San Marcos 2

1 Lijoupa luyaipa oquej fanej quitine, Jesús ipainanni, itsufaicona’ma liÆya’ Capernaum. Lan xanuc’ icuej’me Jesús tipa’a lajut’Æ. 2 AiquicoÆ‘ma icuaiyunca axpela’ lan xanuc’, efot’Æe’moÆtsi. Imantsi lajut’Æ jouc’a lico cajut’Æ. Jesús tu’ila’ Lataiqui’ loya’apa iÆe al c’a lixpic’epa ȽanDios. 3 Ocuenaye lan xanuc’ icuaiyunca jiÆpe Æuna. Amalujxi iÆniya iÆtaic’ anuli Æuhuaqueya xans. 4 Ipa’ne’mola’ lefoÆya, aimi’iya muyalaicoyacu, micuaiyacu pe lopa’a Jesús. If’ajli’me lajut’Æ, enai’e’me luhua’e lajut’Æ jiÆpe al toncay pe lacaxu Jesús. MaÆpiya ecajm’mi’me cal xans Æonafya Æihuijmâma’, ipo’ningaitsi li’mitsi’ Jesús. 5 Jesús ixim’mola’ iÆniya ti’huaiyijnyi, ticuayi: “TixaÆ‘mena’ma”. Timi Æuhuaqueya: âMai’hua, joupa iÆojnânapa lojunac’. 6 TicutshuoÆanna jiÆpiya hualca lomxiye nomuc’iyalepá locuxepa ȽanDios. IÆniya ticuayi liÆpicuejma’: 7 “IÆque cal xans, ¿te conescopa toÆta’a? Ma le’a quituca’ ȽanDios nipajnya tiÆonc’e’e’mola’ liÆjunac’ lan xanuc’. IÆque ti’onÆicoyoxi to ȽanDios." 8 Jesús aiquicoÆ‘ma i’i’ma quixina’ te lonespa lan xanuc’. Timila’: âImanc’, ¿te coÆnescopa toÆta’a loÆpicuejma’? 9 ¿Pe copa’a xonca lipime? ¿Te cataiqui’ caifmiya Æafcuana? ¿CamiÆa’: “Lojunac’ joupa iÆojnânapa”, o camiÆa’: “Totsahuenanni, tonif’naÆa’ Æohuijmâma’, to’huanÆa’”? 10 Itsiya camuc’i’molhuo’ icueya laimane. Iya’ iÆque cal Xans Ƚiximpa cal profeta pu’hua lema’a. Ma capa’a fa’a li’a Æamats’ ti’i’ma quimenc’e’eco’mola’ liÆjunac’ lan xanuc’. Ipalaic’o’ma Æuhuaqueya, timi: 11 âIya’ camihuo’, totsahuenanni, tonif’naÆa’ Æohuijmâma’, to’huanÆa’ lomejut’Æ. 12 Ƚuhuaqueya aiquicoÆ‘ma itsahuenanni, inif’ma Æihuijmâma’. Mehuelojnyi lan xanuc’, ixim’me ipanni, i’huana’ma. Ixpailij’mola’, tinesyi: âAcueca’ juaiconapa li’epa ȽanDios. ToÆta’a li’ipa aicaÆsina’, ni anulemma. 13 I’huacona’ma Jesús Æema al cuecaj quin’nuhua’. Jahuay lan xanuc’ iye’me pe lopa’a. Timuc’ila’. 14 Lijoupa limuc’iyalepa, ti’hua tuyaipa, ixim’ma anuli cal xans cuftine Leví, i’hua Alfeo. IÆque Leví ticutsu petsi lo’najts’i’iyaleyompa. Jesús timi: âLihuejla’. Leví itsahuenni, ihuej’ma Jesús. 15 Jesús jouc’a ts’ilihuequi icuaitsa lejut’Æ Leví, ticutshuoÆanna, titetsoyi. Titetsoyi jouc’a axpela’ lin’najtsi’iyale jouc’a ocuenaye lan xanuc’. Jahuay iÆniya a’i mihuejyi locuxepa ȽanDios. Axpela’ iÆniya tihuejyi Jesús. 16 Lomxiye nomuc’iyalepá locuxepa ȽanDios jouc’a lan xanuc’ fariseo ehuelojm’me Jesús titetsoyi anuli lin’najts’i’iyale y locuenaye lan xanuc’. Imetsaiconnila’ iÆne aimihuejyi locuxepa ȽanDios. Timinnila’ ts’ilihuequi Jesús: âToÆsinÆe, ÆoÆpomxi titetsoyi anuli lin’najts’i’iyale y locuenaye lan xanuc’. Jahuay iÆniya aimihuejyi locuxepa ȽanDios. 17 Jesús icuej’ma lonespa iÆniya. Timila’: âLan xanuc’ ja’ni a’i mextafquila’ aimicuicomma mi’e’enyacola’ cafxi. LafcualÆay Æinca ticuicomma no’eyacola’ cafxi. Iya’ aicuaicoco’ma cajoc’i’mola’ ts’iÆjunac’. Aicajoc’iyacola’ petsi ailopa’a quiÆjunac’. 18 Anuli litine tixnet’Æyi aimitetsoyi ts’ilihuequi Juan Bautista jouc’a lan xanuc’ fariseo. Icuaitsa lan xanuc’ pe lopa’a Jesús, timiyi: âTs’ilihuequi Juan jouc’a lan fariseo tixnet’Æyi, aimitetsoyi. IÆne lihuejhuo’, ¿te aimixnet’Æyi? 19 Jesús italai’e’e’mola’, timila’: âMa mipa’a Æamijcano Æamaneya, ¿te tixnet’Æ‘me, aimitetsoyacu ts’iÆejmale? A’i. Anuli miÆmana’ Æamaneya, aimi’iya mixnet’Æyacu. 20 Ticuaihuo litine aimimajnconayacu anuli, iÆe litine Æinca tixnet’Æ‘me. 21 ‘Al ts’e quijahua’ aimi’iya manajmot’Æicoya lafane quijahua’. Ja’ni toÆta’a to’eÆa’, al ts’e quijahua’ tetehuo, tijouÆa’ lafane quijahua’ tits’aÆquehuo xonca. 22 Aimoc’ej’miya al ts’e vino petsi lafanej ponta quixmi. Ja’ni to’etsi toÆta’a, al ponta quixmi tits’aÆquehuo, timinsco’ma al vino, timinsco’ma jouc’a al ponta quixmi. Al ts’e vino tic’ej’minni al ts’e ponta quixmi. 23 Anuli litine conxajya, Jesús jouc’a ts’ilihuequi tuyalaicoyi nolojmay cal trigo. Muyalaicoyi, ts’ilihuequi ipango’me ipa’a’me Æixpaj trigo. 24 Lam fariseo timiyi Jesús: â¡Toxintsola’ lihuejhuo’! Itsiya itine conxajya. Ailopa’a lane mi’eyacu toÆta’a. 25 Jesús timila’: âImanc’, ¿te a’i coÆsuec’ liniÆiya loya’apa li’epa cal rey David? Icuaitsi litine unle’enca iÆque jouc’a liÆejmale, ailopa’a cotejacu. 26 David itsufai’ma lejut’Æ È½anDios. JiÆpe tipa’a lam paxi ca’í. IÆne la’í tipa’a lane tite’me ma le’a la’aillí, a’i lan xanuc’. David ite’ma jouc’a epi’i’mola’ liÆejmale, ite’me. ToÆta’a i’ipa mipa’a Abiatar cal cuecaj ca’ailli’. 27 Jesús ti’hua tipalaic’ola’ lan xanuc’, timila’: âȽanDios ate’a ilanc’epa cal xans, lijou’ma enaj’ma litine tunxajla’ cal xans. A’i quenaqui litine ate’a. 28 Iya’ iÆque cal Xans Ƚiximpa cal profeta pu’hua lema’a. Iya’ cacuxe’ela’ laixanuc’ te lo’eyacu iÆe litine conxajya.