Paisowa 18

1 Muli yai, Paulo Atensi Nuêuna ya lau afulen na ya lau Kolinto. 2 Diusi dogana hesa amainiya ya lobahi hesana Akuila. Ena aba tubu mate Pontusi. Ma lahuna Pisila Itali nuêuna yai sa laoma Kolinto. Paêana Sisa Kilaudiya ena laugagayo ya tole mate, Diusi dodogadi Itali duhu laêi Loma yai ainiya tabu ti miya, habahim ya lau beleleidi be sa lau. Yo fede Paulo ya lau ya kepaidi. 3 Ya miya amainiya be ma afa haidana palai sa laulau bodi. Ya famala ena moni edaêedana gonogonowana doha iti. 4 Sabati ouêouli aba oiêoigogo ai lumana, sa oiêoiliba bena sidohana Diusi yo Giliki ya nuwa oidi. 5 Fuyana Sailasi yo Timoti Masedoniya yai sa laoma, Paulo ena fuya ya pei laulauguguya yai, yo ya liba faneganega Diusi dodogadi lisidi yai mate: Yesu in Keliso. 6 Fuyanna Diusi dodogadi Paulo sa soêa fapito yo sa liba fafaheyaya, yo fede ena leli afusadi ya oi luhiluhidi, be ya faêita lobahidi mate iti hige Yaubada nuwana ti faloholoho. Ya falibadi, iyen, Yena ami gege, tabu au fagilugu! Aho te, haba E lau taêowawa lisidi. 7 Faibayaho te debana yai, Paulo ya lau afuledi. Na ya dohe lau taêowawa dogana hesana Titusi Dasitusi ena luma. In Yaubada tau taba ohuina hesa. Ena luma mate aba oiêoigogo lumana sadaina yai. 8 Diusi tau foyahidi hesana Kelisipusi yo ena luma tau miyaina mahudoêidi, Guyau sa kawawananahaêen, yo Kolinto taonna dodoga peidi, wasa sa atahiyen, be sa kawawananaha na sa babasito. 9 Iêipa hesa tautau yai Guyau, Paulo ya faliba, iyebom, Tabu u êwasabu! U fafalibadi! U kulu bonoi moho! 10 Yau maêem! Ibege sai i faheyayam. Paêana taon yai te, egu dodoga sa ouli. 11 Be yo fede Paulo amainiya ya miya eeâ, bolima esega nawalahi faligigi esega. Na Yaubada ena liba yai dodoga ya fafatalahadi. 12 Loma babadadi, Galiyo sa faêobiyo be Akaiya Nuêuna edi Gawana. Ena fuya yai Diusi sa faêoigogo be Paulo sa tohai na sa lawen aba lau fatala yai. 13 Sa liba, tiyen, Taumoho te, ema laugagayo ya utusi be dodoga ya faêata ponolidi, be hige fadebasae dudulaina ti ginauli Yaubada lisina yai. 14 Paulo bena haba ya libafahi, na yo fede, Galiyo, Diusi ya falibadi, iyen, “Ibe wananaha, heyaheyaya kiukiu e laêilaêi ya ginaginauli, haba emi liba E atahi watan. 15 Na yena ibe umi Diusi emi hesa atahi, liba yo laugagayo lisidi yai; ami famoêa oiêoi, mate ibomiu au fadudulai. Yau ibege ya fahawasimiu!" 16 Yo fede, aba lau fatala lumana yai ya duidi, be sa lau ganamuli. 17 Habahim, Diusi edi aba oiêoigogo tau laulau kulukuluwenna hesana Sositenesi, Giliki dodogadi sa tohai, be aba lau fatala hafohafona yai sa talai. In moho, Galiyo hige i mode. 18 Paulo begana ya miya maidana tau kawawananaha Kolinto yai. Bena ya lau Siliya Nuêuna. Yo fede ya lau afuledi, na maidana Pisila yo Akuila sa lau Sensiliya. Hola hige ti auêaulaha, na Paulo hola kuluna sa holi paêana ena angwala ya ginauli. 19 Fuyanna sa mahano Efeso yai, amainiya Paulo, Pisila yo Akuila ya lau afuledi. Na in ya lau Diusi edi aba oiêoigogo lumana yai be ma afa haidana sa laulau fadosi. 20 Dodoga sa anêetai bena hola begana ya miya lisidi yai, na hige i tauêulu. 21 Ya lautoêiyedi na iyen, Yena Yaubada ena nuwatuhu yai, haba E fuyoma E itamiu. Habahim Efeso yai waga yai ya awa. 22 Sesaliya yai ya mahano. Habahim ya lau tau kawawananaha Yelusalem yai, ya lautoêiyedi. Amainiya ya fuyo Antiyoka, Siliya Nuêuna yai. 23 Lahai fisa maêedi sa miya Antiyoka yai. Mulina yai, ya aulaha ya lau nuêu hesa - hesa Galeisiya yo Filigiya Nuêudi ganahewadi yai, be Yesu tau famuli watanina ouêoulidi nuwadi ya liba faêadidilidi. 24 Fuyanna yai ni, Diusi dogana hesa hesana Apolosi ya laoma Efeso. In mate tau liba sonoga hesa yo Uliêuli Tabudi ya siba wananaha. Dogana mate Alesandiya Duhu Laêi yai sa yosi. 25 “Guyau ena Edaêeda” mate, dodoga Apolosi sa fatalaha, be ma nuwa adidilina Yesu wasana dudulai yai, ya lau faêataen. In moho Diyon ena babasito moho ya sibai. 26 Ya fatubu ya libaliba ma nuwa adidilina Diusi aba oiêoigogo lumana yai. Fuyanna Pisila yo Akuila wasana sa atahiyen mate Apolosi sa foya lawen edi luma be “Yaubada ena Edaêeda” sa faliba faneganega lisina yai. 27 Apolosi ya fanuha bena ya lau Akaiya Nuêuna. Yo fede tau kawawananaha Efeso yai, nuwana sa liba faêadidili, yo leta sa uli lawen afa haidadi lisidi Akaiya yai. Leta yai sa falibadi bena ainiya haba sa failobahi. Ena fuya mahano yai, tau kawawananaha salumadi Yaubada ena ainauya ya feledi mate Apolosi ena sagu laêilaêi lisidi yai. 28 Dodoga matadi yai, ya liba adidili, be Diusi edi liba ya liba golugoludi yo Uliêuli Tabuna yai ya fawananaha mate Yesu in Fasinabo Dogana, Keliso.