Johan 20
TWF1 Ngpum mhnüp khawa nghmüp ham üng, Marih Makdalin cun lungdüa cit lü ngâ utnak ami khaihnak lungnu a na ngpyawtei se a hmuh.
2 Sihmon Pita ja Jesuha mhlänak axüisaw kcea veia dawng lü, â Ngâ utnak üngka naw Bawipa cehpüi ve u, hawia ami tak am ksing vengâ a ti.
3 Acunüng,Pita ja axüisaw kce lungdüa citki xawi.
4 Nghngih cun dawngki xawi; axüisaw mat naw Pita khe lü lungdüa a na pha maki.
5 Ngmüm lü a teng üng, hlawpnak jih däk ve se a hmuh; acunsepi akâ uma am lut.
6 Sihmon Pita naw pi hnua pha law lü, ngâ utnak kâ uma a luh üng hlawpnak jih ja,
7 a lu ami hlawpnak kpyawn cun a hmuh. A pum hlawpnaka jihea hlawnga am ve lü, a pum hlawpnak cun amät ngtawmei hnga se a hmuh.
8 Axüisaw kce dawng lü lungdü pha maki naw pi lut hnga lü hmu lü jumki. (
9 Thihnak üngkhyüh tho be khai tia cangcim üng veki cun axüisaw he naw am ksing u.)
10 Acunüng, axüisaw he cun animäta ima nghlat beki xawi.
11 Marih cun lungdüa peia kyap lü ngdüiki; a kyah sawa ngmüm lü ngâ utnaka kâ um cun a juk teng;
12 khankhawngsä nghngih jih kbawk suisa ni lü Jesuha yawka peia mat a lu da, mat a khaw da ngaw ni se a jah hmuh.
13 Anini naw, â Nghnumi aw, ise na kyapki ni?â ti lü Marih ani kthäh. Marih naw, â Ka Bawipa cehpüi ve u, ami taknak am ksing vengâ a ti.
14 Acukba a pyen päng ja, a hnu da nghlat lü Jesuh ngdüi se a hmuh. Acunsepi Jesuh hman tia am ksing.
15 Jesuh naw, â Nghnumi aw, ise na kyapki ni? U na suiki ni?â a ti. Marih naw ngvawng mtäta ngai lü, â Nang naw ani ahin üngkhyüh na cehpüi a ni üng na taknak na mtheha. Cit lü ka lak be vaiaâ a ti.
16 Jesuh naw, â Marihâ a ti. Marih naw nghlat lü Hebru läk am, â Raboniâ a ti; (Acun cun Saja aw, tinaka kyaki.)
17 Jesuh naw, â Käh na mana; Paa veia am kai be ham nawng. Ka naea venaka cit lü ka Paa kyakia nami Pa, Ka Pamhnama kyakia nami Pamhnam ania veia ka kai be vaia mawng jah va mthehaâ a ti.
18 Acunüng Marih Makdalin cun axüisaw hea veia cit lü, Bawipa a hmuh ja ngthu a mthehea mawng pi a jah mtheh.
19 Ngpum mhnüp mü lama, Judah ngvaie ami jah kyüha phäh ksawh khai u lü, axüisaw he ngbumnakie. Ami ngbumnaka Jesuh law lü, ami ksunga ngdüi lawki naw, â Nami khana dimdeihnak ve seâ a ti.
20 Acukba pyen päng lü, a kut ja a kpem a jah mhnuh. Axüisawe naw Bawipa ami hmuh ja aktäa jekie.
21 Jesuh naw, â Nami khana dimdeihnak ve se; Pa naw a na tüiha mäiha ka ning jah tüihkiâ a ti betü.
22 Acunkäna ami khana khawkhi hmut lü, â Ngmüimkhya Ngcim doei ua.
23 Khyang hea mkhyenak nami mhlät naküt cun mhläta kya khai; am nami jah mhlät üng jah mhläta am kyaâ a ti.
24 Jesuh a law üng, xaleinghngihe üngka (Angphia ami sui) Thomah cun ami hlawnga am ve.
25 Acunakyase, axüisaw kce he naw, â Bawipa kami hmukiâ ti lü ami mtheh. Thomah naw, â Ami hnennaka a kut nghma am hmu lü, hnennak anghma ka kut pyün üng am mtham lü, a kpem üng hnet lü am ka mhjut üng ta, am jum thei nawngâ a ti.
26 Pat at mhjawk lü, axüisaw he im k'uma ami ngcun be üng Thomah pi ami hlawnga ve hngaki. Ksawhe pi khai lü ami jah ken kyaw, Jesuh law lü ami nglung üng ngdüi lawki naw, â Nami khana dimdeihnak pha law seâ a ti.
27 Thomah üng, â Ka kute jah mthama; ka kute pi jah tenga, na kut säng lü ka kpem hneta. Käh uplat ti lü, jum hnühaâ a ti.
28 Thomah naw, â Ka Bawipa ja ka Pamhnama kya vekiâ a ti.
29 Jesuh naw, â Nang naw na na hmuha phäha na na jumki aw? Am na hmu lü na jumkie ta ihlawka ami josenki niâ a ti.
30 Hina caup üng am ami yuksiha müncanksee khawhah, Jesuh naw axüisaw hea maa jah biki.
31 Acunsepi, Jesuh cun Mesijah, Pamhnama Capaa kyaki ti cun nami jumnak vai ja, ani nami jumnak am xünnak nami yah vaia, ahin he hin jah yuka kyaki.