Paisowa 9

1 Saulo, Guyau tau famuli watanina ya liba fafaêwasabudi bena ya wunuidi. Ya lau Tau Antalasam Baêisana, 2 ya anêetai be pepa hesa ya uli lawen Diusi edi aba oigogo Damaseko yai, enehedi. Be ibe sai laêi, waihin e taumoho salumadi “Guyau Yesu ena Edaêeda” sa famuli watan, ya audi be ya fafuyodima Yelusalem. 3 Saulo ya laoma Damaseko taonna hanahanauna yai. Yo fede mala laêilaêina ya lidima galewa yai be ya sina fafataêiêili. 4 Yo fede Saulo ya beêu lidi tanohi yai na alina hesa ya atahi ya liba laoma lisina yai iyen, Saulo, Saulo! Paêana somo be wa fakamkamnagu? 5 Alinana ya bui iyen, Guyau, Um sai? Yesu wa, Saulo alinana ya bui fafuyo iyen, Yau Yesu. Logegu wa fahisu faheyayagu. 6 U obiyo be u lau taon! Ainiya haba somo sa falibam wa ginauli. 7 Salumadi maêedi Saulo sa laulau mate sa todi na hige somo hesa ti libaen; hige dogana ti ita, na alina afaêafana moho sa atahi. 8 Saulo tanohi yai ya obiyoma be matana ya falaladi. In moho hige somo laêi i ita. Yo fede sa abi nimai be sa foya lawen Damaseko. 9 Lahai faihona hige gonowana somo laêi i ita, i an e i nom. 10 Tau kawawananaha dogana hesa Damaseko yai hesana Ananiya. Tautau hesa ya ita. Ganahewana yai Guyau ya libalau lisina iyen, Ananiya! Alinana ya bui fafuyo iyen, Ho! Guyau, yau ite. 11 NA Guyau ya libalau lisina iyen, U abi nonoha be u lau edaêeda hesana “Edaêeda Dudulaina” u lau watan. Diudasi ena luma yai, Tasusi dogana hesa hesana Saulo u fatiêoi. In mate ya laulauêuêula, 12 na haêa tautau yai ya ita mate taumoho hesa hesana Ananiya ya ita ya luhuma be nimana ya tole lawen hewana yai be haba matana ya falala be ya itaêita fuyo. 13 Ananiya Guyau alinana ya bui iyen, Guyau, dodoga boludi wasana sa libalibaen, yo laulau heyaheyayadi Yelusalem yai ya ginaginaulidi em fatabudi dodoga lisidi yai, haêa E atahi. 14 Tau antalasam babaêisadi gigibwali sa felen na ya laoma Damaseko be safalumamai hesam êe fafapaisowa, bena ya aumai. 15 Na Ananiya alinana Guyau ya bui iyen, U lau paêana haêa E fasinabom be in haba egu tau lau fayofayo, haba hesagu ya fatadada taêowawa yo kin hahaisa yo Isalaela dodogadi lisidi yai. 16 Ginauli mahudoêidi haba ya ankamkamnaêedi Yau debagu yai mate haba E faêita. 17 Yo fede Ananiya ya aulaha be ya lau Saulo ena aba miyamiya lumana yai, ya luhulau be nimana ya tole lawen hewana yai. Na iyen, Hidagu Saulo, Guyau Yesu In, logena, edaêeda yai wa laolaoma na ya taumahata lisim yai. Ya fatamaligu te bena haba matam ya tasoêe be wa itaêita fuyo. Be haba Yaubada, Yaluwana Tabuna ya famohafum. 18 Yo fede ginauli hesa doha hama hunadi Saulo matana yai sa beêuma be ya itaêita fuyo. Habahim ya obiyo be ya babasito. 19 Ya kalahe mulina yai, habahim ya adidili fuyo. Saulo ya Lauguguya Damaseko yai Paisowa 9:19-25 Lahai fisa ya miya Damaseko yai maêena tau famuli watanna haisa. 20 Yo fede ya lau Diusi edi aba oigogo be ya lau faêata iyen, Yesu mate In, Yaubada Natuna. 21 Safalumadi sa atahiyen mate sa noêo na sa fafatiêo fuyoêidi tiyen, In logena, Yelusalem yai be salumadi sa laulauêuêula Yesu hesana yai ya faheyayadi! Ena laoma amaiteêi mate paêana somo? Dodoga bena ya audi be ya fafuyodi tau antalasam babaêisadi lisidi. 22 In moho Saulo ena lauguguya mate ya gigibwali wananaha yo ya faêita lobahidi mate wananaha Yesu, In mate Keliso, Fasinabo Dogana, be nuwadi ya abidi na Diusi dodogadi Damaseko yai sa miyamiya wa hige gonowana alinana ti bui. 23 Lahai fisa sa ofi mulina yai Diusi dodogadi sa faêoigogo esega be sa oiliba bena Saulo haba sa wunui. 24 In moho Diusi edi nuwatuhu wa Saulo ya atahiyen. Lahai yo iêipa Damaseko taonna edaêedadi hafohafodi yai sa nahanahai bena haba ainiya sa wunui. 25 Itete sidohana ena gelagela: Iêipa hesa yai Saulo tau famuli watanina sa foyahi lawen be maigele laêilaêi ganahewana yai sa husan be sa fadalolo lidiyen taon ganana solasolana hesa yai. (2 Kolinto 11:33) 26 Fuyana Saulo, Yelusalem yai ya mahano, ya anpate bena tau faêona wasawasa ma afa haidana sa faêoigogo esega. In moho mahudoêidi sa êwasabuwen paêana hige ti kawawananaha mate in haêa Yesu ya famuli watan. 27 Na Banabasi ya foyahi lawen lisidi be ya faliba komakomanidi sidohana Saulo, Guyau ya ita edaêeda yai na Guyau ya libalau lisina. Mate edi ya liba hinaga, Yesu hesana yai hinaga ya lauguguya ma nuwa adidilina Damaseko nuêuna yai. 28 Yo fede Saulo maêedi sa miya na Yelusalem nuêuna mahudoêina yai ya leu yo ya sae be Yesu wasana ya lauguguyaêen ma nuwa adidilina. 29 Na Diusi dodogadi Giliki alinadi yai sa libaliba mate maêedi Saulo sa faibayaho. Yo fede sa anpate bena haba sa wunui. 30 Fuyanna haidana te liba sa atahiyen. Yo fede Saulo sa lawen Siseliya. Amainiya sa fatamali lawen ena nuêu, Tasusi. 31 Habahim, tau kawawananaha mahudoêidi Diudeya, Galili yo Samaliya nuêudi mahudoêidi yai sa miya daumwali begana ya lofa. Yaubada tau kawawananaha ya fafaêadidilidi yo Yaluwa Tabuna ya sagusaguhidi be edi pele ya tadada yo edi miya yai Guyau sa fafaêatitiyen. 32 Neêi lahaina yai Pita ya aulaha be ya lau nuêu ouêouli ya antaumana be Lida yai fatabu dodogadi ya kepaidi. (Efeso 1:1) 33 Amainiya doga hesa hesana Eniyasi ya lobahi, ahena sa peêipeêi be hige gonowana ena aba eno i lau afulen eeâ, bolima faligigi-faihona hige i mwaito. 34 Pita ya libalau lisina iyen, Eniyasi, Yesu Keliso ya faloholohom! U obiyo be em aba eno u noêu. Yo fede Eniyasi ya obiyo. 35 Dodoga peidi Lida taonna yai yo Salon gonna yai sa miyamiya, sa ita. Yo fede sa timuli bui Guyau lisina. 36 Diyopa taonna yai mate waihin hesa hesana Tabita. In mate Yesu tau famuli watanna hesa. (Hesana Giliki alinadi yai mate Doleka.) Fuya ouêouli mate loholoho ya ginaginauli yo tau fagogo gesagesa ya sagusaguhidi. 37 Fuyanna yai mate ya asiyebo be ya peêi. Silanna sa faêaêa be bili hewa yai sa faêota. 38 Diyopa ya lau Lida mate hige i lofa. Logena, Yesu tau famuli watanna Diyopa taonna yai wasa sa atahiyen mate Pita in Lida yai. Yo fede dodoga luwaga sa fatamali lawen be Pita sa anêetai tiyen, Aeeâ, u laoma. Feula! 39 Na Pita ya aulaha be maêedi sa lau. Fuyana ya mahano lau, yo fede sa foya lawen bili hewa yai. Amainiya mate hwabuhwabu mahudoêidi sa obiêobiyo, sa gana panpannen, na sa tantan. Kaleko yo luhuluhu hahaisa ma miyana na ya lau bodi mate, Pita sa faêita. 40 Pita mahudoêidi ya duidi be sa lau ganamuli na ya tulibono be ya lauêuêula. Habahim ya timuli bui be ya sana lau silan lisina na ya liba iyen, Tabita, u obiyo! Yo fede tau peêi wa matana ya falaladi be Pita ya ita na ya obiyo be ya taêai. 41 Pita ya abi famwaito. Habahim, fatabu dodogadi mahudoêidi ya yogaidi yo hwabuhwabu hinaga, be Tabita wa ya fele fuyoêidi ma mwahumwahulina! 42 Wasana mate Diyopa nuêuna mahudoêina ya tadada be dodoga boludi Guyau sa kawawananahaêen. 43 Pita Diyopa yai begana ya miya falofa maêena doga hesa hesana Saimon. In suisui êwapidi tau abiêabi nonohaidi.