Yaru Divariri 98

1 Arie, Bajari kena yaru seka saore! Ainda susu mo, nu tano a ari fakinago etiri sirorusira. Tofo nunda fakina aimi a nunda ungo kakarago aimi, nune gitofu sosighi usira. 2 Nunda gitofu sosighi usira ava, Bajari nusuka osa sisira. Nunda natofo nange sonembetiri jebugusera ava, nune osa setiri, endada oro oro isambu ne kasama useri. 3 Nunda natofo Israel embokena beka gagojuse rea ari sisira ava kotise, ne dubo ruruse ava usira. God namanenda gitofu sosighi usira ava, evetu genembo endada irera isasambu, ne gosuseri. 4 Evetu genembo endada ireva, nemokena resena, ivugaghae Bajari kena yaru sise dubo jeuro evu! Nunda yaruimi sakai sise dubo jeuro use ivugaghae arugevu! 5 Bajari dae sakai sise, yaru dubo jeuro evu! Gita mane da duka aimi numokena yaru sise sakai sevu! 6 Tavuya dombu eini dombu enimi fusise, Bajari, namondeda kinikena ivugaghae koko fuge arugaore! 7 Eva, nimokena kotugo reju ava ninda jokáda iritirira nemokena resena, Bajari kena duka use yaru sevu! Enda akotugo roera ninda etoda iritirera isasambu nemokena resena, Bajari kena yaru divuvu! 8 Uvu mane barago, nemokena resena, kotugo enda jiro fumbari mane nemokena resena, ungo de fokufoku ghuse, Bajari da dombuda dabade ivuga use yaru sevu! 9 Ainda tuka mo, Bajari nune enda kaifa ari dae refira. Nu endada evetu genembo isasambukena inonoda use, bekáda bekáda use ne kaifa arira.