ZABURA 43

SIM

¹ Ǹ ma yã nna kpáma Luda, ǹ zɛ kũmao buri ludadↄ̃risarinↄ yã musu, ǹ ma bo gbɛ̃ vãni manafikidenↄ ↄĩ.

² Luda, mↄkↄ̃mmɛ ma utɛki ũ, bↄ́yãin n gimaii? À kɛ̀ dera n tò ma gↄ̃ tɛ́ kũ pↄsirao ma ibɛrɛ wɛ́tãmmana yãii?

³ Ǹ n gupura kũ n yãpurao zĩma, à domɛnɛ arɛ n kpi musu, à gɛ́ kũmao ari n kúkia gwe.

⁴ Gbasa mà gɛ́ n gbagbakia Luda, ma pↄ ni kɛmma nna, Luda ma pↄnna, mani n tↄ́ kpá kũ mↄrↄↄo, Luda ma Luda.

⁵ Bↄ́yãin ma nɛ̀sɛɛ yàkaa? À kɛ̀ dera ma laakarii fùtɛɛ? Manigↄ̃ wɛ́ dↄ Ludai, zaakũ mani ɛra màgↄ̃ a sáabu kpá, ma Surabari, ma Luda.