Luhka 13
TWF1 Acunüng, Kalile khaw khyang he ngkengnak ami pawh k'um üng Pilat naw a jah hnima mawng Jesuh üng ami mtheh.
2 Acunüng Jesuh naw, â Acuna Kalile khyang he, acunkba ami khuikha phäha, akce Kalile khyang hea kthaka mkhyekat bawki hea nami ngaiki aw?
3 â Akcanga ka ning jah mthehki, acunkba am kya; nangmi pi am nami ngjut üng acunkba nami thi hnga khai.
4 â Am acunüng khyang xaleikhyet Silawng im ksaü naw jah kyuk si se thiki he cen, Jerusalema awmki hea kthaka mkhyekat pawki hea nami ngaiki aw?
5 â Akcanga ka ning jah mthehki, acunkba am kya; nangmi pi am nami ngjut üng acunkba nami thi hnga khaiâ a ti.
6 Acunüng, Jesuh naw msuimcäpnak pyen lü, â Khyang mat naw capyit a ngvawng k'uma a ngling mat awmki, law lü a ktheih a sui law üng a ngtheih mat hman pi am a hmuh.
7 â Acunüng, ngvawng kbi üng, Tenga, law lü a ktheih ka sui lawnak khawkum kthum law pängki, a ktheih matca pi am hmu veng. Khyua! ivai amdanga khawmdek kyawh lü awmki ni?â a ti.
8 â Acunüng, ngvawng kbi naw, â Ka mahpa aw, tuhmü kum ahikba awm tang se, a phung co lü, sea ek am mcah kawng;
9 â Seng kum a ngthei üng aktäa daw lü, am a ngtei üng khyu kaw piâ a ti.
10 Acunüng, Jesuh naw Sinakoka kâ uma Sabbath mhmüp üng a jah mthei.
11 Acunüng kum xaleikhyet ngmüimkhya kse naw awm na se khuikha lü ngkunki, amät angdünga am ngdüiei thei süm sümki nghnumi mat awmki.
12 Acunüng, Jesuh naw a hmuh la khü lü, â Nghnumi aw, am na yainak üngka naw lät vekiâ ti lü,
13 a khana a kut taih se, acun la angxita ngdüng law lü, Pamhnam mküimtoki.
14 Acunüng, Jesuh naw Sabbath mhmüp üng khyang a mdaw bea phäha Sinakok ngvai a mlung so lawki naw, khyang he jah mtheh lü, â nghngicim khüihnak vai mhmüp khyuk awmki, acunüng law u lü ngmangei law kyusak ua, Sabbath mhmüp üng ä law uaâ a ti.
15 Acunüng, Bawipa naw msang lü, â Nangmi Hypocrit he, Sabbath mhmüp üng nami se, nami sanghngaksaü sut u lü, tui aw khaia am nami cehpüi khawikia kya aih se?
16 â Hina nghnumi hin Abrahama canua kyaki, teng u, khawyam naw kum xaleikhyet a manei Sabbath mhmüp üng ä lät sak vai aw?â a ti.
17 Acunüng, acunkba pyen se hnengkie ami van ami hmai seki; acunüng, khyang he ami van Jesuh naw hlüngtai kyäpsawknak a pawha phäha jekyaiki he.
18 Acunüng Jesuh naw, â Pamhnama khaw cun i mäih ni a law? I am ni ka msümcäp kawm?
19 Anca ui mat, khyang naw lo lü a ngvawng k'uma a phu am tängki ni; acun cun cawt law lü, thinga kya law se, kha he naw angban üng ami ngbu ami pawhnak am tängki niâ a ti.
20 Acunüng Jesuh naw, â Pamhnama khaw cun i am ni ka msuimcäp kawm?â ti be lü,
21 â Pamhnama khaw cun, nghnumi naw nghngen lo lü, khai tawng kthum üng thun se, khai avan thawh sakia nghngnen am tängki ni,â a ti.
22 Acunüng, Jesuh cun mlüh he la ngnam he üng jah hei mthei vü lü, Jerusalem khawa citki.
23 Acunüng, khyang mat naw Jesuh üng, â Saja aw, akjaw däng japaw küikyana ami kya kawm?â ti se, Jesuh naw,
24 â Mkawt ngcek üng nami luh vaia ktha na ua; ka ning jah mthehki, khyang khawjah lut khaia ngtün u sepi, am lut thei khai he.
25 â Imah tho law lü, ksaw a khai käna nangmi kpunga ngdüiki he naw, â Bawipa aw, ksawh jah mhmawnaâ tia ksawh nami khawk law üng, ani naw, â nangmi hawia ka he, am ning jah ksing khawi nawng? ti lü ning jah msang khai.
26 Acunüng nangmi naw, â Mi ei aw hmaih khawiki, kami khawloa pi na jah mthei hü khawiki niâ nami ti law khai.
27 â Acunüng ani naw, â Ka ning jah mthehki, nangmi hawia ka he am ning jah ksing khawi nawng, nangmi khyang kse he, ka vei üngka naw cit uaâ ti law khai.
28 â Abraham, Isak, Jakop la sahma he avan Pamhnama khaw kâ uma awm u se jah hmu u lü, nangmi ngpunga ning jah ktäm ti, nami ksing law üng, acunüng, nami mnicui ha kyet u lü nami kyap khai.
29 â Acunüng, nghngilaw lam la nghngikyak lam, acum la asip üngka naw khyang he law u lü, Pamhnama khaw buhpawhnaka ngaw law khai he.
30 â Acunüng, atuh hnuki he ma law u lü, atuh maki he hnu law khai heâ a ti.
31 Acunüng Pharise he avang a veia law u lü, â Herod naw aning hnim vai ngaih ve, hina hmün üngka naw ktawih lü akcea citaâ ami ti.
32 Acunüng Jesuh naw, Acuna saui üng hina ngthu va mtheh ua, â Tuhngawi la khawngawi, khawyai he ka jah ktäm khai, am phetki he pi jah mdaw be lü, amhmüp thum üng ka khut ka kpäng khai.
33 Acunsepi tuhngawi, khawngawi la a ngawi üng pi ka cit laih laih khaia kyaki. Jerusalema thea ta pung kcea sahma hnim vaia am kya naw, a ti.
34 â Aw Jerusalem, Jerusalem! sahma he jah hnimki, na veia Pamhnam naw a jah tüih law lung am jah vawiki, ainu naw a ca he a ngphya kâ uma a jah awpa kba, na khyang, ivei ni ka jah awp hlü te nang naw am na ngjak hlü veki.
35 â Nami Temple yawka kya khai. Ka ning jah mthehki, â Bawipa ngming üng lawki hin Pamhnam naw dawnak pe seâ am nami tia küt üng am nami na hmu be ti khaiâ a ti.