Yaru Divariri 101
TBL1 Arie Bajari, nanda yaru mo, namane dubo ruruse bekáda bekáda eraesa aindae, yaru divarena. 2 Nanda aito fugarena, kosasa eni tefori. Ni nanjigo namokena furaresi? Nanda kamboda na irari dambugo beká ava arena. 3 Aminguse, na jo doyono, ari sembaego nanda kamboda sirorae arira. Mave God gukai muturaera, rea eraera ava, na imboe beká ava eraena. Na jo itako nemonde dabade tatedo umo gaumo ae arena. 4 Na aroro kaifa ari da gorotoda jo kosasaghae arena. Na jo ari eko enimi bebeta ae arena. 5 Mave evetu genembo mendenidae unongu kivuimi siruroro ningarena amo, saono ne daoro ambarera. Genembo mave riria use, tofo nunda javo jighari erarira amo, ondono darigarira. 6 Nane evetu genembo God tumonderaera a geka bekáda bekáde sise iraÌ gheraera ava, nemokena, “avori” saono, nanda kamboda teredo irarera. Mave aroro kaifa ari da gorotoda kosasa jo ae eraera, avanembo doyono nandae saramana arera. 7 Gungubo futo seraera aimi, nanda kamboda jo irae arira. Geka vivi sise, gesire use irari embo eni, jo nanda dombuda fetae arira. 8 Evetu genembo ekoko Bajari da reighi begaiya namonde irera eminda amo, sifo evia inono nanjigo tambarena ava, daono sirivo arera.