Zabura 126

¹ Sa’ad da Ubangiji ya dawo da kamammu zuwa Sihiyona, mun kasance kamar mutanen da suka yi mafarki.

² Bakunanmu sun cika da dariya, harsunanmu da waƙoƙin farin ciki. Sai ana faɗi a cikin al’ummai, “Ubangiji ya aikata manyan abubuwa dominsu.”

³ Ubangiji ya aikata manyan abubuwa dominmu, mun kuwa cika da farin ciki.

⁴ Ka maido da wadatarmu, ya Ubangiji kamar rafuffuka a Negeb.

⁵ Waɗanda suka yi shuka da hawaye za su yi girbi da waƙoƙin farin ciki.

⁶ Shi da ya fita yana kuka, riƙe da iri don shuki, zai dawo da waƙoƙin farin ciki, ɗauke da dammuna.