Romanos 10

1 Cunc’aipimaye, jahuay Æainunxajma’ cacua: “TunÆulâle lun Israel”. ToÆta’a laifxa’huepa ȽanDios. 2 IÆne tama tixoqui quileta tihuejyi ȽanDios, aiquiÆsina’ te ts’i’ic’ latenÆcocoya ȽanDios. 3 AiquiÆcueca lu’ipola’ ȽanDios. IÆque joupa uya’apa, u’ipola’ naitsi iÆne lan xanuc’ loxinyacola’ to ailopa’a quiÆjunac’, tepenuf’mola’. Ituca’ lonespa lun Israel. Ticuayi: “Lanant’Æi’me locuxepa ȽanDios. ToÆta’a aÆsim’monga’ ninc’ic’a xanuc’, lapenuf’monga’.” ToÆiya aimihuejcoyi ȽanDios. IÆque joupa icuapa lo’eyacu lan xanuc’ ja’ni tepenuftsola’ to ailopa’a quiÆjunac’. 4 Ma le’a Jesucristo enant’Æipa lataiqui’ loya’apa locuxepa ȽanDios. Lan xanuc’ aimi’iya menant’Æiyacu. ToÆiya petsi no’huaiyijmpá Cristo ma’ iÆniya ȽanDios tepenufila’ to ailopa’a quiÆjunac’. 5 JiÆpe litaiqui’ liniÆiya Moisés titalai’e cal xans nocuapa: “Canant’Æi’ma locuxepa ȽanDios, toÆta’a aÆsinÆa’ ninc’a xans, lapenuf’ma”. Moisés timi: “Ne’, tanant’ÆiÆa’ locuxepa ȽanDios, toÆta’a toyaico’ma al c’a”. 6 Cal xans nonespa: “Aimi’iya canant’liya, le’a ca’huaiyijm’ma ȽanDios”, ituca’ lotalai’e’epa Moisés. Timi: “Aimones’ma: ¿Naitsi nof’ajya ticuaita lema’a?” ¿Te ja’ni tolecota Cristo timunni? A’i. Joupa i’huamma fa’a li’a Æamats’. 7 Jouc’a timi Moisés: “Ni aimones’ma, ¿Naitsi naimuya, ticuaita pe lomana’ lamizhua?” ¿Te ja’ni taipa’ata Cristo jiÆpiya? A’i. Joupa imaf’inapa, ipanamma. 8 Ja’ni to’huaiyinge ȽanDios, Moisés timihuo’: “A’ij culi’ iÆe lataiqui’ lofmihuejya. JiÆpe Æomunxajma’ to’ay Æinca. Tonesqui.” Ma iÆe lataiqui’ illanc’ laluya’apa. Lu’iyaleyi: “¡ToÆ‘huaiyijnle!" 9 Lu’iyaleyi: Ja’ni tonesla’: “Jesús ma’ anDios”, ja’ni jiÆpe Æomunxajma’ tocua: “Ƚinca ȽanDios imaf’i’inapa, ipa’anapa pe lomana’ lamizhua”, ȽanDios tunÆu’e’mo’. 10 Ticuicomma jahuay Æomunxajma’ to’huaiyijnla’ ȽanDios. ToÆta’a ȽanDios tepenuf’mo’, tixim’mo’ to ailopa’a cojunac’. Jouc’a ticuicomma tonesla’: “Jesús ma’ anDios”, tijouÆa’ ȽanDios tunÆu’e’mo’. 11 Al Paxi LiniÆingiya ticua: Petsi no’huaiyijmpá, iÆniya aimixinyacu calaic’ata, aiminesyacu: “ȽanDios aÆfel’mipa”. 12 ȽanDios tixinnila’ ma’ anuli lan xanuc’. Ja’ni ajudío, ja’ni a’ij judío, ma’ iÆque iÆPoujna jahuay. Acueca’ titoc’ila’ iÆne petsi nojoc’ipá. Aimicuanajyoxi. 13 Al Æinca loya’apa lataiqui’ locuapa: Lan xanuc’ nojoc’ipá, nomipá: “MaiPoujna, aÆtoc’iÆa’”, jahuay iÆniya tunÆul’me. 14 Ja’ni aiquiÆ‘huaiyinge Cristo, ¿nai cojoc’iyacu? Ja’ni aiquiÆsina’ naitsi iÆque, ¿nai co’huaiyijnyacu? Ticuicomma tuya’aÆe. Ja’ni a’i, ¿te co’iya mi’iya quiÆsina’? 15 Ja’ni ailopa’a commenyacola’, ¿nai notseyacu, noya’ayacu? Al Paxi LiniÆingiya tinescola’ noya’apá, ticua: Tixoj’ma calata lapenuf’mola’ noya’apá Lataiqui’. IÆe Lataiqui’ tuya’e’ iÆe al c’a loxpic’epa ȽanDios. 16 Ƚinca, petsi noquimf’epá Lataiqui’ a’i jahuay mihuejcoyi. ToÆta’a cal profeta Isaías timi ȽanDios, ticua: MaiPoujna, ¿naitsi Æepenufpa laluya’apa? Tocomma to ailopa’a quilepenufi. 17 Cacua: Ticuicomma ate’a tiquimf’eÆe Lataiqui’, tijouÆa’ ti’huaiyijnle Jesucristo. Petsi timetsaicoyi Lataiqui’ ma’ itaiqui’ Cristo, iÆniya ti’huaiyijm’me. 18 Itsiya, ¿te qui’ipola’ lun Israel? ¿Ja’ni aicu’innila’ iÆne? Ƚinca u’im’mola’. ToÆiya loya’apa al Paxi LiniÆingiya, ticua: Ni petsi li’a Æamats’ uya’apa Lataiqui’. IÆne noya’apá, liÆtaiqui’ icuaita xonca aculi’ li’a Æamats’. 19 Cacua: IÆne lun Israel, ¿te aiquiÆsina’ toÆta’a lo’iya? Ƚinca iÆsina’. Moisés uya’apa lo’iya, tuya’e’ lonespa ȽanDios, ticua: Itsiya imanc’ aicolimetsaicola’ locuenaye xanuc’. ToÆnescola’, toÆcuayi: “IÆniya amac’ta, aiquiÆcueca”. Pe loÆnescompola’ toÆta’a iya’ ca’e’e’mola’ al c’a, tijouÆa’ imanc’ aimetenÆcoyacolhuo’ laif’eya, tolixtulecu. 20 Isaías xonca al cuajmaica cataiqui’ tuya’e’ lonespa ȽanDios, ticua: Lan xanuc’ petsi aimalahuay, iÆne aÆsinnapa. Petsi aiquilicuitsufi: “¿Pe copa’a ȽanDios?”, jiÆpiya aimuj’moxi, maÆniya aÆsinnapa, limetsaiconapa. 21 ȽanDios ituca’ lonescopola’ lan xanuc’ Israel, ticua: Jahuay litine cajoc’ila’ iÆniya lan xanuc’. Ca’niquila’ laimane’, camila’: “¡TonÆouyunca!” IÆniya aiquiÆcuac’, aimalihuejma’.