ZEGAR HAW 123

1 O Tupàn Tuweharupi Wiko Ma’e, ame’e nekutyr ywate. Ywak rehe ereapyk nerenaw rehe. 2 Awa omono temi’u awa uma’ereko e ma’e wanupe a’e. Kuzà omono temi’u kuzà uma’ereko e ma’e wanupe no. Nezewegatete urume’e nerehe, o Tupàn Tuweharupi Wiko Ma’e urezar. Urepuhareko pe nehe. Uruàro urepuhareko àwàm uruiko. 3 Urepuhareko pe nehe, o Tuweharupi Wiko Ma’e. Urepuhareko pe nehe, ta’e teko na’uremuawate kwaw wà xe. 4 Tuweharupi hemetarer katu ma’e na’uremuawate kwaw wà. Amo wanuwi wiko wera’u ma’e uze’eg urywahyahy urerehe wà no.