Yontu 113

1 Ɩ́ sɑ Tɑcɑɑ. Tɑcɑɑ təmlɛ lɑtɑɑ mɛ, ɩ́ sɑmɩ-ɩ. Ɩ́ sɑ Tɑcɑɑ hətɛ. 2 Tɑcɑɑ hətɛ ɩ́ yɑɑ pə kpɑɣɑʋ nɔɔnɔɔ tɔ nɑ pə́ polo tɑm tɔɔ. 3 Pɑ́ sɛɛ Tɑcɑɑ kɛ pə kpɑɣɑʋ ilim təlɩɩlɛ nɑ pə́ sɩɩnɑ pə tətʋlɛ tɔ. 4 Tɑcɑɑ ŋmɑkəlɑ piitimnɑɑ tənɑɣɑ. Ɩ teeli kʋŋkʋlʋməŋ tɛɛ ɩsɔtɔnʋɣʋ. 5 Tɑ Ɩsɔ Tɑcɑɑ n fɛɩnɑ ɑkpele. Nyɑ́ təcɑɣɑlɛ ntɛ́ hɑtoo ɩsɔtɑɑ. 6 N kɑŋ nyʋɣʋ kɛ́ nɑ ń nyənɩ ɩsɔtɔnʋɣʋ nɑ ɑtɛ. 7 N kʋsəɣɩ kʋnyɔntʋ kɛ mʋsʋɣʋ tɑɑ kɛ́, nɑ wɑhɑlɑ tʋ kɛ hute tɑɑ. 8 Sɩ ń cɑɣɑsɩ pɑ́ nɑ nyɑ́ yəlɑɑ kʋpɑɣɑlɑɑ. 9 N hɑɑkɩ ɑlʋ kɑɑlʋlɑɣɑ kɛ təyɑɣɑ. Nɑ ń lɑpɩ-ɩ toto lɑŋhʋlʋmlɛ nyəŋ kɛ ɩ piyɑ hɛkʋ. Ɩ́ sɑ Tɑcɑɑ.