SAM 137

1 Oitayatila makwaisina waya mapilana Babiloni tasilaisi, e baisa tavalamsi tutala taluluwaisi mapilana Saiyoni. 2 Makaisina guvagava tasagaisi da gitasi. 3 Matausina eikatupipaidasi ilukwaidasi mwada bitawosisi. Ilukwaidasi kidamwa bitayomwasalaisi matausina. Kawasi, “Bukuwosisi sitana wosila mapilana Saiyoni kalegasi." 4 Ammakawala bitawosisi baisa Guyau osi valu togilagala? 5 Mwa, Yerusalem! Kidamwa balumwelavaim, ibodi gala avai tuta bawai gita tuvaila. 6 Ibodi gala avai tuta bawosivau tuvaila, kidamwa gala baluluwaim, e kidamwa gala badokaim uulela ulo mwasawa kala siligaga. 7 E Guyau, ibodi bukululuwai avaka mina Edom eivagaisi wa yam makwaina eiyoulisi mapilana Yerusalem. Kululuwai ammakawala eililivalasi kawasi, “Ka, bitakodidaimisi komwaidona bila opwaipwaia!" 8 E Babiloni, bogwa bikodidaimimsi. Availa matauna bikau kama lugwasi paila avaka lokuvigakaimasi, e matauna bimwasawa goli. 9 Matauna bikau litumia pwapwawa, e bikatupituki odakuna bikaligasi.