San Juan 1

1 Al te’a ai’a tipango’ma jahuay, tipa’a anuli Æecui’impá Lataiqui’. IÆque Æecui’impá Lataiqui’ copa’a pe lopa’a ȽanDios. IÆque ma’ anDios. 2 Ai’a tipango’ma jahuay, iÆne ȽanDios y Lataiqui’, anuli tiÆmana’. 3 JiÆquiya Lataiqui’ ilanc’epa jahuay. Jahuay lopa’a lilanc’epa iÆquiya. Ailopa’a cocuena nilanc’epa. MaÆquiya ilanc’epa jahuay. 4 JiÆquiya tipa’a lipitine. Nij naitsi lepi’ipa, ma iÆquiya quituca’ i’hueca lipitine. IÆque tepi’ila’ liÆpitine lan xanuc’, tepalc’o’ila’ liÆpicuejma’. 5 Jifa’a li’a Æamats’ lan xanuc’ juaiconapa amuf liÆpicuejma’. JiÆquiya ti’hua tepalc’o’ila’. JiÆiya al cuecaj muf aimi’iya mipijya jiÆque lipepalc’o’. 6 Tipa’a anuli cal xans cuftine Juan. ȽanDios epi’i’ma lipenic’, ti’eÆa’ ma to limipa. 7 Icuxe’epa tu’itsola’ lan xanuc’ naitsi iÆque Ƚapalc’o’iyacola’. Jahuay ti’huaiyijnle jiÆquiya Lepalc’o’. 8 JiÆque Juan a’i jiÆquiya Lepalc’o’. Aimi’iya mepalc’o’iyacola’ lan xanuc’. Le’a tipalaico’ma Ƚapalc’o’iyalepa. 9 JiÆquiya Æopalaicopa Juan, iÆque Æinca Epalc’o’. Icuai’ma fa’a li’a Æamats’, tepalc’o’ila’ lan xanuc’ ni petsi lomana’. 10 Ƚilanc’epa li’a Æamats’ icuai’ma fa’a, lan xanuc’ aiquilimetsaijma. 11 Petsi lomana’ lipiÆya’ xanuc’ maÆpiya icuaiyunni. IÆniya aiquilepenufi. 12 Lan xanuc’ nepenufpá, iÆne no’huaiyijmpá, jiÆquiya epi’i’mola’ liÆmane timetsaicontsola’ inaxque’ ȽanDios. 13 IÆne, ¿te ts’i’ic’ li’ipola’ inaxque’ ȽanDios? ¿Te quiÆ‘ailli’ acueca’ xans? A’i. O, ¿te iÆniya quiÆtuca’ liÆpicuejma’ ixpic’e’me ti’itsoÆtsi inaxque’ ȽanDios? A’i. O, ¿te anuli cal cuecaj quincuxepa ixpic’epa, imipola’: “Iya’ cacua: Ti’itsola’ inaxque’ ȽanDios”? A’i. Ma ȽanDios ixpic’epa, toÆta’a li’ipola’ iÆniya inaxque’ ȽanDios. 14 IÆque Æecui’impá Lataiqui’ maÆque anDios, i’epoxi xans, icuaiyunni ma fa’a li’a Æamats’. Ipajmpa pe laÆmana’, aÆsimpá te ts’i’ic’ lipicuejma’ jiÆquiya, maÆque cal Nuli qui’Hua ȽanDios. AÆsimpá ituca’, ailopa’a xonca toÆquiya. IÆque ma le’a ac’a lixpic’ejma’. AimifelÆaique. AÆtoc’inga’. Lu’inga’ al Æinca. 15 Juan Bautista tu’ila’ lan xanuc’: âTicuaihuo Æi’Hua ȽanDios. Ujfxi ipalaic’o’mola’, timila’: âFa’a tipa’a iÆque Æaipalaicopa, aimipolhuo’: “Iya’ aicuai’ma ate’a. TijouÆa’ ticuaihuo ocuena xonca cal cueca’. JiÆque Æinca cal te’a. Iya’ ma ailaifpa’a, jiÆquiya tipa’a.” Itsiya toÆsinÆe, joupa icuai’ma. Ma fa’a tipa’a. 16 IÆquiya ixhuaiya lipicuejma’. Illanc’ a’i quixhuaiya laÆpicuejma’, lahue’enga’ axpe’. IÆquiya Æinca ixhuaiya lipicuejma’. AÆÆanc’e’enga’ laÆpicuejma’, ti’iÆa’ al c’a. ȽanDios joupa aÆtoc’iponga’. Itsiya’ xonca aÆtoc’inga’. 17 Lummepa Moisés, aÆtoc’iponga’. IÆque uya’a’ma locuxepa ȽanDios. Itsiya xonca aÆtoc’inga’, ummepa Jesucristo. MaÆque aÆtoc’inga’, aÆmuc’inga’ jahuay al Æinca. 18 Nij naitsi niximpa ȽanDios. Cal Nuli qui’Hua ȽanDios tiÆmana’ anuli, ma’ iÆque aÆmuc’iponga’ li’ejma’ ȽanDios. 19 Lan xanuc’ judío, maÆniya nomana’ liÆya’ Jerusalén, ummem’mola’ la’aillí, jouc’a notoc’iyalepá la’aillí. Icuaiyunca pe lopa’a Juan Bautista, icuis’e’me, timiyi: â¿Naitsi ima’? 20 Juan u’i’mola’ al Æinca, aiquemi’e’mola’, timila’: âIya’ a’i ninCristo. 21 Icuis’econa’me, timiyi: âLu’itsonga’, ¿naitsi ima’? ¿Te ima’ unElías? Timila’: âIya’ a’i. Icuis’econa’me, timiyi: âȽanDios icuapa: “Cumme’e’molhuo’ anuli Æaiprofeta”. Itsiya illanc’ licuis’ehuo’, ¿te ima’ iÆque cal profeta? Italai’e’e’mola’, timila’: âIya’ a’i. 22 Icuis’econa’me, timiyi: âLu’itsonga’, ¿naitsi ima’? Ticuicomma lu’itola’ lalummeponga’. ¿Te cofnescoyacoxi? ¿Te ts’i’ic’ lopenic’? 23 Juan italai’e’e’mola’, ipalaico’moxi. U’i’mola’ litaiqui’ cal profeta Isaías, tuya’e’: Petsi ailopa’a quiÆya’ tuya’e’ anuli cal xans, tu’ila’ lan xanuc’: “ToÆÆanc’e’eÆe lipene ÆaÆPoujna”. ToÆta’a ipalaico’moxi Juan Bautista. 24 IÆniya lummempola’ nopalaic’opá Juan afariseo. 25 Ti’hua tipalaic’oyi Juan, timiyi: âIma’ tocua: “IÆniya cal Cristo, cal Elías, cal profeta Æommeya ȽanDios, iÆne ocuenaye, a’i iya’”. Ne’. Itsiya ¿te cofmepo’icopola’ lan xanuc’? 26 Juan italai’e’e’mola’, timila’: âIya’ capo’icola’ aja’. Itsiya fa’a pe loÆmana’ tipa’a ocuena. Imanc’ aicolimetsaijma. JiÆquiya xonca acueca’ xans. Iya’ ni aimi’iya cuhuaÆc’e’eya lic’eJi’. TijouÆa’ cajou’neÆa’ iya’ laipenic’ iÆque tipango’ma lipenic’. 28 ToÆta’a li’ipa jiÆpe cuftine Betábara, Æu’huaj quiyay al pana’ Jordán, maÆpiya Juan tepo’iyale. 29 Lihuequi litine Juan ixim’ma Jesús icuaico’ma. Timila’ lan xanuc’: â¡ToÆsinÆe! IÆque ÆiMoÆ È½anDios. TiÆonc’e’e’mola’ liÆjunac’ lan xanuc’ nomana’ fa’a li’a Æamats’. 30 Iya’ joupa aipalaicopa iÆquiya. Joupa nu’ipolhuo’: “Cajou’neÆa’ laipenic’ iÆque tipango’ma lipenic’. IÆque xonca acueca’. Iya’ ma’ ailaifpa’a jiÆque tipa’a." 31 Iya’ aicainimetsaijma. Iya’ aicuaicoco’ma capo’itsolhuo’ imanc’ ixanuc’ Israel, tolimetsaicoÆe jiÆquiya. 32 Juan ma ti’hua tipalaijma Jesús. Tuya’e’ li’ipa, ticua: âIya’ aicainimetsaijma Jesús. Aicaixina’ naitsi jiÆquiya. Aiximpa cal Espíritu Santo ti’onÆcospa to anuli cal paloma, imumma ehuoxaf’caipa Æijuac Jesús. MaÆque ȽanDios Æalummepa capo’iyaleÆa’ aja’, aÆmipa: “Toxim’ma timuyohuo lema’a cal Espíritu Santo. Tehuoxaf’cai’ma Æijuac anuli cal xans. JiÆquiya aimepo’icoyacolhuo’ aja’. Tepo’ico’molhuo’ cal Espíritu Santo.” ToÆta’a laÆmipa ȽanDios. Itsiya camilhuo’ jiÆquiya Jesús i’Hua ȽanDios. 35 Lihuequi litine tecaxhuoÆanna Juan jouc’a oquexi’ ts’ilihuequi. 36 Juan ixim’ma Jesús ti’hua lane. Timila’ ts’ilihuequi: â¡Tolahuelojnle! JiÆquiya iMoÆ È½anDios. 37 IÆniya loquexi’ ts’ilihuequi Juan icuej’me lonespa. Ihuejna’me Jesús. 38 Jesús ipai’e’moxi, ixim’mola’ loquexi’ iÆenc’e, timila’: â¿Te colahuepá? IÆniya italai’e’e’me Jesús, timiyi: âRabí, ¿pe copanc’epa? (Lataiqui’ “Rabí”, iÆe ahebreo, ticuajmaispa: Omxi.) 39 Jesús timila’: âTonÆouyunca. Ƚepá. ToÆsinna. Iye’me, ixintsa jiÆpe pe lipanc’epa Jesús. Joupa uyaipa nolojmay cummuhuijma’. Imanequenca jiÆe litine. 40 Lijoupa licuejpá linesma Juan iÆne loquexi’ ihuejna’me Jesús, anuli cuftine Andrés, iÆque ipima Simón Pedro. 41 Andrés ehuetsi Æipima, iÆque Simón, timi: âIllanc’ aÆsimpá cal Mesías. IÆe lataiqui’ “Mesías” ticuajmaispa: Cal Cristo, iÆque Æommeya ȽanDios. 42 Andrés ilecohuona’ma Simón, icuaitsa pe lopa’a Jesús. Jesús ehuelojm’ma Simón, timi: âIma’ unSimón, mi’hua Jonás. Ima’ tecui’im’mo’ unCefas. “Cefas” ataiqui’ hebreo. MaÆe lataiqui’ griego “aPedro”, ticuajmaispa: Acueca’ capic. 43 Lihuequi litine Jesús ixpic’e’ma ti’hua’ma al distrito Galilea. Mi’hua lane italecuf’ma anuli cal xans cuftine Felipe. Timi: âLihuejnaÆa’. 44 JiÆquiya Felipe qui’huayomma Betsaida, liÆpiÆya’ Andrés y Pedro. 45 Felipe ehuena’ma anuli cal xans cuftine Natanael, timi: âMoisés jouc’a lam profeta ipalaicopá anuli cal xans. Joupa aÆsimpá iÆque. MaÆque Jesús Æas Nazaret, i’hua José. 46 Natanael timi: âLiÆya’ Nazaret, ¿jiÆpiya tipa’a al c’a? Felipe timi: âȽepá. Toxinna. 47 Jesús lixim’ma icuaico’ma Natanael. Inesco’ma, ticua: âJifa’a tipa’a anuli cal c’a xans. Ma’ al Æinca i’hua Israel. AimifelÆaique. 48 Natanael icuis’e’ma, timi: â¿Te li’ipa lalimetsaicopa? ¿Pe caÆsinyopoÆtsi? Jesús timi: âAi’a tijoc’i’mo’ Felipe, aiximpo’. Cofpa’a lipunxahua la’icux. 49 Natanael timi: âRabí, ima’ i’Hua ȽanDios. Ima’ maÆRey illanc’ ixanuc’ Israel. 50 Jesús timi: âMa le’a aimipo’: “Aiximpo’ cofpa’a lipunxahua la’icux”, toÆta’a aÆ‘huaiyijm’ma. Toxim’ma xonca’ al cueca’. 51 Imicona’ma: âIya’ camilhuo’: ToÆsim’me lema’a exiya. AÆsim’ma aÆ‘onÆcospa to al hualijm’ma petsi tif’ajliyi, tilimulumma lepaluc’ ȽanDios. Iya’ iÆque cal Xans Ƚiximpa cal profeta pu’hua lema’a.