San Marcos 16

1 Luyai’ma litine conxajya María Æas Magdala, María qui’máma’ Jacobo, jouc’a Æaca’no’ Salomé, iye’me i’natsa laceite tujuej c’a ti’huof’ita licuerpo Jesús. 2 I’i’ma quitine al te’a quitine al xamano. (IÆiya adomingo.) Tipammaiyumma cal ‘ora, icuaitsa Æunts’eja’. 3 TimiyoÆtsi: â¿Naitsi laliÆonc’e’eyaconga’ Æapic Æeti’icoya lico cunts’eja’? 4 Lixim’me lico cunts’eja’ ixim’me joupa iÆonc’empa Æapic, ipo’nompa jiÆpe anuli liju’. IÆque Æapic juaiconapa acueca’. 5 Itsuflai’me Æunts’eja’, ixim’me al c’a camane ticutsu anuli Æamijcano. Afujca lipijahua’, axehuay. Ixpailij’mola’. 6 Ƚamijcano timila’: âAimixpailij’molhuo’. Tolahueyi Jesús Æas Nazaret, maÆque ÆepaÆts’ingimpa. Ilque ailopa’a fa’a. Joupa imaf’inapa. ¡Tolahuelongunca! Jifa’a lipo’no’empa licuerpo. 7 Imanc’ tonÆenÆe, tolu’itsola’ ts’ilihuequi Jesús, jouc’a Pedro, toÆmitsola’: “Jesús ti’hua’ma Galilea. ToÆcuaitsa jiÆpiya toÆtalecufta ma to limipolhuo’." 8 LacaÆ‘no’ ipalunca Æunts’eja’. Inul’me. Juaiconapa tixpailiquila’, tiyula’. Nij naitsi lu’ipa. 9 Jesús imaf’ina’ma liÆic’ejma’ al te’a quitine al xamano, iÆiya adomingo. Imuj’moxi ate’a María Æas Magdala, iÆque Æaca’no’ Æipa’empa acaitsi lontahue. 10 IÆque i’hua’ma u’itsola’ liyejmalepá Jesús. IÆniya tihuotsoyi, tijolijyi. 11 María timila’: âJesús imaf’i’. Iya’ aiximpa. IÆniya aiquiÆ‘aic’ Æinca locuapa. 12 Jesús imujcona’moxi pe lomana’ oquexi’ ts’ilihuequi. JiÆniya tiyeyi lane ticuaita cal ’ec. Imuj’moxi tocomma ipaicomma. 13 IÆne loquexi’ ipailiconanca, licuaitsa pe lomana’ liÆpimaye, uya’a’me liximpa Jesús. LiÆpimaye inescona’me: “A’ij Æinca”. 14 Lijou’ma Jesús imuj’moxi pe lomana’ limbamaj nuli ts’ilihuequi. IÆniya titetsoyi. Itale’mola’ iÆniya nonespá: “A’ij Æinca iÆe loya’apa laÆpimaye. Aiquimaf’i’ Jesús.” Ixim’mola’ ata liÆpicuejma’. 15 Jesús timila’: âTonÆeÆe ni petsi li’a Æamats’. Toluya’atsa Lataiqui’ loya’apa iÆe al c’a lixpic’epa ȽanDios. Tolu’itsola’ jahuay lan xanuc’. 16 IÆne napenufyacu Lataiqui’, tepoliÆe, iÆniya tunÆul’me. Naitsi aimepenufi Lataiqui’, iÆque tecani’ma. 17 ‘Tixinim’me al cueca’ lo’eyacu iÆne napenufyacu Lataiqui’. Tipa’a’me lontahue litsuflaipá lan xanuc’, tipalai’me ituca’ liÆtaiqui’. 18 Ja’ni ti’noÆÆe lainofat’Æ o tixnaÆe cafxi cummaiya ailopa’a co’e’eyacola’. Tixpayaf’me liÆmane lafcualÆay, iÆne tixaÆcona’mola’. 19 Lijoupa limipola’ toÆta’a caÆ‘Ailli’ Jesús if’ajna’ma lema’a. JiÆpe icutsingaitsi al c’a camane ȽanDios. 20 Ts’ilihuequi Jesús ipalunca. Ni petsi uya’atsa Lataiqui’, iÆe loya’apa al c’a lixpic’epa ȽanDios. ȽanDios liyejmalepa, i’e’ma acueca’. ToÆta’a imuc’i’mola’ lan xanuc’ aÆinca Lataiqui’ loya’apa ts’ilihuequi Jesús.