Apocalipsis 10
WBT1 Aixim’ma ocuena capaluc quema’a, xonca ipujfxi, timuyomma lema’a. Iju’icoya cummahuay. Tipo’nof’iya Ćijuac anuli lupaje. Li’a ti’onĆcospa to cal ‘ora tunts’ifqui. Li’mitsi’ tocomma to ĆipaĆ cunga to munaj’ma al puc’o c’ec. 2 I’noĆi limane to la’hua je’e uxmalaif’quiya. Al c’a camane li’mis tecaxc’o Ćaja, lipoxa camane qui’mis tecaxu Ćamats’. 3 Ipalai’ma ujfxi tocomma to mija’a’ma calxmu. Lipalai’ma jouc’a una’a’mola’ lan caitsi quetumi. 4 Luna’apola’ lan caitsi quetumi coĆa’ quiniĆ‘ma loya’apa iĆniya. AicaininiĆi. Aicuej’ma tipalay anuli nopa’a lema’a. AĆmi: “AimainiĆijm’ma linespa lan caitsi letumi. Aimo’itola’ lan xanuc’." 5 Lijou’ma Ćapaluc quema’a, maĆque Ćaiximpa tecaxc’o Ćaja tecaxu Ćamats’, i’nif’ma al toncay al c’a quimane, enas’ma lema’a. 6 Icuaj’mi’ma lipuftine Č˝imaf’i’ CanDios, iĆque aimimaya, maĆque Nilanc’epa lema’a y jahuay lopa’a jiĆpiya. Jouc’a ilanc’epa li’a Ćamats’, Ćaja y jahuay lopa’a. Ticua Ćapaluc quema’a: “AimicoĆconaya. 7 Ai’a tuna’a’ma litrompeta Ćijoujma capaluc quema’a, iĆque cal caitsi, ti’i’ma to loya’apa lemiya cataiqui’ iĆe lonescopa lixpic’epa Č˝anDios. IĆe lataiqui’ Č˝anDios joupa u’ipola’ liprofeta, iĆniya no’epá lipenic’ iĆque ĆiĆPoujna." 8 IĆque tipalay jiĆpe lema’a joupa aicuej’ma tipalqui. MaĆque aĆpalaic’oconapa, aĆmi: “To’huaĆa’. To’noĆta al je’e loxmalaif’quiya jiĆpe limane Ćapaluc quema’a, iĆque tecaxc’o Ćaja tecaxu Ćamats’." 9 Ai’huahuo’ma. Cacuaitsi pe lopa’a Ćapaluc quema’a, cami: “AĆni’iĆa’ la’hua je’e”. AĆmi: “To’noĆĆa’, toteĆa’. Moteja toxim’ma ani’i to al cujua. Ticuaitsi locu’u ti’i’ma acuá." 10 Ai’noĆ‘ma la’huaj je’e lopa’a limane Ćapaluc quema’a. Ai’nico’ma laico, aite’ma. Laico i’i’ma ani’i to al cujua. Lijou’ma lainuc’ma laicu’u i’i’ma acuá. 11 Lijou’ma aĆmim’ma: “Toya’acona’ma loxpic’epa Č˝anDios. Tonesco’mola’ lan xanuc’ ituca’ ituca’ ĆiĆeloĆya’, ituca’ ituca’ liĆnaciĂłn, ituca’ ituca’ liĆtaiqui’. Jouc’a topalaico’mola’ axpela’ lan rey."