Diyona 1

1 Fuya ma esega, Yaubada ya libalau Amitai natuna Diyona lisina. Iyen, 2 U lau Ninewa duhu balabalamumuna be u sagaliyedi; paêana dodogadi edi heyaheyaya haêa E sibaidi. 3 Yo fede, Diyona, edaêeda hesa ya lau watan paêana hige i fanuha Yaubada ena nuwatuhu i lau watan. Ya leu Diyopa nuêuna yai, be waga hesa ya lobahi ya laulau Sipani. Yo fede ena pasisi ya famaisa na bena ya awa gela maidana, waga tau paisowadi, be sa aulaha sa leu Sipani, paêana tabu Yaubada ena nuwatuhu i lau watan. 4 Debana yai Yaubada yauma laêilaêi ya fatamali gabogabo yai mate ya adidili wananaha be waga bena ya lubi dagidagi. 5 Waga tau paisowadi sa êwasabu wananaha, yo fede hesa - hesa ya anêeta lau ena yaubada lisina be haba sagu ya lobahi. Ginauli mahudoêina waga ganahewana yai sa lofe taluhidi gabogabo yai, be tabu i bulu. Maihalana yai Diyona ya lidi waga ganahewana yai, be ya eno êwafu. 6 Waga tau ulinna Diyona ya ita be ya fatiêoi, iyen, Sidohana be wa laulau eno? Haga u obiyo be u lauêuêula lau em Yaubada lisina be i saguhida. Nuwana haba i nuwatohatohaeda, be ibege ta peêi. 7 Waga tau paisowadi sa liba, tiyen, Haga, nesu itaêita yai, ta yoêoi, haba te lobahi, sai ena ponoli yai be heyaheyaya te lobahi. Yo fede nuwatuhuna sa lau watan, be Diyona gilu ya bahe. 8 Yo fede sa liba, tiyen, Um êe fagilum. Aho te, u falibamai! Somo amaiteêi wa ginaginauli? Em nuêu somo? 9 Diyona alinadi ya bui, iyen, Yau Hebelu dogana, Galewa Yaubadana, “Yawe,” tanohi yo gabogabo tau ginaulidi E fadebasae (Auêaulaha 3:11-14) 10 Yau aho E gela, paêana Yaubada ena nuwatuhu hige ya lau watan. Yo fede, waga tau paisowadi sa tau hiti, be sa liba, ite, Sidohana be doha wa ginauli? 11 Hwayahwayau ya falaêi, yo fede waga tau paisowadi sa fatiêoi, itebom, Ibe somo ai lisim êe ginauli haba yauma te ya fatautau? 12 Diyona alinadi ya bui, iyen, Au pei lidiyegu, haba gabogabo ya daumwali. E sibai mate egu ponoli yai yauma ya abi esegahimiu. 13 Waga tau paisowadi sa anpate adidili bena waga sa lawen sadai yai. In moho, hige gonowadi paêana ainiya, ena abi ya heyaya wananaha. 14 Yo fede, sa anêeta lau Yaubada lebena, tiyen, Yaubada, somo êe ginauli doga te lisina yai; tabu u manabalaêemai, um em nuwatuhu yai êe ginauli. 15 Habahim Diyona sa abi hitiêi; be sa lofe taluhi gabogabo yai. Yo fede, gabogabo ya daumwali. 16 Amainiya, waga tau paisowaidi Isalaela edi Yaubada sa êwasabuwen, yo fede sa kawawananahaêen, be edi antalasam sa ginauli, na sa angwala haba sa famuli watan. 17 Yaubada ena nuwatuhu yai hama laêilaêi ya fatamali be Diyona ya dom. Na ya miya bogana yai lahai faihona yo maihona faihona.