Nɨawari 123

1 Ne ‘ahetsɨa xeikɨa nepautiniere, muyuawitsie ‘a’uweni ‘apuwe, mana xeikɨa nepeuti’ikwewa. 2 Waɨriyarika te’uximayatamete kememɨteta’ikwewa yukutsiyari niukieyakɨ yumamakɨ warahɨawekaku, meta ‘ukaratsi waɨriyarika ti’uximayatame kemɨtita’ikwewa, mɨti’uximayatsirie ‘ɨyaya niukieya yumamakɨ hehɨawekaku, mɨpaɨta tame tepɨteta’ikwewa Yawé takakaɨyari hetsie, kepaukake mɨkɨ mɨtatsitinenimayata. 3 Yawé ketaneutinenimayata, ketaneutinenimayata, ‘ari tepu’u’uxe ketemɨtenanaimarie. 4 Mɨixari tepɨte’uka’eniwa teyuriyarietɨ, ‘ari mɨixamexɨa mepɨtatsi’utiti memuyutimariwekata, meta waɨkawamexɨari mepɨtatsi’unanaima memɨyuti’ɨre.