Zabbuli 114

¹ Isirayiri bwe yava mu Misiri, abaana ba Yakobo abo, ne bava mu bantu abaayogeranga olulimi olutali lwabwe;

² Yuda n’afuuka omutukuvu wa Katonda, Isirayiri n’afuuka amatwale ge.

³ Ennyanja bwe yabalaba n’edduka; Omugga Yoludaani ne gudda emabega.

⁴ Ensozi ne zibuukabuuka ng’endiga zisseddume, n’obusozi obutono ng’obuliga obuto.

⁵ Ggwe ennyanja, lwaki wadduka? Ggwe Yoludaani, lwaki wadda emabega?

⁶ Mmwe ensozi, lwaki mwabuukabuuka ng’endiga zisseddume, nammwe obusozi obutono ng’obuliga obuto?

⁷ Kankana, ggwe ensi, mu maaso ga Mukama, mu maaso ga Katonda wa Yakobo,

⁸ eyafuula olwazi ekidiba eky’amazzi, n’olwazi olugumu n’aluggyamu ensulo ez’amazzi.