Zabura 121

¹ Na tā da idanuna zuwa wajen tuddai, ta ina ne taimakona zai zo?

² Taimakona zai zo daga wurin Ubangiji, wanda ya kafa sama da ƙasa.

³ Ba zai bari ƙafarka tă yi santsi ba, shi da yake tsaronka ba zai yi gyangyaɗi ba;

⁴ tabbatacce, shi da yake tsaron Isra’ila ba ya gyangyaɗi ko barci.

⁵ Ubangiji yana tsaronka, Ubangiji ne inuwa a hannun damanka;

⁶ rana ba za tă buge ka cikin yini ba balle wata da dare.

⁷ Ubangiji zai kiyaye ka daga dukan masifa, zai tsare ranka;

⁸ Ubangiji zai kiyaye shigarka da fitarka yanzu da har abada kuma.