यहोशू 15

¹ यहूदा अन गोत्र अन भाग आंदुर कुलगोळ अनुसार चिट्टी हाकदुर देल एदोम इन सीमा ताका, अदिक दक्षिण इन दी सीन इन आळी ताका जो दक्षिणी सीमा मा ठहरूस्त.

² आंदुर भाग इन दक्षिणी सीमा मृत समुद्र अन आ सिरवाला कोल टु चालु आत जो दक्षिण इन दी वाळुस्कु आद;

³ अदिक अद अक्रब्बीम हेसुर इन चळाई इन दक्षिण दी टु होटकु सीन आगतेला कादेशबर्ने अन दक्षिण दी येरेत, बाक हेस्रोन उन आगकु अद्दार इक येरकु कर्कआ दी तीर्गेत,

⁴ अल टु अस्मोन आगतेला अद मिस्त्र अन नाला मा होळ्त, अदिक आ सीमा अन अन्त समुद्र आत. नीम्द दक्षिणी सीमा ईदा आदीत.

⁵ बाक पुर्वी सीमा यरदन इन मुहाना ताका मृत समुद्र अच ठहरूस्त, अदिक उत्तर दिशा अन सीमा यरदन इन मुहाना अन हाती ताल इन कोल टु चालु माळकु,

⁶ बेथोग्ला अक येरतेला बेतराबा अन उत्तर दी आगकु रूबेनी बोहन हेसुर इन कल्ल ताका येरेत;

⁷ अदिक अदा सीमा आकोर हेसुर इन झरना टु दबीर दी येरेत, अदिक उत्तर दी टु आगतेला गिलगाल दी डोक्त जो झरना अन दक्षिणी दी अदुम्मीम इन चळाई इन मुंद आद; अल टु अद एनशेमेश हेसुर इन झरना अन हाती पोहचुस्कु एनरोगेल मा होळ्त;

⁸ बाक अदा सीमा हिन्नोन उन पार उन तराई टु आगकु यबूसी जो यरूशलेम अनकु आगतद इन दक्षिण दी टु येरतेला आ पहाळी इन चोटी मा पोहचुस्त, जो पश्चिम दी अदिक हिन्नोम इन तराई इन मुंद अदिक रपाईम इन तराई इन उत्तर इन क्वाना मा आद;

⁹ बाक अदा सीमा आ पहाळी इन चोटी टु नेप्तोह हेसुर इन सोता अक होटोत, अदिक एप्रोन पहाळी इन नगरगोळ मा होळ्त; बाक अल टु बाला अक जो किर्यत्यारीम भी कहलुसतद पोहचुस्त;

¹⁰ बाक अद बाला टु पश्चिम इन दी तिर्गकु सेईर पहाळी ताका पोहचुस्त अदिक यारीम पहाळी जो कसालोन भी कहलुसतद, अदुर उत्तर दिशा टु आगकु बेतशेमेश इक ईळदोत, अदिक अल टु तिम्ना मा होळ्त;

¹¹ अल टु अद सीमा एक्रोन इन उत्तर दिशा अन हाती टु आगतेला शिक्करोन होत, अदिक बाला पहाळी आगकु यब्नेल मा होळ्त; अदिक आ सीमा अन अन्त समुद्र अन तट मा आत.

¹² अदिक पश्चिम इन सीमा महासमुद्र अन तट ठहरूस्त. यहूदागोळी जो भाग आंदुर कुलगोळ अनुसार सिक्त अदुर नाकु दिकळोद सीमा ईदा आत.

¹³ यपुन्ने अन पार कालेब उक आव यहोवा अन आग्या अन अनुसार यहूदियागोळ बीच भाग कोट्टुन, मतलब किर्यतर्बा जो हेब्रोन भी कहलुसतद आव अर्बा अनाक उन आप्प ईरोन.

¹⁴ अदिक कालेब अल टु शेशै, अहीमन, अदिक तल्मै हेसुर इन अनाक उन मुरू चिकोरी तेगु बुट्टुर.

¹⁵ बाक अल टु आव दबीर इन निवासीगोळ मा येरेदुन; पूर्वकाल दा रा दबीर उन हेसुर किर्यत्सेपेर ईरोन.

¹⁶ अदिक कालेब अंदुन, “जो किर्यत्सेपेर उक हारूस्यान ना तान पोर अकसा अन मदा आऊन से माळ कोळाईन.”

¹⁷ आग कालेब उन वार्ट कनजी इन पार ओत्नीएल आकिन से मदा माळदुन; अदिक आव आऊन से तान पोर अकसा अन मदा माळ बुट्टुन.

¹⁸ याग आक आऊन हाती बंदुर, आग आव आकी आकिन आप्प उन से येनारा जमीन बेळली उकसुसदुन, बाक आक तान गदहा मा टु ईळदुर, अदिक कालेब आकिन से केळदुन, “नी येन चाहसत्या?”

¹⁹ आक अंदुर नानी आशीर्वाद कोळ; “नी नानी दक्षिण द्याश दाकळोद थ्वाळासा जागा रा कोट्ट बुट्ट, नानी नीर इन झरना भी कोळ.” आग आव म्याकळव झरना, ल्यालमाकळव झरना, येढ्ढु आकी कोट बुट्टुन.

²⁰ यहूदा अन गोत्र अन भाग रा आंदुर कुलगोळ अनुसार ईदा ठहरूस्त.

²¹ यहूदा अन गोत्र अन किनारा मा ईरावाळेर नगर दक्षिण द्याश दा एदोम इन सीमा दी ईव आव, मतलब कबसेल, एदेर यागूर,

²² कीना, दीमोना, अदादा,

²³ केदेश, हासोर, यित्नान,

²⁴ जीप, तेलेम, बालोत,

²⁵ हासोर्हदत्ता, करिय्योथेस्र्नोन, जो हासोर भी कहलुसतद,

²⁶ अदिक अमाम, शमा, मोलादा,

²⁷ हसर्गद्दा, हेशमोन, बेत्पालेत,

²⁸ हसर्शूआल, बेर्शेबा, बिज्योत्या,

²⁹ बाला, इय्यीम, एसेम,

³⁰ एलतोलद, कसील, होर्मा,

³¹ सिकलग, मदमन्ना, सनसन्ना,

³² लबाओत, शिल्हीम, ऐन, अदिक रिम्मोन; ईव सप्पा नगर उन्तीस आव, अदिक ईऊरव ऊर भी आव.

³³ ल्यालमागोळोव द्याश दा ईव आव: मतलब एशताओल, सोरा, अशना,

³⁴ जानोह, एनगन्नीम, तप्पूह, एनाम,

³⁵ यर्मूत, अदुल्लाम, सोको, अजेका,

³⁶ शारैम, अदीतैम, गदेरा, अदिक गदेरोतैम; ईव सप्पा चौदा नगर आव, अदिक ईऊरव ऊर भी आव.

³⁷ बाक सनान, हदाशा, मिगदलगाद,

³⁸ दिलान, मिस्पे, योक्तेल,

³⁹ लाकीश, बोस्कत, एग्लोन,

⁴⁰ कब्बोन, लहमास, कितलीश,

⁴¹ गदेरोत, बेतदागोन, नामा, अदिक मक्केदा; ईव सोलाह नगर आव, अदिक ईऊरव ऊर भी आव.

⁴² बाक लिब्ना, एतेर, आशान,

⁴³ यिप्ताह, अशना, नसीब,

⁴⁴ कीला, अकजीब अदिक मारेशा; ईव ऊम्बत नगर आव, अदिक ईऊरव ऊर भी आव.

⁴⁵ बाक नगरगोळ अदिक ऊरगोळ सांगुळ एक्रोन,

⁴⁶ अदिक एक्रोन टु हुडुकु समुद्र ताका, तान तान ऊरगोळ सांगुळ यास नगर अश्दोद इन दी आव.

⁴⁷ बाक तान नगरगोळ अदिक ऊरगोळ सांगुळ अश्दोद, अदिक गाजा, बल्‍की मिस्त्र अन नाला ताका अदिक महासमुद्र अन तट ताका यास नगर आव.

⁴⁸ पहाळी द्याश दा ईव आव; मतलब शामीर, यत्तीर, सोको,

⁴⁹ दन्ना, किर्यत्सन्ना जो दबीर भी कहलुसतान,

⁵⁰ अनाब, एशतमो, आनीम,

⁵¹ गोशेन, होलोन, अदिक गीलो; ईव हनुन नगर आव, अदिक ईंदुरव ऊर भी आव.

⁵² बाक अराब, दूमा, एशान,

⁵³ यानीम, बेत्तप्पूह, अपेका,

⁵⁴ हुमता, किर्यतर्बा जो हेब्रोन भी कहलुसतान, अदिक सीओर, ईव ऊम्बत नगर आव, अदिक ईंदुरव ऊर भी आव.

⁵⁵ बाक माओन, कर्मेल, जीप, यूता,

⁵⁶ यिज्रेल, योकदाम, जानोह,

⁵⁷ कैन, गिबा, अदिक तिम्ना; ईव हत्त नगर आव, अदिक ईंदुरव ऊर भी आव.

⁵⁸ बाक हलहूल, बेतसूर, गदोर,

⁵⁹ मरात, बेतनोत, अदिक एलतकोन; ईव आर नगर आव, अदिक ईऊरव ऊर भी आव.

⁶⁰ बाक किर्यतबाल जो किर्यत्यारीम भी कहलुसतद, अदिक रब्बा; ईव येढ्ढ नगर आव, अदिक ईऊरव ऊर भी आव.

⁶¹ आळी दा ईव नगर आव: मतलब बेतराबा, मिद्दीन, सकाका;

⁶² निबशान, लोनवाला नगर, अदिक एनगदी, ईव आर नगर आव, अदिक ईऊरव ऊर भी आव.

⁶³ यरूशलेम इन निवासी यबूसिया अक यहूदीगोळ तेगु सकीदील; इदुरसाटी ईंद इन दिन ताका यबूसी यहूदीगोळ सांगुळ यरूशलेम दा ईरतार.