Paisowa 27

1 Sa oilibaemai mulina yai bena ai waga êe awa êe lau Itali. Paulo yo tau lau deli haisa mate, Loma hiyala tau lau kulukuluwena nimana yai sa tole afuledi. Hesana mate Diuliyesi. In Loma ena hiyala pelena hesa, hesana “Baêisa Sisa ena Ledimenti” 2 Adamitiyum wagana hesa ya nonoha haba ya tafo dunaduna Eisiya Nuêuna tefa hahaisa yai. Yo fede Alisitaku maêemai êe awa. Ena nuêu Tesalonika, Masedoniya Nuêuna ganahewana yai. (Paisowa 19:29; 20:4) 3 Bobonna êe mahano Sidon yai. Hiyala tau lau kulukuluwena, Diuliyesi, ena laulau sa loholoho be ya libalau Paulo lisina iyen, U lau haidam u kepaidi be somo wa fanuha, haba em sa soi. 4 Amainiya êe gelu boda na hwayahwayau mate êe tutu matai. Yo fede, êe lau Saipelesi bonabonaluwana tefa hasahasaina hoyona yai. 5 E tomo doheyen Sisiliya yo Pamfiliya solasoladi yai êe lau eeâ, taon hesa hesana Miula, Laisiya Nuêuna ganahewana yai êe duna. 6 Amainiya hiyala tau lau kulukuluwenna Idipi edi waga hesa, Alesandiya taonna yai ya laoma, ya lobahi ya laulau Itali, yo fede êe awa. 7 Lahai fisa, hwayahwayau maêemai êe faiêabi, be benai - benai êe leuleu eeâ, Kinidusi taonna êe hanahanaui. Bena haba êe bayawai, in moho hwayau ya adidili wananaha, be hige gonowamai aba launa ai lau watan. Yo fede êe tomo doheyen Keliti Bonabonaluwana. Salamone Hisu tetena êe giuliêi, be bonabonaluwana ni fatau hoyohoyona êe lau watan. 8 êE anêanpate adidili be êE faêabi sadasadai eeâ, gadowa hesa hesana “Gadowa Loholohona” Laseya taonna sadaina yai, êe mahano. 9 Amainiya fuya êe pei yo adauna ya heyaya wananaha, paêana Anhudi Lahaina ya ofi mate aniya heyaya fuyana. Be Paulo ya liba fanuwa tagudi iyen, 10 Babada, E siba eda adau te haba ya heyaya. Waga yo ginauli, haba yauma ya faheyayadi, yo nuwana haba ta peêi hinaga. 11 Na hiyala tau lau kulukuluwenna mate, waga kapenana yo waga tanuwagana edi liba ya lau watan na Paulo ena liba hige i modeêen. 12 Gadowa te, ai gogoma fuyana hige i loholoho be dodoga boludi edi fanuha bena sa lau Finikesi Gadowana be hwayahwayau fuyanna ainiya sa miya. (Keliti bonabonaluwana yai, Finikesi Gadowana hafohafona mate yalasi yo yawana edi aba towa yai. Be yena hwayahwayau ya towa, ibege i abidi.) 13 Yawana ya fatubu ya towa benai benai be waga tau eyaisina yo waga tanuwagana edi nuwatuhu bena haga gonowadi haba sa lau. Yo fede waga ana anka sa solu hitin, na Keliti bonabonaluwana sadaina sa boboyo watan. 14 Hige walolona na kaluwabu ya towa lidima bonabonaluwa yai. 15 Yauma waga ya yufi pipin, be ena aba lau hige gonowana i tafo watan, yo fede, hwayahwayau moho ana haba êe tafo watan, 16 be êe boboyo eeâ, bonabonaluwa kiukiu tefa yawana yai hesana Kauda, hoyona yai. Amainiya, aba fafaêoituhu sa solu hitin. 17 Habahim, waga sa auêauwi paêana sa êwasabu ibe i dem lopalopa. Ana wolewole sa noêudi na ya laulau pwapo. Edi êwasabu mate ibe i tata hiti ai gelegele tupina be i lubi lopalopa Libiya hanahanaudi yai. Yo fede waga aba fadaluluna sa fadalolo be sa fabebeda. Na hwayau waga ya yufi pipin lawen oula. 18 Hwayahwayau yo bagodu edi abi ya lau sinaêala; be bobonna waga ana kaihusa tefana sa lofe taluhidi, 19 na lahai fafa faihonana yai, mate iti ibodi nimadi yai waga aba paisowana ginaulidi hudoêi - hudoêi sa lofe taluhidi hinaga. 20 Fuya lofalofa hige maihala yo kipwala ai itadi, na yauma hola ma adidilina. Yo fede nuwamai sa toma, ayawa, “Woo eeâ, anadan, haba te peêi." 21 Fuya lofalofa hige somo laêi ti an, yo fede Paulo ya falibadi iyebom, Babada, nahalidi Keliti yai ibe alinagu ami lau watan na tabu ta adau. Haba ibege heyaheyaya ta fahoina. 22 Lisina yai aho te, E anêetaimiu, bena nuwamiu ami faêadidilidi! Haba ibege sai laêi i peêi; eda waga moho haba ya bulu. 23 Maihona yai Yaubada (In sai E fafamuli watan yo yau hinaga enehena) ena anelu ya laoma lisigu. 24 Na iyen, “Paulo, tabu u êwasabu! Baêisa Sisa bena ai matana wa obiyo. Be Yaubada ena loholoho um lisim yai, debana yai mate salumadi maidam ami awa, ibege ti peêi." 25 Be tatau, nuwamiu ti adidili! Yaubada E kawawananahaêen mate somo ya falibagu haba ya tubu. 26 Be haba bonabonaluwa laêi ainiya te oi hiti hasa. 27 Hwayau ya towatowa na êe aleêalele maihona ouêoulina 14 Mediteleniya Gabogabona yai. Iêipa atipuna yai waga tau paisowa amna sa atahi mate fote sa hanahanaui. 28 Yo fede mahina duduna yai ginauli hesa mwahumwahuna sa au na sa fadalolo lidiyen gabogabo, be oula lofana sa lufa. Sa lobahi mate lofana 40 metres. Hige walolona na sa lufa bodai. Matabahim begana ya fote, lofana 30 metres. 29 Yo fede sa êwasabu, ibe waga ti fatata hitiêi, be anka fati sa fadalolo lidiyedi waga mulina yai, na sa lauêuêula bena ya lahai. 30 Waga tau paisowa bena waga sa gela afulen; be fafaêoituhu sa fadawe lidiyen gabogabo yai, edi bwala bena haga anka haba ai waga kuluna sa fabuludi. 31 Be Diuliyesi yo tau hiyala, Paulo ya falibadi iyen, Yena waga tau paisowa hige ai waga ti miya, haba ami peêi. 32 Yo fede, fafaêoituhu balawadi, tau hiyala sa tomofahi be ya alele. 33 Begana haba ya ifi tatatali, mahudoêidi Paulo ya falibadi iyen, Au kalahe, paêana wiki luwaga hige somo hesa au an. 34 Lisina yai aho te, E anêetaimiu, bena ami anêan, haba taumiu sa adidili be ibege sai laêi u peêi. 35 Paulo ya falibadi mulina yai, fwalawa tefana ya abi be ya ifi na Yaubada ya lautoêiyen. Habahim ya an, mahudoêidi matadi yai. 36 Mahudoêidi nuwadi sa adidili fuyo be sa anêan. 37 Tau awa waga yai mate, oulimai 276. 38 Mahudoêimai êe kalahe maêuda, waga ana kaihusa, witi, sa lofe lidiyen gabogabo yai, be waga ya malaha. 39 Ya ifi tatatali, nuêu hige ti ita lobahi, in moho gelegele sa ita gadowa yai be ana halulu sa lau bena ainiya sa duna. 40 Yo fede anka sa ibo motudi, yo eyaisi balawadi sa tatadi. Na habahim wolewole hesa waga hisuna yai sa uêei, be waga ya dudulai lau fote. 41 Hola ma laudi yo fede ya tata hiti gelegele tupina yai. Hisuna ya lau sopu yo fede ya talaêafi na waga mulina mate bagodu sa lubi lopalopa. 42 Tau hiyala sa oiliba bena tau lau deli mahudoêidi sa wunuidi, tabu ti tuba hiti be ti gela. 43 Nogeya, hiyala tau lau kulukuluwena hige i fanuha bena Paulo i peêi be edi nuwatuhu hige i fanuha. Safaluma tuba sa siba ya falibadi be sa dago bwaêi gabogabo yai be sa tuba hasa gelegele yai. 44 Na tau tubatuba gesa ya falibadi bena sa abiêabi didi waga tebina sa tapwaipwai, amainiya, sa tuba poupouwedi be sa duna sae fote, ma loholohodi. Itete sidohana mahudoêimai êe tuba hiti, ma loholohomai.