San Mateo 28

1 Joupa uyaipa litine conxajya. I’ipa quitine al te’a quitine al xamano. María Æas Magdala jouc’a Æocuenaj María iye’me ixintsa Æunts’eja’. 2 Licuaitsa nungay Æunts’eja’ iximpá joupa inupa acuecaj cunanto. Li’ipa Æiya imunni lema’a anuli Æepaluc ÆaÆPoujna ȽanDios. IÆque Æapaluc quema’a joupa icuaita pe lopa’a Æunts’eja’, iÆonc’epa Æapic Æeti’icompa lico cunts’eja’, icutsafcaic’. 3 Li’a tunts’ifi to lixcuaflay. Lipijahua’ ma afujca to cal nieve. 4 Lixim’me lan soldado ixpailij’mola’, iyu’mola’, imanenca to limac’la. 5 Licuaitsa jiÆpe lacaÆ‘no’, Æapaluc quema’a ipalaic’o’mola’, timila’: âAimixpailij’molhuo’. Aixina’ naitsi conlahuepa. Tolahueyi Jesús, iÆque ÆepaÆts’ingimpa lancruz. 6 Fa’a ailopa’a. Ma to luya’apa joupa imaf’inapa. TonÆouyunca. ToÆsinna pe lipo’no’empa. 7 TijouÆa’ aimicoÆ‘molhuo’ tonÆeÆe pe lomana’ ts’ilihuequi. ToÆmitsola’: “Jesús imaf’inapa. Ipayonamma pe lomana’ lamizhua. I’huanapa Galilea. Imanc’ tonÆeÆe jiÆpiya. ToÆsinnata.” ToÆta’a laitaiqui’, joupa nu’ipolhuo’. 8 LacaÆ‘no’ aits’icoÆ‘mola’ jiÆpiya Æunts’eja’, ipailinanca. Iye’me tinulyi tu’innola’ ts’ilihuequi Jesús. Tama tixpailiquila’ tixoqui quileta. 9 Miyeyi lane italecuf’mola’ Jesús. IÆque inom’mola’ ma to mi’ay. LacaÆ‘no’ iÆoc’oÆai’me, exc’onÆingoÆai’me, i’noÆ‘e’e’me li’mitsi’. 10 Jesús timila’: âAimixpailij’molhuo’. TonÆeÆe. ToÆmitsola’ laipimaye tiyeÆe Galilea. JiÆpiya aÆsinnoÆtsi. 11 Lan soldado, iÆne ni’epá cuenna Æunts’eja’, joupa iyenapá. Miyeyi lacaÆ‘no’ hualca iÆniya lan soldado icuainatsa ate’a Jerusalén. JiÆniya ipalaic’om’mola’ lixanuc’ cal cuecaj ca’ailli’, uya’a’me jahuay liximpa. 12 Lixanuc’ cal cuecaj ca’ailli’ jouc’a lan tsilaj xanuc’ noxpijpá lataiqui’ efot’ÆepoÆtsi. Ixpic’e’me lo’eyacu. Epi’im’mola’ lan soldado acuecaj tomí. 13 Icuxe’em’mola’, timinnila’: âToluya’a’me: “Li’ipa lipuqui’ icuaita ts’ilihuequi Jesús, ipa’ahuona’me. Illanc’ aÆsmaipá." 14 Cal gobernador romano, ja’ni ticuejla’ imanc’ oÆsmaipá, illanc’ aÆpalaic’ota. Imanc’ ailopa’a co’e’eyacolhuo’. 15 Lan soldado epenuf’me al tomí, uya’a’me ma licuxe’empola’. Itsiya litine ma’ anuli tinesyi lan xanuc’ judío. 16 Limbamaj nuli ts’ilihuequi Jesús iye’me Galilea, icuaitsa Æijuala petsi iÆque limipola’ tiyeÆe. 17 JiÆpiya ixim’me Jesús. Jahuay exc’onÆingoÆai’me. Hualca ixhueÆco’me, ticuayi: “¿Te maÆque Jesús o ocuena?" 18 Jesús iÆoc’ai’mola’, timila’: âJoupa lapi’impa laimane, cacuxe jahuay lopa’a lema’a, jahuay lopa’a li’a Æamats’. 19 Itsiya camilhuo’: TonÆeÆe jahuay li’a Æamats’. Ni petsi lomanc’eyacu lan xanuc’ tolu’itsola’ laitaiqui’, lihuejla’. Tolapo’itsola’ ti’itsola’ ixanuc’ cai’Ailli’ ȽanDios, jouc’a aixanuc’, iya’ i’Hua ȽanDios, jouc’a ixanuc’ cal Espíritu Santo. ToÆiya toÆcuaj’mi’me lam fane’ Æaftine. 20 ToÆmuc’itsola’ tihuejcoÆe jahuay Æataiquí laicuxe’epolhuo’. Aicapo’noyacolhuo’ coÆtuca’. Itine itine aÆmajm’me anuli. Ticuaitsi Lijoujma Quitine ma toÆta’a aÆmajm’me.