Paisowa 26

1 Agilipa ya libalau Paulo lisina iyen, E yaliyem bena em wa libaliba. Yo fede Paulo nimana ya lolon, na ya fatubu ya libaliba iyen, 2 Kin Agilipa, itete egu solasola! Diusi somo lebena yai sa fagilugu, aho te egu E tona galagala matam yai. 3 Paêana ema laulau yo ema faibayaho haêa wa sibaidi. Logena, E anêetaim, bena wa tauêulu na wa ataêatahi laoma lebegu. 4 Ma kiukiugu sidohana egu miyamiya ya fatubu egu nuêu yai ya lau eeâ, Yelusalem yai hinaga, Diusi mahudoêidi sa sibai. 5 Be haêa sa sibaigu fuya lofalofa. Na yena sa fanuha, beti ti famahata mate ema lauêuêula abiêabina ganahewana yai, yau mate “Falesiya” yo tau lau fagagayo hesa beyabeyana. 6 Be aho ite, E obiyo mahata lisim yai, paêana somo Yaubada ya liba fasunuma afa wahamai lebedi yai mate E kawa wananahaêen, halana yai sa sadigu. 7 Iêipa yo lahai ema sulu 12 laulauwewedi ma nuwa ofi fahidi sa fafadebasae, na liba fasunuma te, ma sunumadi sa fafamata watan be haba ainiyona ya tubu sa ita. Aee, Baêisa, sunuma fafamata watan te debana yai Diusi dodogadi sa fagilu gaibuigu. 8 Paêana somo Diusi, hige gonowana au kawawananaha mate Yaubada gonowana tau peêipeêi ya famwahuli fuyoêidi? 9 Beyabeyana egu nuwanuwatuhu laêilaêi bena ginauli mahudoêidi E laulau ginauli ni, Yesu Nasaleta hesana E faheyaya. (Paisowa 8:1; 9:1-2) 10 Yelusalem yai laulaudi te, E ginaginaulidi. Antalasam babaêisadi, tau nuwa bui boludi sa biya afuledi nimagu yai be E falau delidi; yena bena sa wunuidi, mate E ehe watawatanidi. 11 Fuya ouêouli Diusi edi aba oiêoigogo lumadi hahaisa yai E panipanisidi yo E eli duduidi be Yesu hesana sa liba faheyaya. E manabala wananaha yo fede E lau taêowawa edi duhu laêi hesa - hesa yai, be E fakamkamnadi. 12 Tau antalasam babaêisadi agu paisowa sa felegu be sa duigu E lau Damaseko. 13 Kin Agilipa, lahai laêi yai edaêeda yai E laulau na mala hesa E ita galewa yai. Ya mala wananaha, hige doha maihala. Ma afa haidagu ya sina fataêiêilimai. 14 Mahudoêimai êe beêu lidi tanohi yai, na alina hesa E atahi ya libama lisigu Hebelu alinamai yai iyen, “Saulo, Saulo! Paêana somo wa fakamkamnagu? Mate, wa fakamkamna fuyoim. Gonogonowana doha bulumakau ya fakamkamna fuyoi tanuwagana ena tuêe yai na ahena yai ya oiêoi fapito." 15 E fatiêo yawa, “Baêisa, um sai?” Be Guyau alinagu ya bui iyen, “Yau Yesu, logegu wa fakamkamnagu. 16 U obiyo! Lebem yai E taumahata, paêana E fasinabom, haba um egu tau paisowa. Somo aho E faêitam yo fuya matada yai somo sa taumahata, haba wa dedeidi. 17 Haba E fofofahim falem Isalaela yo taêowawa dodogadi lisidi yai. Yau E duim wa lau lisidi. 18 Haba wa faêita lobahidi be kamumu yai wa fafuyodima mala yai yo Satani ena gigibwali sa lau afulen na sa fuyoma Yaubada lisina, na haba edi kawawananaha lisigu yai edi heyaheyaya E nuwatuhu afuledi, be egu fatabu dodogadi ma afa haidagu êe miya esega. Salumadi sa anpate bena sa fakamkamnam, haba E fofofahim." 19 Logena be, Kin Agilipa, fuyana Yesu galewa yai ya liba lidima lisigu, tautau yai be ena liba E lau watan. Hige ya awayagala. 20 E guguyaidi: bwaêibwaêina Damaseko yai, habahim Yelusalem, Diudeya nuêu mahudoêina yai yo taêowawa lisidi yai hinaga, mate bena edi heyaheyaya sa nuwa afuledi be Yaubada sa famuli watan haba te ita mate wananaha sa nuwa bui. (Paisowa 1:8) 21 Guguya te halana yai Diusi bena sa wunuigu, yo fede sa tohaigu, Dubu Tabuna dobidobina yai. 22 In moho, aho ite Yaubada ya sagusaguhigu, be E obiyo amaiteêi, na E liba famahata dodoga fafahesadi yo puêopuêoudi lebedi yai. Somo Mose yo peloweta haêa sa libaen haba ya tubu E libalibaen watan. 23 Mate, Yaubada ena Fasinabo Dogana, Keliso, haba ya kamkamna; na haba ya obiyo fuyo bwaêi, be mala wasana Diusi yo taêowawa dodogadi ya falibadi. 24 Libadi yai te, Paulo enehena ya oiêoilele, na Fesitu ena liba ya an eli dogodogoi iyen, Paulo, nuwana u bwadebwade! Em sibasiba ya kamfabwadebwadem! 25 Alinana Paulo ya bui, Baêisa, yau hige ya bwadebwade! Yau E libaliba dudulai. 26 Baêisa Agilipa! Somo E libalibaedi te, hige simosimo yai ti tubu. E siba wananaha mate haêa wa sibaidi. Logena nuwagu ya adidili, be E falibam. 27 Baêisa Agilipa, Peloweta wa kawawananahaêedi e higeêe? E sibai mate wa kawawananahaêedi. 28 Agilipa ya libalau Paulo lisina iyen, Wa sibai haba gonowam nuwagu wa bui feufeulai, be E famala “Kulistin”? (Paisowa 11:26) 29 Ena liba Paulo ya bui iyen, Haba emi nuwabui tefana ya lofa o ya tupo, na egu lauêuêula Yaubada lisina yai mate bena um yo salumadi aho ite ami ataêatahi ami famala doha yau - na in moho tabu ti senimiu! 30 Habahim Agilipa, Benisi, Gawana Fesitu, yo salumadi maêedi sa mwaito. 31 Sa lau ganamuli yai, na tiyen, Doga te hige ana mata hesa bena ti falau deli, e ti wunui. 32 Be Agilipa ya libalau Fesitu lebena yai iyen, Doga te, ibe hige Sisa i anêetai, egoba haêa ti soêe fahi.