Zabbuli 120

¹ Nkoowoola Mukama nga ndi mu nnaku, era n’annyanukula.

² Omponye, Ayi Mukama, emimwa egy’obulimba, n’olulimi olw’obukuusa.

³ Onooweebwa ki, era onookolebwa otya, ggwe olulimi olukuusa?

⁴ Onoofumitibwa n’obusaale obwogi obw’omulwanyi omuzira, n’oyokerwa ku manda ag’omuti entaseesa.

⁵ Ndabye ennaku, kubanga mbeera mu Meseki; nsula mu weema za Kedali!

⁶ Ndudde nnyo mu bantu abakyawa eddembe.

⁷ Nze njagala mirembe, naye bwe njogera bo baagala ntalo.