Johan 21

¹ Acunkäna, Jesuh Tiberi Tuili pei, axüisaw hea veia ngdang betüki. Acuia a ngdang betüa mawng ta,

² Sihmon Pita, Thomah (Angphi ami ti), Natanelah (Kalile hne Kana mlüha ka), Zebedea capa xawi ja axüisaw kce xawi nghngih awmki he.

³ Sihmon Pita naw ami vei, â Nga sui khaia ka cit khaiâ a ti. Amimi naw, â Keimi pi na hlawnga kami law hnga khaiâ ami ti. Acunüng mlawng am citkie; acuna mthan cun ipi am yah u.

⁴ Khawmik a luh law üng, Jesuh tui kama ngdüiki. Acunsepi axüisaw he naw Jesuh hmana am ksing u.

⁵ Jesuh naw, â Ka püi he aw, nga i pi am mbawh ham uki aw?â ti lü a jah kthäh. Amimi naw, â Ipi am mbawh u ngüâ ami ti.

⁶ Jesuh naw, â Mlawng khet da ngvai vawi ua, nami yah khai niâ a ti. Ami vawih üng nga khawhah yahkie. Acunüng nga nung lü ngvai am kaih be khawh u.

⁷ Jesuha mhlänak axüisaw naw Pita üng, â Bawipa va ni kbakâ a ti. Bawipa a ni hman Sihmon Pita naw a ngjak üng a kcu jih be lü tui da kcoki, (Akpuma a vea phäha kyaki).

⁸ Axüisaw kce he ngvai üng nga akbea kaih law u lü mlawng am kawng da lawkie. Kawng üngka naw lam khyukip banga thuki.

⁹ Kawng ami va pha ja acuia mei kâ eh am mei ami tih, a khana nga ngxaih ja muk ve se ami hmuh u.

¹⁰ Jesuh naw, â Nga nami mbawh api lawpüi uaâ a ti.

¹¹ Sihmon Pita naw mlawnga khana va kai lü nga angbaü avana phya ja mhmakip ja kthum law se, ngvai kawnga a kaih law. Acukba nung kyaw lü pi ngvai am tek.

¹² Jesuh naw, â Ngawi ei, ei law uaâ a ti. Bawipa a ni hman ksing u lü, axüisaw he üng u naw pi, â Nang u ni?â ti lü am kthäh dat u.

¹³ Jesuh naw law lü muk lo lü a jah pet, nga pi acukba a jah pet.

¹⁴ Acun cun Jesuh thihnak üngkhyüh a thawh be käna axüisaw hea veia a ngdang akthumnaka kyaki.

¹⁵ Ngawi ei ami ei käna, Jesuh naw Sihmon Pita üng, â Johana capa Sihmon, hinea na mhläkphyanaka kthaka na na mhläkphyanaki aw?â a ti. Ani naw, â à , Bawipa aw, ka ning kphyanak na ksingkiâ a ti. Jesuh naw, â Ka tocae jah tumcah bäâ a ti.

¹⁶ Anghngihnaka Jesuh naw, â Johana capa Sihmon, na na mhläkphyanaki aw?â a ti betü. Ani naw, â à , Ka ning mhläkphyanaki ti na ksingkiâ a ti be. Jesuh naw, â Ka toe jah mcei bäâ a ti.

¹⁷ Akthumnaka Jesuh naw, â Johana capa Sihmon, na na mhläkphyanaki aw?â a ti betü. Jesuh naw, â Na na mhläkphyanaki aw?â ti lü kthum vei kthäh se Pita pukse law lü, â Bawipa aw, ahmäi na ksingki, ka ning kphyanak pi na ksingkiâ a ti. Jesuh naw, â Ka toe jah tumcah bä.â

¹⁸ â Akcanga ka ning mthehki: na dik hama kcün üng na cehnak hlü naküta na cit hü theiki. Acunsepi, na xü law üng na kut jah säng lü, khyang kce naw ning khit lü am na cehnak hlüa ning cehpüi khaiâ a ti.

¹⁹ (Acuna ngthu cun Pita naw ihawkba thi lü, Pamhnam mhlünmtai khai ti msingnaka a pyena kyaki.) Acukba a pyen käna, Jesuh naw â Na läk lawaâ a ti.

²⁰ Pita naw nghlat lü Jesuha mhlänak axüisaw, ahlana müei ami ei üng a peia nghlat law lü, â Bawipa aw, ning phyehei khai cun u ni?â tiki a hnua ngaw se a hmuh.

²¹ Pita naw Jesuh hmu lü, â Bawipa aw, hina khyang ihawkba vai ni?â a ti.

²² Jesuh naw, â Ka law be veia ani a xüng vai ka hlüei üng mä, nang üng i pi am sängei. Na läk lawaâ a ti.

²³ Acuna mawng cun Jesuha axüisaw hea ksunga, acuna axüisaw am thi khaiâ ti lü, aktäa ngthang hüki. Acunsepi, Jesuh naw acuna axüisaw am thi khai a ti am ni, â Ka law be veia ani a xüng vai ka hlüei üng, nang üng i pi am sängeiâ däk va a ti.

²⁴ Ahina mawngmae jah pyensa lü jah yukthetki cun axüisaw ni; a pyen pi cangki ti kami ksingki.

²⁵ Ahina thea pi Jesuh naw a jah pawhmsah akce khawhah veki. Acun he jah yuk päih vai ani üng, acun jah yuknaka caupe khawmdek khana taknak vai am khäk khaia ka ngaiki.