Luhka 12
TWF1 Khyang kdäm he ngleh kyu u lü, ami ngbum law üng, Jesuh naw, axüisaw he üng, â Pharise hea nghen cäei na ua.
2 â à ngdang khaia thup avan ngdang lü, ä ngsing khaia mjih avan ngphyeh khai.
3 â Acunakyase, nghmüp üng nami pyen avan avainaka ngjaka kya khai; asithawta nami pyen avan im khana sang khai he.
4 â Ka püi he aw, ning jah mtheh veng, â Pumsa hnim lü, acun käna akce i am pawh theiki he ä jah kyüh ua.
5 â Cunsepi, nami kyüh vai ta; Aning jah hnim päng üng, mulai mei üng ning jah tawn thei khai Mhnam kyüh ua. Ka ning jah mthehki ani cen kyüh ua.
6 â Khaca mhma peni tangka nghngiha am jawi khawiki he aw? Acuna khaca matca pi Pamhnam naw am mhnih khawi naw.
7 â Nami lusam pi täh bäiha kyaki. Khaca khawjaha pi nami küi bawki ni, am kyü ua.
8 â Acunüng ka ning jah mtheki, khyang hea maa na yungki cun, Pamhnama khankhawngsä hea maa, khyanga Capa naw yung hnga khai.
9 â Cunsepi, khyang hea ma na maki cun, Pamhnama Capa naw Mhnama khankhawngsä hea hmaia ma khai.
10 â Acunüng, khyanga Capa pyetseki avan cun, ami pyetsenak mhläta kya khai; cunsepi, Ngmüimkhya Ngcim pyetseki cun, mhläta am kya.
11 â Acunüng Sinakok he, bawi he la khaw uki hea veia ami ning jah cehpüi üng â ikba ka jah msang khai, i ka pyen khai,â tia ä nami cäi vai,
12 acuna kcün üng nami pyen vai cun Ngmüimkhya Ngcim naw ning jah mthehei law khai,â a ti.
13 Acunüng, khyang hea ksunga mat naw Jesuh üng, â Saja aw, ka hnunpüi he naw khawh ami na ngpaipüi vaia jah mtheha,â a ti.
14 Acunüng Jesuh naw, â Nghngicim nangmia khana u naw ngthumkhya khai la khawh yet khaia ana mcawn ni?â a ti.
15 Acunüng ami veia, â Cäiei u lü, mnaiheinak avan üng ngxungei kyu u; ihlawka bawimang u lü pi bawimangnak üng nami xünak am ve,â a ti.
16 Acunüng, Jesuh naw ami veia msuimcäpnak pyen lü, â Bawimangki mat, a khaw daw se, eiawk da na leng lengki naw,
17 ngaikyu lü, â Hawkba ni ka ti kawm? Eiawk taknak vai am ta vengâ a ti.
18 Acunüng, â Hikba pawh vang; ka khei he jah phye lü, angbaü bawka sa lü, acunüng eiawk he la, ka khawhthem he ka jah ta khai.
19 Acunüng ka ngmüimkhya üng, â Ka ngmüimkhya aw, khawkum khawvei khäk khai khawhthem na taki ni; xüiei lü, ei lü aw lü, hlimtui lü awma, ka ti khai,â tia ngai kyuki.
20 â Cunsepi, Pamhnam naw, â Khyang k'ang aw, tuhngawi mthan na ngmüimkhya khyük khaia kyaki; acunakyase, na mcuneia khawhthem u naw ka na khai aw?â a ti.
21 â Amäta hama khawhthem mcun lü, Pamhnam üng am bawimangki he cun, acuna mäih lawki ni,â a ti.
22 Acunüng, Jesuh naw axüisaw he üng, â Acunakyase, ka ning jah mtheki, â I ka ei khai?â tia, nami xünnak vai ja, â I ka suisa khai?â tia, nami pumsa phäha nami mlung ä bawngbai sak ua.
23 â Eia kthaka ta xünnak kyäp bawki ni, suisaka kthaka ta pumsa kyäp bawki ni.
24 â Vangak he jah ngai u, cang am saw u, am at u, mcunnak am ta u, khei am ta u; cunsepi, Pamhnam naw jah mcahki, nangmi cun kha hea kthaka ta nami küi bawki ni.
25 â Nangmi üng u naw a mlung bawngkhasak lü a xünnak msaüei thei khai ni?
26 â Ahinca he pi am jah pawh thei u lü, ivaia akcea phäha nami mlung nami bawngkha saki ni?
27 â Lili kheipai he cen jah teng ua; khut am pawh u, nghmüi pi am bi u; cunsepi ka ning jah mthehki, Solamon pi a hlüngtainak avan am ngcüngceiei se, hina lili kheipai matca pi am tängeipüi khai ni.
28 â Acunakyase, atuh xüng se, angawia mei üng tawnena khuhlip pi Pamhnam naw a thuihawi sak üng, nangmi cun acuna kthaka pi am ning jah thüihawi sak bawk khai aw. Ihlawka nami jumnak ngceki ni!
29 â Acunakyase, nami ei vai la nami awk vai ä sui ua; ä cäicing ua.
30 â Am jumeiki he naw acuna ngkhaw avan cun sui khawiki he ni; acun nami hlüki ti nami Pa naw ksingki ni.
31 â Akcüka Pamhnama khaw sui u, acun käna acun he avan ning jah pe khai.
32 â Ka hnukläk toca he aw, ä kyü ua; nami Pa naw khaw aning jah pet vai ngjahlüki ni.
33 â Nami ka avan jah jawitu u lü, m'yenkseki he üng jah pe ua; nami mäta suiawi la nami khawhthem ä sui u lü mâ yukâ ei naw am a mâ yuk thei kca naw pi am a kpyeh thei khankhaw bawimangnak sui ua.
34 â Isetiakyaküng, nami khawhthema awmka nami mlung awm theikia kyaki.
35 â Ahmäi apha law üngka vaia ngsuingsa u lü, a na ngcüngcei u lü, nami meiim mdäiei u;
36 â M'ya he naw ami mahpa cambumnak pawi üngka naw law be lü ksaw a khawk law üng ksawh mhmawn ngxit khaia ami na kâ äiha kba a na ve ua.
37 â Ami mahpa a law be üng, a na ngäng u se a jah hmuh lawa m'ya he cun ihlawka jekyai khai he ni; akcanga ka ning jah mthehki, a mahpa cun a khyü vawpei lü, buh ei khai hea jah ngawhsak lü, amät naw jah ngäng law khai.
38 â Mthan lunga pi kyase, acun käna pi kyase, ami mahpa naw law lü, acunkba a jah hmuh lawa m'ya he ta, ami jo sen ve.
39 â Cunsepi, hin hin ksing ua, m'yük'eia law vai imah naw a ksing vai sü ta, a im am a phyet vaia ngäng khai sü.
40 â Acunakyase, nangmi pi ana ngtünei u lü awm u, am nami simeia kcün üng khyanga Capa law khai,â a ti.
41 Acunüng Pita naw, â Bawipa aw, hina msuimcäpnak hin, keimi däng üng aw na jah mtheh? Akce hea hama pi kyaki aw? ti se,
42 Bawipa naw, â Khawhthem mceiki, üpnak cang, ngsüm kcangki, a mahpa naw akha law üng ami ei vai pawh khaia, mkhawnga a mcawn vai ta, u ni?
43 â A mahpa naw, a law be üng, acunkba ana pawh se a hmuh lawa m'ya ta ihlawka jekyai khai ni.
44 â Akcanga ka ning jah mthehki, ani üng a tak avana khana mkhawnga mcawn law khai.
45 â Cunsepi, acuna m'ya naw a mlung k'uma, â Ka mahpa am law be ngâ xit khaiâ ti lü, m'yanu, m'yapa he jah na kpai lü, a na ei aw ktat lü, a na awm k'um üng,
46 am a na sümei, am a na ksingeia mhmüp üng a mahpa law be lü, acuna m'ya cun amcäm cäma khyüng lü pyen ä ngjakia hlawnga atänga jah ta hmaih khai.
47 â M'ya, a mahpa a ngaih ksing mah mah lü, a mahpaa ngaiha pi am a na pawhmsahki cun, khawveia kpai khai he.
48 â Cunsepi, a mahpaa ngaih am bilo lü kpaihnak vaia iyaw bilo msawkia m'ya cun ajaw dänga kpai khai he. Upi, akdäm ami peta veia akdäm kthäh be khai he; Upi, akdäm bawk ami peta veia akdäm bawk kthäh be khai he.
49 â Khawmdek khana mei däi sak khaia ka lawki, atuh pi acutei vai ngja hlü veng!
50 â Cunsepi, baptican mat ka khan vai awm ve, acuna baptican am ka khan hlan üng ka mlung aktäa khuikha ve!
51 â Khawmdek khana ng'yäpnak lawpüi khaia ka lawkia nami ngaiki aw? Acukba vaia am law nawng. Ngpainak lawpüi khaia ni ka law ve.
52 â Atuh käna, im mat üng mhma ngpai khai he, kthum naw nghngih hneng law khai, nghngih naw kthum hneng law khai.
53 â Pae naw capa he jah hneng law u se, capa he naw pa he jah hneng law khai he; ami nu he naw ami canu he jah hneng law u se, ami canu he naw ami nu he jah hneng law khai he; ami ni he naw ami pai he jah hneng law u se, ami pai he naw ami ni he jah hneng law khai he,â a ti.
54 Acunüng Jesuh naw, khyang hea veia, â Khawnghngi kyak lama khawngmei ngjing se nami hmuh üng, â khaw a hlü veâ ti u lü, nami tia kba kya law khawiki.
55 â Acunüng, cum khawkhi nami ksing üng, â khaw ngling hlü veâ ti u lü, nami tia kba kya law khawiki.
56 â Nangmi Hypocrit he naw, khawmdek la khankhawa ngtünawngnak pi nami ksingki naw, ise atuha kcün hin am nami ksing theiki ni?
57 â Ise angtäia pawh vaia cun namimät naw pi am nami mtaiei theiki ni?
58 â Acunüng, ning hnengki am ngthumkhyakia veia nani ceh hmai üng, nani ceh lama nani ngâ yäpnak vai na sui vai; am acunüng ta ngthumkhyakia veia ning cehpüi se, ngthumkhyaki naw khyang manki am ning man sak se, khyang manki naw thawngim üng ning khyüm khai ni.
59 â Ka pyenki, pet vaia ngui am na peta küt üng thawngim üngka naw am na lät khai ni,â a ti.