja̱ ngajoâla̱ Nainá, o xi ndaà machi̱yaâla̱ kjo̱hítsjeènâla̱ Ini̱ma̱ Tsjeèâla̱ Nainá, k’oa̱s’ín kàtakixi̱yaâla̱ nga jñà ‘én xi tìkjiìânò, kjo̱tíxoma ts’e̱é Na̱’ènâná. 38 Tsà tjín xi̱ta̱ xi mìkiì sasénâla̱ koni s’ín okoòyaânò, ti̱koa̱á Nainá mìkiì sasén takòn xi̱ta̱ jè. 39 Ndí ’ndsè ko̱ tichjaá, k’oa̱á s’ín ‘ñó ti̱nchátsjioò nga ti̱nókjoa̱ ngajoâlà Nainá; ta̱nga kì bìtsa̱jna ikònâlà jñà xi maâla̱ chja̱ ‘én xi kj’ei̱í tsò xi mì yá xi̱ta̱ fìyaâla̱. 40 Ta̱nga ngats’iì kjoa̱ koi, nguì ndaà t’e̱en, kixi̱ tanguíko̱o.