ZABURA 48

SIM

¹ Dikiri zↄ̃kↄ̃, à kà ò a sáabu kpá manamana ó Luda wɛ̃tɛ gũn a kpi kũ à kú adonaa musu.

² Zaiↄ̃ gbɛ̀ katɛna mana, à de andunia gbɛ̃ sĩnda pínkinɛ pↄnna ũ. Kína zↄ̃kↄ̃ wɛ̃tɛ pì kú kpi gugbãnduru kpa.

³ Luda kú a gudãkpãkinↄ gũn, à tò ò a dↄ̃ aafialeki ũ.

⁴ Kũ kínanↄ lɛ́dokↄ̃nↄ kɛ̀ de ò su ò lɛ́tɛa lɛɛlɛ,

⁵ kũ ò wɛ̃tɛ pìi è lɛ, akũ à bò ń sarɛ, vĩna ń kũ, akũ ò bàa lɛ̀.

⁶ Ò gↄ̃̀ kũ lukanaao lán nↄgbɛ̃ nↄ̀wãwãkɛrii bà.

⁷ N ń kɛ́ dúgudugu lákũ ifãboki ĩa dì lagatarinↄ gó'itɛnↄ kakatɛ nà.

⁸ Yã kũ o màan ó wɛ́ è Dikiri Zĩ̀karide ó Luda wɛ̃tɛ gũn. Luda wɛ̃tɛ pìi kàtɛ àgↄ̃ kun gↄrↄ sĩnda pínki.

⁹ Luda, ó kú n kpɛ́ ↄnn, ótɛn laasun lɛ́ n yenyĩkɛnaaa.

¹⁰ Luda, lákũ n tↄ́ dàgula ari andunia lɛ́n nà, lɛn n sáabukpanaa dàgula lɛ dↄ. Ndì yã gↄ̃gↄ̃ n gbɛ̃nↄnɛ a zɛ́a.

¹¹ Zaiↄ̃ kpidenↄ tɛn pↄnna kɛ, Yudanↄ bùsu wɛ̃tɛdenↄ pↄ kɛ̀ nna, yãkpatɛ kũ n kɛ̀nↄ yãi.

¹² À dↄdↄkↄ̃a à lika Zaiↄ̃i, à a bĩni dãkpãki lei dasinↄ naro.

¹³ À a bĩninↄ tàasi ká kũ a zɛki gbãnanↄ de à le à baba ziadenↄnɛ.

¹⁴ Zaakũ Luda dímɛ ó Luda ũ gↄrↄ sĩnda pínki, àdi dowɛrɛ arɛ ari ò gɛ́ gao.