1 Corintios 3

1 Unc’aipimaye, laÆmajmpá anuli jiÆpiya aicaimuc’ilhuo’ lipime cataiqui’. Aiqui’ic’. Tocomma afule molihuejyi Cristo. Aimolihuejyi cal Espíritu Santo. Xonca tolihuejyi coÆtuca’ loÆpicuejma’. Aiximpolhuo’ ti’onÆcospolhuo’ to la’uhuay. 2 ToÆiya iya’ laites’mipolhuo’ ti’onÆcospa to aleche a’i quixic’. Cacua: Laimuc’ipolhuo’ a’i quipime cataiqui’, pangay aiquipime. IÆniya Æitiné aiqui’ic’ colihuic’i lipime cataiqui’, itsiya jouc’a aimi’iya. 3 Ma’ itsiya tolihuejcoyi coÆtuca’ loÆpicuejma’. ToÆ‘ejcoyoÆtsi laic’. ToÆfuli’icoyoÆtsi. TolanajyoÆtsi, anuli anuli ti’hua lipene. ¿Te ja’ni toÆta’a tolihuejcoyi cal Espíritu Santo? ToÆta’a liÆ‘ejma’ iÆniya pe aiquilepenufi cal Espíritu Santo. 4 Hualca imanc’ toÆcuayi: “Illanc’ lihuejyi Pablo”. Hualca toÆcuayi: “Illanc’ lihuejyi Apolos”. Mi’i toÆta’a loÆ‘ejma’ Æinca tolihuejcoyi coÆtuca’ loÆpicuejma’. 5 Iya’ ninPablo, ¿naitsi iya’? Apolos, ¿naitsi iÆque? Illanc’ ma le’a ninc’ixanuc’, aÆ‘eyi lanic’ lalapi’iponga’ ȽanDios. Aluya’ayi litaiqui’ ȽanDios. Imanc’ oÆ‘huaiyijmpá iÆque. Anuli anuli tipa’a laÆpenic’ lalapi’iponga’ ȽanDios. 6 Iya’ aifapa, Apolos ic’ejpa, ȽanDios itoc’epa. 7 Illanc’ aÆfapá, aÆc’ejpá, a’ij cueca’ iÆe lanic’. Al cueca’ xonca lo’epa ȽanDios Notoc’epa. 8 Ja’ni aÆfayi, ja’ni aÆc’ejyi, ma’ anuli aÆ‘eyi lanic’ lalapi’iponga’ ȽanDios. TijouÆa’ anuli anuli lulij’me lalapi’iyaconga’ ȽanDios. Ituca’ ituca’ lalapi’iyaconga’ ma to laÆpenic’ laÆ‘epa. 9 AÆ‘eyi canic’ anuli ȽanDios. Imanc’ ti’onÆcospolhuo’ to quequeya ȽanDios. Ti’onÆcospolhuo’ to lajut’Æ lolanc’epa ȽanDios. 10 ȽanDios lapi’ipa laipenic’, cuya’atsi litaiqui’ Jesucristo. ToÆta’a jiÆpe lai’epa ti’onÆcospa to lo’epa Æomxi canic’ ts’ixina’ lo’eya tilanc’eÆa’ al c’a cajut’Æ. Tocomma to aipupa camats’, aipo’nopa lopo’nof’inyacu ÆaitaÆ. Itsiya ocuenaye tuyai’eyi ÆaitaÆ. Camila’ iÆniya: “ToÆpo’noÆe cuenna te ts’i’ic’ lonÆ‘eyacu. 11 Ne’, toluyai’etsa ÆaitaÆ. AimoÆpo’nocona’me lopo’nof’inyacu ÆaitaÆ. Iya’ joupa aipo’nopa, iÆque Jesucristo. Ailopa’a cocuena." 12 Ticuaitsi al Cuecaj Quitine ti’huájta acuajmaica te jale lanic’ li’epa iÆne nolanc’epá ÆaitaÆ. JiÆpe litine tiÆic’eyo’ma cunga. Ƚunga tuyaico’ma jahuay, hualca tipi’e’ma nulemma, hualca tipanehuo. ToÆta’a ti’huájta te lilanc’ecompa ÆiÆpitaÆ, ja’ni a’oro, aplata, apic’ juaiconapa ipitali, o ja’ni a’ec, ajaxa, apajac. 14 Cal xans ja’ni tipanehuo ÆaitaÆ Æipo’nof’ipa, iÆque tulij’ma lalapi’iya ȽanDios. 15 Ja’ni tipiÆa’ nulemma ailopa’a capenufya. Tope tope tipanehuo. Jahuay li’epa tejac’ma. Ma to afule munÆu’enyacola’ lan xanuc’ mipila’ Æilejut’Æi, toÆiya afule munÆuya iÆque. 16 Imanc’ nolafot’ÆepoÆtsi jiÆpe, ¿ja’ni aicoÆsina’ ti’onÆcospolhuo’ to ejut’Æ È½anDios? JiÆpe tipanga cal Espíritu Santo. 17 Cal xans najac’eya lejut’Æ È½anDios, maÆque ȽanDios tejac’e’ma iÆque cal xans. IÆe lajut’Æ apaxi, ma i’huexi ȽanDios. Imanc’ noÆmana’ ejut’Æ È½anDios, imanc’ i’huexi iÆque. 18 Imanc’ aimoÆfel’mi’moÆtsi. AimoÆ‘onÆico’moÆtsi to lan xanuc’ naihuejpá quiÆtuca’ liÆpicuejma’. AimoÆnes’me: “Joupa aixina’. Acueca’ laipicuejma’.” Ja’ni tonesqui toÆta’a najmay taimetsaico’moxi mamac’ta. ToÆta’a tapenuf’ma copicuejma’. 19 IÆne naihuejpá quiÆtuca’ liÆpicuejma’ tama tocomma acueca’ quiÆsina’, ȽanDios tixinnila’ amac’ta. ToÆta’a loya’apa al Paxi LiniÆingiya, ticua: IÆne petsi acueca’ liÆpicuejma’ Æinca iÆsina’ lixcay. Ma mi’eyi iÆe lixpic’epa, ȽanDios tic’aiÆ‘mola’. 20 Jouc’a tuya’e’: ȽanDios ixina’ te ts’i’ic’ liÆpicuejma’ iÆne nocuapá: “Iya’ aixina’”. Tixinnila’ ailopa’a al c’a lo’eyacu. 21 Itsiya imanc’ aimoÆnescona’me: “IÆque cal xans tipa’a xonca acueca’ lipicuejma’, iÆque naÆcuxepa, quihuej’ma”. IÆniya loÆpomxiye lepi’icopolhuo’ ȽanDios titoc’itsolhuo’. 22 Iya’ camilhuo’: Imanc’ ja’ni aÆpalaijma iya’ ninPablo, o toÆpalaicoyi Apolos, o Cefas (iÆque aPedro), o toÆpalaicoyi li’a Æamats’, o lapajnya, o lamaya, o lopa’a itsiya, o lo’iya locuaicoya quitine, toÆ‘nujuaitsa ȽanDios epi’icopolhuo’ jahuay iÆna’a titoc’itsolhuo’, a’i micuxeyacolhuo’. 23 Ƚinca tipa’a Nocuxepolhuo’, iÆque Cristo. MaÆque Cristo tipa’a nicuxepa, iÆque ȽanDios.