Nɨawari 124

1 ‘Ayumieme hikɨ ‘ixaheritsixi yaxeikɨa xekeneutiyuaneni: —Xɨka Yawé tahetsie ka’utanuanike, 2 keteyɨakake xɨka Yawé tahetsie ka’utanuanike kepauka yunaitɨ kwiepa memɨtama metatsi’aye’unietɨ memakɨtsie, 3 teyunaime te’ayeneniereme mepɨtatsi’anukaxɨxɨanikekai kepauka memuyeha’atsie tahepaɨtsita, 4 haa tahetsie muwayeneni hepaɨ tepɨyɨnikekai, temehauxɨani hepaɨ tepɨyɨnikekai, 5 haa mɨtɨrɨkaɨye hepaɨ teyunaime mepɨtatsiheuyehɨanikekai. 6 Yawé hepaɨtsita ‘aixɨa keraniuwani, mɨkɨ mɨkawarupitɨakɨ yutametekɨ memɨtatsititsanakɨ. 7 Wikixi wahepaɨ, tekateniyutawikweitsitɨani, tixɨ’erɨwame winiyarieyatsie, winiyari kaniutatsane, hikɨ tame takaniuyuta’una. 8 Yawé tatsiparewiwame kanihɨkɨtɨni, muyuawi mutawewi meta kwie.