ZEGAR HAW 124
WBT1 Aze mo Tupàn Tuweharupi Wiko Ma’e nuiko iwer zanemyrypar romo, Ma’e uzeapo mo zanewe. Teko Izaew izuapyapyr wà, pewazar heze’eg ihewe nehe. 2 Teko uwazar nezewe wà. — Aze mo Tupàn Tuweharupi Wiko Ma’e nuiko iwer mo zanemyrypar romo, Zaneàmàtyry’ymar zanekutyr wanur mehe, 3 Zanemukun mo zanereko we mehe wà xe. Wikwahy mehe uzewyr mo zanekutyr wà. 4 ‘Y zanereraha mo muite a’e. Tynehemaw zanepyk mo no. 5 Zamàno mo ‘y uwyrykahy ma’e pupe, i’i teko wà. 6 Ximume’u Tupàn Tuweharupi Wiko Ma’e ikatu haw izupe nehe. Nazanemumaw kar kwaw zaneàmàtyry’ymar wanupe a’e mehe. 7 Uzemi’i kar ma’e upyhyk wiràmiri ipyhykaw pupe a’e. Zaiko ipyhykaw wi uhem ma’e kwer ài. Upen ipyhykaw. Nazanepyhyk kwaw a’e. 8 Zanepytywà haw ur Tupàn Tuweharupi Wiko Ma’e wi. Uzapo ywak a’e. Uzapo ywy no.