Paisowa 8

1 Saulo mate Sitiwin ena peêi ya laliyen. Lahaina yai ni, Yelusalem yai, kamkamna lalaêi sa fahoina dubu dodogadi lisidi yai. Tau kawawananaha mate sa faidabalalaidi sa lau Diudeya yo Samaliya tefadi yai. 2 Na tau faêona wasawasa moho ibodi sa miya Yelusalem yai. Yaubada tau faêatitiyenna dodogadi haisa, Sitiwin sa boêusai na halana sa tan heyaheyaya. 3 Na Saulo ya fatubu be ya lau luma hesa - hesa yai be tau kawawananaha ya fahisu faheyayadi. Tatau yo wawahin ya solu kwakikwakinidi be ya gududi deli yai. 4 Salumadi Saulo ya fadabalaladi mate edi aba lau yai, Yesu wasana sa fatadada. 5 Pilipi mate ya lidi taon hesa Samaliya nuêuna yai be amainiya Keliso, (Fasinabo Dogana) wasana dodoga enehedi ya liba. 6 Yaluwa heyaheyayadi dodoga ganahewadi yai sa kalamahano ma êwalaêwalawidi yo dodoga dabidabidi yo taudi sa peêipeêi ya faloholohodi. Pilipi somo ya libaedi sa atahiyedi yo noêo abiêabidi ya lau ginaulidi sa itadi. Yo fede sa ataêatahi komakoman lau lisina. 8 Be taonna yai ni kwade laêilaêi! 9 Taumoho hesa hesana Saimon amainiya ya gogogo. Ana haha ya ginaulidi be Samaliya dodogadi ya fanoêodi. Ya nuwasaesae be iyen, Yau doga laêilaêi. 10 Yo fede dodoga gaigaibu yo dodoga lalaêi nuêu ni ganahewana yai mate sa ataêatahi komakoman lau ena liba yai na tiyen, Ite doga te, “Yaubada ena gigibwali dogana.” In doga laêilaêi. 11 Sa ataêatahi komakoman paêana fuya lofalofa ana haha yai ya fafanoêodi. 12 Fuyana wasa loholohona Pilipi ya libaen sa atahiyen. Yo fede Yaubada ena Nuêu yo Yesu Keliso hesana sa kawawananahaêedi be tatau yo wawahin sa babasito. 13 Saimon hinaga ya kawawananaha be ya babasito. Muli yai, tau ayahan maêena Pilipi sa laulau asiêasi be fafaêilala yo noêo Pilipi ya lau ginauli, ya itadi. 14 Tau faêona wasawasa Yelusalem nuêuna yai wasa sa atahiyen mate Samaliya dodogadi haêa Yaubada ena liba sa abi. Yo fede Pita yo Diyon sa fatamali lawedi lisidi. 15 Yaluwa Tabuna hola hige i laoma hesa - hesa lisina yai. Yesu Keliso moho hesana yai sa fababasitodi. Pita yo Diyon sa mahano lau mate tau kawawananaha enehedi sa lauêuêula be haba Yaluwa Tabuna sa abi. (Diyon 20:20 yo Paisowa 19:1-7) 17 Habahim, nimadi sa tole lawedi hewadi yai be Yaluwa Tabuna sa abi. Yo fede Saimon ya ita. Yo fede, tataudi luwaga bena haba moni ya feledi. 19 Na iyen, Gigibwali te yau hinaga au felegu. Haba yena nimagu sai laêi ai hewana E tole haba Yaluwa Tabuna ya luhufidi. 20 In moho, alinana, Pita ya bui fuyoi iyen, Haba um yo em moni ami lau oyagi alaêalana! Em nuwatuhu bena Yaubada ena ainauya wa une ai moni? 21 Paisowa yai te, um ibege maêemai paêana em nuwatuhu hige ti dudulai Yaubada matana yai. 22 Em laulau heyaheyayadi lisidi yai u nuwabui na Guyau u anêetai. Nuwana em nuwanuwatuhu ni Guyau haba ya nuwa afuledi? 23 E ita mate wa nuwa elaêela wananaha yo nuwanuwatuhu heyaheyaya sa au didinim. 24 Saimon ya libalau Pita yo Diyon lisidi iyen, Egu au anêeta lau Guyau lisina be ginauli somo aho ami libalibaedi tabu laêi ya fahoina. 25 Guyau wasana yo edi ita lobahi sa libalibaen na habahim, sa aulaha be sa fuyo Yelusalem. Edi aba lau yai, Samaliya ganahewana yai luma edaêeda sadaidi yai, amainiya, wasa loholohona sa falibadi. 26 Guyau ena anelu ya libalau Pilipi lisina iyen, U nonoha na nuêu pitapitalina edaêedana u lau watan. Edaêedana te, Yelusalem yai ya fatubu be ya lau Gasa Nuêuna yai. 27 Yo fede Pilipi ya nonoha be ya aulaha. Edaêeda yai ya laulau na Itiyopiya yuniki ya ita. Yuniki mate doga laêilaêi hesa Itiyopiya Nuêuna yai na alinadi yai edi Kwin e edi hatafele sa atahi mate Kandake na taumoho te ena moni tau ita watanina. Ya lau Yelusalem Yaubada taba ohuna ana halulu. Na saliyoti yai ya fuyo ena nuêu. Ya awa ya laulau na Peloweta Isaiya ena uliêuli ya fatifatili. 29 Yaluwa Tabuna ya libalau Pilipi lisina iyen, U lau be saliyoti ni ai sadaina u fafabeya pei. 30 Pilipi ya lautafotafo eeâ, ya mahano lobahi na ya atahi mate taumoho wa Peloweta Isaiya ena uliêuli ya fatifatili. Ya fatiêoi iyen, Somo wa fatifatili ni aniyona wa sibai e higeêe? 31 Taumoho wa Pilipi alinana ya bui fafuyo iyen, Sidohana haba egu sibasiba yena sai hige i liba famahata lisigu yai? E fakau! (Loma 10:14) Yo fede yuniki wa Pilipi ya faliba be ya finahe saliyoti hewana yai be maêena sa awa luwaluwaga. 32 Uliêulina lausoisoina ya fatifatili mate logena itete, Sa foyahi, doha sipi sa foyahi be bena sa lau funuhi, yo doha sipi natuna olona sa tomo na hige i kehe, in hinaga hige alinana. 33 In sa fataumayamaya yo ena dudulai sa faleleêen. Hige sai laêi gonowana bena ana hiti mulita i dedei, paêana ena mwahuli tanoêubu yai anadan yai ya mahano. (Isaiya 53:7-8) 34 Baêisa wa Pilipi ya fatiêoi iyen, U falibagu, Peloweta somo ya libalibaen? In, e sai hesa? 35 Habahim Pilipi lausoisoina Isaiya ena uliêuli yai te, ya fatubu ya dede beeâ, Yesu wasana loholohona enehena ya liba famahata lisina yai. 36 Na edaêeda yai sa lau weeâ, nuêu hesa yai sa mahano. Amainiya hoêowa. Yo fede baêisa wa iyen, Ma! Hoêowa ite. Somo ya guduguduigu be tabu u fababasitogu? 37 Pilipi alinana ya bui iyen, Yena nuwam ma ofi fahina Yesu wa kawawananahaêen, gonowana haba E fababasitom. Yuniki alinana ya bui iyen, Wananaha! Yesu Keliso mate Yaubada Natuna. 38 Itiyopiya dogana wa ya liba be saliyoti sa abi tohai. Tataudi luwaga sa tulubeêu na sa gayo lidi hoêowa ganahewana be Pilipi baêisa wa ya fababasito. 39 Hoêowa sa gayo hiti afulen. Yo fede Guyau Yaluwana Pilipi ya abi be ya lawe hudoêiyen. Baêisa hige Pilipi i ita fuyoi. In moho ma kwadena ya lau. 40 Pilipi, Asotusi Taonna yai ya taumahata be ya lau Siseliya Taonna. Ena aba lau yai, nuêu mahudoêina yai, wasa loholohona te ya libalibaen lisidi yai.