Nɨawari 126

1 Kepauka Yawé, memehapaniekai mɨwarupitɨa, Tsiyuni memɨ’axɨanikɨ, temɨteheinɨka hepaɨ tepɨtenenierekai. 2 ‘Ana temawierika tehexeiyatɨ tepakɨ, meta tepɨkatehayewakai te’utikwitɨ. Hipatɨ nuiwarite mɨpaɨ mekaniutiyuanekaitɨni: «Yawé mariwemekɨ wahetsiemieme pɨtiyuriene». 3 Huu, Yawé tahetsiemieme mariwemekɨ pɨtiyuriene, hikɨ mɨkɨkɨ waɨkawa tepuyutemamawie. 4 Yawé, hikɨ keniwa’atɨa ta’iwama memehapanie haa ‘akitsie kepemɨtiwayenenetɨwa makuwakitsie hepaɨ. 5 Kemɨ’ane yu’ukaikɨ memuka’etsa, temawierikakɨ mepɨka’itsana. 6 Kemɨ’ane ‘utatsuatɨ ‘imɨari mɨ’iwiene, yutemawietɨ pɨka’itsana.